UB Bhap bini Ban raya Ho Chi Minh bahrau pathau khan payua ka Mentri Padang ka bruk patagok sang daok xa hoi tal thun 2030, ngan haong jalan ngak salah blaoh labaih 94.000 baoh sang. Ini lac bruk ngak hu makna piah langyah asal kadha sang daok ka rahra. Sa dalam dom kein lagaih biak hu makna  meng bruk ini lac bruk rahra brei mbuan hu dom baoh sang yaom lap, gap njauk haong jien padai, daong ka dom urang nan tani tanat raidiuk. Ngan haong bruk ini, Ban raya Ho Chi Minh daok ngak tabiak kein lagaih bahrau ka rahra hu daok dalam sang daok yaom lap, daong pasiam raidiuk saong daong padang sa rahra samu gauk saong patagok.

Pasak Jitvu bruk ngak tinh Hau Giang khan lac, meng akaok thun mbiah tal ini, tinh ini hu ba 590 urang nao ngak bruk negar langiu, sumu jaik 70% bruk ba tabiak dalam thun. Dalam nan, hu 352 urang nao ngak bruk di Han Quoc, 237 urang ngak bruk di Nhat Ban. 5 thun tapa, tinh Hau Giang ba labaih 2.700 urang nao ngak bruk pak negar langiu, ini lac piah duah jien kuhria ka raidiuk urang ngak jeng yau baoh sang, rik tame ngak brei trun kathaot khang kajap.

Tinh Tra Vinh urak ini hu labaih 50.000 ha taneh tapen tasik saong 15.000 ha taneh mbon, kaoh tasik hu ieu da-a gah buh jien tame, pandar raong glang kaya dalam ia kong nghe glaong, paglaong yaom kaom. Tinh Pataom tame patagok bruk raong athur dalam ia bhum ia mbak saong ia meteh mbak meteh taba di 5 huyen, dalam nan hu: Duyên Hải, Cầu Ngang, Trà Cú, Châu Thành saong ban sit Duyên Hải. Thun ini, Tra Vinh ba tabiak jalan ngak gah kaya dalam ia hu tanut cakrok kuhria rah tapa lac 5%, taong abih kaya hu raong di bhum tapen tasik di tinh hu labaih 200.000 tan.

Kong an tinh Dong Nai birau khan ka bruk chap mek nyaom urang padang blah web piah meyao meyit jien online hu yaok pluh urang buh jien tame, kuhria hu jaik 10.000 ti dong. Tapa pasang iek, duah thau, dom urang pan kaok lac Nguyễn Quốc Hùng, umo 41 thun, daok di quận Long Biên, Ban Hà Nội, Bùi Thị Thanh Nga umo 34 thun, daok di huyện Thanh Trì, Ban Hà Nội…Jien meblah di urang ma-in, Hùng saong Nga biai gauk blei taneh. Kong an tinh Dong Nai daok chap hu rilo drap ar, kaya karei piah duh ka bruk pasang iek.

Pasak Kuhria langik tasik Negar brei thau, urak ini tapen tasik gah Pur di Meraong Negar hu tanut ia tagok daok di tanut glaong. Kuhria biar harei mesup ini, tapen tasik dom tinh, ban meng Vung Tau tal Ca Mau hu tanut ia glaong abih labaih meng 3,9 - 4,1 m, labik mbuan njauk ia dauk kayua ia ndik lac bhum dhaong biar saong bhum langiu ar. Dom tinh, ban brei srap gap peih ngak dom jalan pacang ia dauk, pacang khik ka bruk ngak mbang; pakajap, pacang khik kavei raong kaya dalam ia, njam patam, pacang caga ia dauk bhum ndo thi, bhum dhaong biar…

Thu tuong Trung Quốc Lý Cường harei kabroi iew dom taneh ia Đông Nam Á saong bhum tasaik atah klak bruk kan kandah dalam ngak mbang pablei salih saong peih praong pabah mbang dak harei dak hu rilo sarak jien je piah pacang khik bruk ngak mbang dalam taneh ia. Ong daok khan lac, Trung Quoc jia tame bruk tani tanat kinh te anak rilo kan kandah. Jeng tui Thu tuong Trung Quoc, bruk ngak mbang kinh te Trung Quoc daok pasiam veik saong hu patagok kuhria meng akaok thun ini saong pablei ndap nda tabiak di Trung Quoc hu tani tanat oh lac bruk kan kandah di gah langiu negar.

Quoc hoi Prang khan tapa sarak hukum brei ka urang palih ruah bruk metai hu karja daong, peih jalan ka Prang jeng sa negar chau Au bahrau abih brei ka dom urang njauk ruak kan jru abih ruak khin brei padeih abih umo diukrai. Tui dom mbang pasang iek roh duah meng panuac ndom dalam rahra, labaih 90% urang Prang njauk hatai ka dom hukum brei ka dom urang njauk ruak nan y atau pandik pandua suai lavik khin metai abih umo. Hukum brei ka bruk metai hu daong saong daok hu pambak tabiak grauk negar chau Au.

Truyen thong My harei 27/5 ba khaw tin Mentri Ngoại giao Mỹ iew dom Dai su quan saong Tong lanh su quan di taneh ia ini padeih samar bruk pagol tangin sua ka sarak thi thuc ka saih bac negar langiu. Mentri Ngoại giao Mỹ daok pasang iek veik dom bruk ngak saong palih ruah, pasang iek khaw tin dom urang hu tut angan likau dom sarak thị thực nao mai negar langiu. Mỹ urak ini hu labaih 1 trieu anek saih dunya, rik tame jiak 44 ti dola ka bruk ngak mbang kinh te./.