Di var taom mbaok urang lac doanh nhan peih ngak di page ini, pahadar harei Doanh nhan Viet Nam (13/10) Thu tướng Phạm Minh Chính caong khin saong jia lac, dom doanh nhan doanh nghiep Viet Nam tuk halei jeng brei mboh bruk nao dahlau dalam bruk cak rok patagok kinh te xa hoi daong kein laba ka taneh ia ka bangsa, kayua bruk patagok khang kajap di taneh ia, haniem phol di bhap bini, yaok urang khol drei brei mboh jalan sahaneng anit taneh ia meng bruk ngak mboh di meta, bruk ngak hu jak jeng cambaic laic, ndem gam haong ngak, hu sanya ye njauk brei ngak, hu ngak ye hu jak jeng siam mekre, teik trak, duk iek, yaok kuhria.

Mban Thuong vu Tinh uy Kien Giang bahrau alin brei saong alin veik Huy hieu Ndang ka 13 urang ndang meng 30 thun tal 55 thun Ndang. Mbang ini, Ndang bo tinh Kien Giang hu 836 urang ndang hu taduan Huy hieu Ndang. Di harei pataom mbaok, ong Đỗ Thanh Bình, Bi thu Tinh uy Kien Giang caong khin dom adei sa-ai hu taduan Huy hieu Ndang mbang ini saong abih tih urang ndang dalam Ndang bo bhian pasram patia, brei mboh ilamo diukrai, daok dang, kham merat ngak siam bruk di drei; lac urang nao dahlau dalam bruk pathau khan ka dom jalan tacei ba di Ndang, sarak, hukum di Karja (VOV) 

Tui So KH & ĐT TPHCM, tukvak tapa, ban raya hu peih ngak rilo jalan piah jhul pakhang bruk brei phun jien meng kadung jien karaj, min 9 bilan tapa di thun ini, Ban raya birau peih brei labaih 15.800 ty dong, sumu 20% bruk ba tabiak. Oh lac yau nan, tukvak tapa, bruk di dom danak dak hu pambuak tal bruk pasang iek, duah thau, duah langyah veik jeng ngak brei oh siam tal bruk sahaneng di po buh jien tame ngak mbang saong bruk ba tabiak, harak gal bo dom đơn vị  daok peih ngak. Meng nan, bruk pambak tal peih brei phun jien daok suai damuai.

Ngak tui dom sarak bangsa saong danak dak pakat negar, dalam 5 thun tapa, tinh Ba Ria – Vung Tau hu buh jien tabiak labaih 780 ty dong piah ngak yaok rituh cong trinh ka rahra, an sinh xa hoi piah patagok kinh te bhum mikva bangsa takik. Meng dom bruk buh jien tame ini, co so ha tang bhum bangsa takik hu salih bahrau cambaic laic, raidiuk di rahra hu paglaong. Dom baoh sang urang bangsa kathaot meng 685 baoh sang di akaok thun 2019 trun daok 78 baoh sang dalam puac thun 2023, meblah 0,96% kuhria taong abih baoh sang urang bangsa. (VOV) 

Meng harei ini mbiah tal harei 6/10, di bhum tapen tasik Dong Nam Bo meda hu rilo mbang ia ndik. Yaom lac, mbang ia ndik nan takik ngak ia dauk  di dom labik dhaong, labik bien, labik tapen kraong saong bhum langiu ar pacang yau nan min meda ngak suai tathuak ia ndik angaok kraong Cửu Long kayua urak ini ia di gah angaok kraong Cuu Long daok tagok. Piah caga dahlau, Cuc Khik iek ar pacang saong Pacang caga bala meng langik tasik caong khin dom tỉnh, ban gaok kan kandah bri tui iek tani tanat dom khaw tin brei thau dahlau ka sumu tal dom pakat karja, bhap bini piah pacang caga. 

Gah phim, rayo, harak mbao di Trung Quoc bahrau brei mboh thaik thaot kapal gilai taneh ia ini akaok meti mai tal bhum tasik Bắc Băng Dương dalam sa mbang pasang iek haong kapul canh sat tasik di Nga. Tui Canh sat tasik Trung Quoc khan lac, mbang pasang iek haong gauk akaok meti di Barak Thai Binh Duong ini piah pasiam veik saong ngak khang kajap jang bruk pambuak gauk di kapul ngak tui hukum angaok tasik di dua negar, dak padang saong ngak salah blaoh bruk padang ngak, jeng yau dom co che pambuak bruk  pasang iek di kapul canh sat ngak tui hukum angaok tasik Trung – Nga.

Yam ndoc dieu hanh Kapol nyaom kong nghe Meta, ong Mark Zuckerberg hu jeng urang kaya meda ka dua di dunya. Tui Chi so Ty phu Bloomberg, yaom drap ar di ong Zuckerberg hu labih 206 tỷ USD, glong jang Yam ndoc dieu hành Amazon dahlau diah. Bruk parilo tagok drap ar di ong Zuckerberg brei mboh bruk takre buh jien tame blei co phieu di Meta, tuk kein laba di urang kaya meda mang xa hoi tagok dalam thun ini. Meta mek jien kein laba glong lac mai meng bruk buh rilo jien tame ngak mbang di tri tue nhan tao piah patagok bruk yaih khan angaok online./.

Sa mbaik alat ragam guitar ndien kayua aruah nghe si George Harrison me-in dalam dom thun camereip kapul phlieng The Beatles hu tabiak mbaok dalam akaok thun 1960, hu pablei mesruh yaom dalam bilan 11 anak tal, hu yaom meda tagok tal labaih 800.000 dolla My. Thun 1964, aruah nghe si George Harrison hu alin hadiah alat ragam ini ka sa tap chi phlieng rock yau sa giai thuong pakacah, min nyu jeng hu daok dalam tangin urang bien tap di harak tap chi tuk urang mek hu yai thuong jien mbaok salih ka bruk hu ka drei sa banah sajarah phlieng rock and roll.