UBND TP.HCM birau peih pakak Adit pachreih tui bruk bac megru luac rai thun 2024. Bruk pachreih hu peih ngak meng harei 1/10 tal harei 7/10. Ngan haong kadha  di Adit pachreih tui bruk bac megru luac rai thun 2024 ngan haong kadha “ Patagok ilamo bac jhul pakhang bruk bac da-a luac rai” hu rilo bruk peih ngak di grauk dom quận, huyen di Ban raya. Mbang ini, Mentri Pato megru Mentri Pato megru  hu jao brei ka TPHCM tanut chuan pato megru saong tanut ngak brei palahik bruk oh thau akhar huroh pakat 2 ini lac pakat glong abih hu yau nan mai meng bruk kham merat biak ralo.

Tal bac ka urang oh ka thau akhar huroh di xã Trường Thọ, huyện Cầu Ngang, tỉnh Trà Vinh ngan jaik 60 urang bac lac bhap bini Khmer hu peih pato meng bilan 5 thun 2024 hu peih pato mbiah tal ini. Dalam tukvak tui bac, dom urang bac hu pato dom ilamo ka bruk pang, ndem, bac, tavak akhar huroh saong thau kuhria sumu danak dak tapuk giao khoa pakat I. Meng phun jien di Karja saong bhum palei, bhap bini di bhum urang bangsa takik hu bac akhar huroh hu daong 50.000 đồng sa var sa urang, hu daong blei siphau tavak bruk bac da-a, tapuk giao khoa pandar hu yaom 400.000 đồng sa urang sa thun.

Gah Canh sat jalan mbak pakat negar brei pataom tame langyah urang peih radaih suan lac anek saih THCS saong THPT, jeng yau amaik ame, urang tui iek saong dom urang jao brei radaih ka anek saih tuk dom adei oh ka tal umo thun harak peih radaih.  Dalam bilan 10 ini, gah Canh sat jalan mbak tỉnh Bà Rịa - Vũng Tàu jeng ngak bruk langyah jalan mbak umo anek saih, gah Canh sat jalan mbak brei ngui cuk khan ao karei, ndik radaih nao pasang iek di dom pabah mbang sang bac THCS saong THPT. Dom bruk ngak suan di anek saih , amaik ame yau ye: jai radaih atau caik ka urang oh hu ginup harak gal peih radaih; oh ka tal thun peih radaih moto, radaih patuh, oh tuah mot ndon bao hiem; nao cagar jalan; oh hu harak ba-ar peih radaih…

Meng akaok thun mbiah tal ini, dalam tỉnh Đồng Tháp rah tabiak 6 mbang glut jaleih ar kraong Tiền atah 236met, praong labaih 5.000 met vuong. Lamngiu di nan, do dom kraong ribong, anek baong dalam mblang hamu hu 28 mbang glut jaleih kuhria abih tih atah 915 m, taneh talah 3.672m, ngak kan kandah tal 6 boah sang bhap bini. Kuhria abih bruk khat lahik nan tui jien labaih 4 tỷ đồng.

Patui veik bruk duah thau 18 drei rimong metai di Đồng Nai. Sở Tai nguyen saong  Moi truong tỉnh Đồng Nai hu iew Labik rivang ma-in sinh thái Vườn Xoài pambuak dom đơn vị chức năng brei thau cambaic laic ba tal 18 drei rimong lac daok biak metai saong pabak bruk dut iek rua H5N1 di mau hatung pruac dua drei rimong metai dahlau di nan. Dahlau di nan, meng akok bilan 9 mbiah tal ini, Labik rivang ma-in sinh thái Vườn Xoài hu 20 drei rimong saong sa drei jamngu metai kayua alah klak mbang, laman lamuac saong pandiak…Dom drei athur nan hu mbang rilo manuk, akaok manuk kayua sa kong ty di phường Hố Nai (ban Biên Hòa, Đồng Nai) ba tame. Hadei di bruk nan rah tabiak, Pasak dut iek ruak thu y Trung uong hu mek 2 mau rimong piah dut iek, tapa nan abih 2 mau hu virus H5N1.

Thủ tướng birau di Nhật Bản Shigeru Ishiba brei thau, meda ngak veik sarak kinh te di Thu tuong Fumio Kishida dahlau saong khin brei  Nhật Bản tabiak truh bruk khat jien padai. Thu tuong Nhật Bản khan lac, Rajaei Nhật Bản brei ngak dahlau dom sarak kinh te piah dui Nhật Bản tabiak truh bruk khat jien padai, lavik di taneh ia dalam jaik 30 thun tapa. Dalam nan pataom tame dom jalan  patagok jien bilan saong cai pandar phun jien doanh nghiep, ngak tui sarak jien padai brei cadu. Langiu di nan, Nhật Bản hu brei tabiak dom jalan ngak birau piah daong dom baoh sang gaok kan kandah kayua jien mbang huak yaok harei tagok.  

Dom mbang ndok padeih bruk di urang ngak bruk cakong nong di dom tapen tasik Bờ Đông saong Bờ Vịnh taneh ia Mỹ daok ngak kan kandah tal bruk blei rilo limo tame bo dom kuan mbang saong labik pablei rai dak harei dak pambak tame  piah ngak ahar bánh mì jaik rilo kayua kurang rilo dalam negar. Bruk ndok padeih bruk ngak kan kandah tal yaok janih pandap, meng o to tal dom container pajeng patei di Guatemala saong alak vang di Italia hu mek tagok di yaok pluh tapen tasik. Dom urang ilamo saong urang blei pandap tame mboh lac, meyah bruk ndok padeih ngak dui atah  meda ba tal bruk kurang dom pandap mbang, yaom kaom poh hu tani tanat.

Yaok ribau drei cim cata daok par nao tal ban sit Hilario Ascasubi jaik ar tasik Đại Tây Dương gah easar Argentina, ngak kan kandah dalam rai diuk di bhap bini. Tui kuhria mboh dahlau ban sit ini hu 5.000 bhap bini saong labaih 50.000 drei cim cata. Dom thun tapa, dom drei cata hu mai ini duah labik daok di bilan thu saong bilan la-ar. Dom urang gah sinh vat hoc mboh lac, yaok ribau drei cim cata mai tal Hilario Ascasubi kayua bruk jak tah glai di dom tabung ceik ngak tayak sruh taphon cim, labik daok di nyu daok takik saong kurang pandap mbang./.