Tui So Y te Ban raya Ho Chi Minh, hadei tuk pagam haong Binh Duong saong Ba Ria – Vung Tau, Ban raya Ho Chi Minh bahrau mbuan rah tabiak bruk y te oh tal piah duh ka urang. Kuhria, abih tih mbang pasang iek ruak di langiu saong taong ruak di dalam sang iek ruak hadei tuk pagam meda tapa tanut 51 trieu saong 3,8 trieu mbang yaok thun. Urak ini Ban raya Ho Chi Minh naong trak labaih 30% taong abih mbang iek ruak saong 23% kuhria taong abih urang tame jru ruak dalam negar. Piah ngak lagaih ka bruk ini, So Y te Ban raya Ho Chi Minh hu ba tabiak jalan ramik veik bruk y te hu rilo labik pasak, gam haong nan patagok dom labik 2, labik 3 di dom sang iek ruak puac abih di dom labik tapen bhum taneh riya.

Binh Thuan ngak hu 824 baoh sang kuhria abih tih dalam 1.119 sang taik tahak, sumu jaik 74% bruk ba tabiak. Tinh Binh Thuan kham merat ngak hu salah blaoh abih baoh sang dahlau harei 20/6 anak tal. Abih di nyu, tabung glong “50 harei ngak brei abih baoh sang oh daok taik tahak dalam tinh” mboh hu siam. Pak bhum palei ngak hu taong abih tanut ba tabiak, nan lac huyen Ham Thuac Bac hu 153 baoh sang, Ban Phan Thiet hu 72 baoh sang, huyen Ham Thuan Nam hu 45 baoh sang saong ban sit La Gi hu 9 baoh sang. Huyen Tanh Linh hu daong jien ngak sang rilo abih dalam tỉnh, hu 224 baoh sang. 

Tinh Tien Giang hu yam tame bilan hajan. Bruk pacang caga bala langik brei ka hu sangka. Tui Rayo kuhria langik tasik Tien Giang, di rilo labik dalam tinh hu hajan tagok tal 30mm, dom hamu padai, taneh pala njam patam bhum dhaong jeng “dauk dalam ia” hadei mbang hajan. Urang ngak nong bhum tapen tasik Gò Công daok samar trun pajaih mbang padai saong njam patam bilan He thu. Di ban Mỹ Tho, tinh Tien Giang hu dom phun hijao jaleih tuk hajan praong pagam tui angin yuk khang. Labik pasang iek ndo thi peih bruk cakak dhan phun praong piah plaih bruk jaleih phun tuk hu angin hajan angin.

Tinh Long An duah mboh saong chap mek jaik 12.000 lon ia tasau tapung di rilo labik ngak karei di gauk, oh hu harak gal brei thau hu memng halei mai, di sa baoh sang pak huyen Cần Đước. Pandap nan hu kuhria hu labaih 3 ti dong. Dom pandap nan hu mbat tauk rilo angan yau: Z1000 Gold +, Sanaki Grow IQ Plus (Sun), Gold 1+, Biotar Diest... Taong abih ia tasau oh thau meng halei mai hu tauk papaok veik piah pasang iek, brei thau cambaic laic  dom bruk ngak suan hukum.

Kong an tinh Binh Duong hu mek kareik Nguyễn Thành Thông (umo 21 thun) piah pasang iek bruk “Taong paoh urang karei” saong “Ngak srau kadau dalam rahra” tuk urang ini mek girum klauk 5 anek saih di Ban Tân Uyên saong Ban Thủ Dầu Một. Di tukvak pasang iek, kong an duah mboh saong mek khik di rup Thông sa kaya hu padang ia hu sambo bar hijao, sa girum (piah klau ka athur) dalam girum jeng hu ia hijao nan, saong 1 camera padauk kandauk yau dong ho cuk tangin. Urak ini jabat kong an daok pasang iek tantu ka ia hijao nan.

Thu tuong Nhat Ban Shigeru Ishiba khan brei thau, taneh ia ini kham merat jhul khang dom bruk ginum biai ka jien je haong Mỹ di bilan 6 anak tal. Dahlau di nan, brei panuac haong dom urang vak di Kyoto, ong Ishiba khan lac hu bruk lagaih jang dalam dom mbang ginum biai, dalam nan dua gah hu ginum biai piah peih praong bruk pablei salih, dom jalan oh kak jien je saong an ninh kinh te. Ong khan lac dua taneh ia  meda hu siam veik tapa dom mbang ginum biai pamong tal nyaom biai tabung glong G7.

Mentri Quoc phong Nga brei thau Nga saong Ukraine hu salah blaoh mbang jao salih bol lin njauk khamang mek kareik dui atah klau harei, yaok gah jao salih veik 303 urang daok guk. Yau nan, tui bruk mbaoh tangin di Nga saong Ukraine, gah Nga saong Ukraine daok ngak bruk tui jalan 1.000 urang salih 1.000 urang. Ini lac jalan nao piah pamaong tal sron mbon salamat rah tabiak dalam adit anak hadei mbang ndom meyai tapak akaok meti di dom gah mesuh hadei labaih klau thun, tuk Nga saong Ukraine oh mek hu bruk mbaoh tangin ka padeih mesruh./.

Dalam tuk hu rilo urang njom ruak COVID-19 daok dak harei dak parilo di rilo taneh ia chau A, An Do hu mboh dua janih anek ruak birau di virus SARS-CoV-2 lac NB.1.8.1 saong LF.7. Dalam dua bien the ini urak ini hu Gah Y te Dunya (WHO) hu dak angan tame “Bien the njauk brei tui iek” kayua pambuak tal bruk hu rilo urang njom ruak di Trung Quoc saong dom bhum chau A karei./.