Harei Pataom Ilamo bangsa Cam mbang ka VI hu peih tabiak meng harei 27 -29/9 di tỉnh Ninh Thuận hu daong pok meyaom, yaih khan ilamo meng kan di bangsa Cam tal ayut sahabat  dalam saong langiu negar. Ngan haong  kadha “Khik ramik, patagok  ilamo siam gheih di bangsa Cam dalam tuk yam tame dunya saong patagok taneh ia”, harei pataom ilamo thun ini hu 9 tỉnh, ban hu urang Cam daok, lac:  Ninh Thuận, Bình Định, Phú Yên, Bình Thuận, An Giang, Tây Ninh, Quảng Nam, TP. Đà Nẵng saong TP.HCM. Tui Sở Ilamu -The Thao saong Dulich  Ninh Thuận, tuk nan tỉnh meda taduan raok labaih 1.200 urang lac diễn viên, urang pato pasram, nghe nhan, đạo diễn, nghệ sĩ saong labaih 10.000 tuai  mai rivang ma-in.

Sở Ilamu - Thể thao TP.HCM brei thau, bruk padang ngak Rạp Xiếc saong parang me-in rilo janih Phú Thọ, di Quận 11 daok hu ngak dalam samar drah piah njauk tukvak ba tabiak, samu peih ngak danak dak parang me-in salam uan 50 thun yasa taneh ia 30/4/2025. Tui bruk ba tabiak, bruk padang ngak Rạp Xiếc saong parang me-in rilo janih Phú Thọ hu padang tabung di bilan 9 tal. Ini lac bruk ngak praong (nyaom A) di ban raya, peih tabiak jalan ka gah ilamu cakrok jang. TP.HCM urak ini hu 21 danak dak dalam gah ilamu thể thao hu ieu buh jien tame ngak tui jalan pambuak bruk di karja haong rahra.

Mban Bangsa tỉnh Kon Tum birau peih tal pasram, pabak ilamo hukum saong bruk pathau khan  piah takik bruk lakhah tuk oh ka tal umo thun saong  tok gauk dalam but pajaih  ka 70 urang pathau khan di bhum palei. Dom urang nan hu bac 4 kadha nan lac: Khái niệm, bruk lakhah tuk oh ka tal umo thun, tok gauk dalam but pajaih, bruk ngak di urang jakar pakat xã, palei dalam bruk pathau khan ngak brei salih jalan sahaneng jalan ngak bruk lakhah  di bol bhap bangsa takik; ilamo saong bruk pathau khan ka bruk trun takik lakhah tuk oh ka tal umo thun saong  tok gauk dalam but pajaih;  hukum lakhah baoh sang, tok guak tuk oh ka tal thun, tok gauk dalam but pajaih…

Tui Sở padang ngak ban Cần Thơ, bruk cakrok sang daok di ban Cần Thơ hu Thủ tướng Rajaei jao brei tal thun 2030 brei ngak hu 9.100 baoh. Min tui danak dak patagok sang daok hu HĐND TP. Cần Thơ brei tapa saong jalan cakrok sang daok di Cần Thơ tal thun 2030, ban Cần Thơ ba tabiak ngak 12.715 baoh, rilo jang bruk hu jao brei lac 3.615 baoh. Piah ngak hu bruk nan, Sở Padang ngak Cần Thơ brei ngak dahlau sang daok xã hội brei pah haong mbaok taneh karja daok dalam labik ngak kong, labik chế xuất hu quy hoạch piah cakrok sang daok ka urang ngak.

Biar harei kabroi, Kong an tỉnh An Giang pambuak bruk ngak brei cambaic laic saong ba tabiak bruk taong phat hanh chinh 10 trieu dong ngan haong 2 urang ka bruk ba khaw tin ja, suan angaok mạng. Dahlau di nan, tapa duah thau, Kong an tỉnh An Giang hu mboh 2 tài khoản mạng XH YouTube kayua H.V.T (ndih tapui thun 1992, daok di tỉnh Kiên Giang) saong  T.T.H (ndih tapui thun 1984, di tỉnh An Giang) hu ba video cuah kadha ja, oh hu biak ka bruk patau hu rup manuac, dreih yau ong Thích Minh Tuệ, di phường Thới Sơn, thị xã Tịnh Biên, tỉnh An Giang, ngak srau kadau menuac sia.

Tổng thống Mỹ Joe Biden hu ndom biai haong labaih 20 thống đốc bang lac dom urang di đảng Dân chủ piah brei thau lac pachreih tui ong dalam bruk nduac pakacah tame Nhà Trắng. Bruk ndom biai oh lac pataom tame ginum biai dom jalan taong janeh ong Donald Trump di bilan 11 tal bo daok brei mboh yaom praong di bruk hu rilo jang dom thống đốc bang di đảng Dân chủ saong meblah hu rilo labik jang dalam quốc hội liên bang saong tiểu bang. Ini hu maong lac bruk kham merat di Nhà Trắng saong Tổng thống Biden piah patrun bruk suh sah dalam đảng hadei di mbang ngak oh siam dalam bruk ndom biai nao mai haong ong Donald Trump di adit blaoh.

Brei pandar dahlau pandap ngak tabiak dalam taneh ia lac sa dalam dom jalan jhul samar  di gah kinh te di Lào dalam tuk taneh ia ini daok dang anak bruk lạm phát tagok glong. Tui yaok pataom, Lào daok lac sa dalam dom taneh ia hu ti le lạm phát glong abih di Đông Nam Á, kuhria rah tapa  hu labiah 26%. Di mbang nyaom ka 7, QH mbang IX di Lào daok rah tabiak, rilo urang jakar caong brei ngak catang  bruk blei tame dom janih pandap oh njauk, abih di nyu lac kaya nong, pandap pandar yaok harei, ia menyum dom janih.

Jabat chức năng Campuchia mboh lac, dalam 6 bilan akaok thun ini, bruk langik tasik rah tabiak oh lagaih saong bala meng langik tasik di taneh ia ini ngak brei menuac matai saong khat lahik drap ar glaong jang dut saong tukvak ini thun dahlau. Dom mbang jakala klaak saong ngin rabuk ngak brei labaih 100 menuac matai saong njauk rambus, yaok rabau sang danaok saong  công trình njauk khut, tayah. Campuchia kham merat peih ngak dom jalan pacang caga haong ia dauk ia sua, duah, daong dom menuac njauk bala, pabak pandap panda saong pato pakai ka dom puk palei, dom tinh ban ka bruk pacang, pasiam dom bala meng langik tasik dalam bilan hajan./.