Urak ini, hu veik rilo jabat, đơn vị, doanh nghiep dalam saong langiu negar mai Uy ban Trung uong Mat tran negar Viet Nam rik jien daong ka bhap bini dom tỉnh bhum Brak negar ramik pasiam veik harei ribuk ka 3. Kuhria tal puac harei kabroi 3/10, Mban Jak ba daong di pakat negar taduan hu abih tih lac jaik 2.000 tỷ đồng. Mban Jak ba daong pakat negar brei brei ba tame cambaic laic angan dom kapol nyaom, urang rik daong tagok angaok dom rayo,harak mbao, rayo papar binguk ka bhap bini thau, gam haong nan pasang iek piah parabha brei jien daong tal dom bhum palei.

Harei pataom ahar bhap bini “Pandap mbang kaya bingi di 3 bhum” hu rah rabiak meng harei 15 - 20/10 di Ban Raya HCM pamong tal bruk pahadar harei Urang kamei Viet Nam (20/10) piah yaih khan yaom glaong ilamo pandap mbang bhap bini dalam 3 bhum: Barak – Kreh – Meraong negar tui tukvak “Meng kal saong Urak ini”. Harei pataom ahar kuhria lac hu mbaok di labaih 100 kapul, yaih khan labaih 500 kaya ahar kaya mbang di bhap bini, pataom kapul urang ngak ahar mai meng 3 bhum Barak – Kreh – Meraong. Oh lac yaih khan dom kaya ahar meng kal, daok hu dom danak dak parang iek ngak di dom urang ngak ahar.

Dom thun tapa, Kapol Urang ngak nong dom pakat dalam tỉnh Bình Dương hu peih ngak msiam bruk jak ba urang ngak nong pala drak, pablei salih naih joi, tapa nan mboh hu rilo jalan ngak biak gheih lagaih, hadah krah saong ba mai kein laba. Rilo bruk ngak hu pambak praong tabiak dom tỉnh, ban dalam negar, hu taong yaom glong, yau bruk Dhar Kapol Urang ngak nong jien kaya meda tỷ; bruk padang dom dhar bruk ngak di pakat tỉnh, pakat huyen…Mbiah tal ini, dalam tỉnh padang ngak hu 114 dhar urang ngak nong, 25 kapol urang ngak nong; hu 85 HTX dalam gah ngak nong, hu jaik 4.500 urang hu bruk ngak bhian.

Bruk yaok pluh drei rimaong metai di 2 bein athur di Dong Nai saong Long An kayua njom mbak kum A/H5N1 bahrau ini ngak rilo urang duh haratai ka bruk njom mbak meng athur tapa urang menuac. PGS-TS-BS Đỗ Văn Dũng, Akaok Gah Y tế công cộng - Sang bac ĐH Y Dược Ban raya HCM, ndom lac brei ka viris A/H5N1 meda ngak ruak ka dom janih athur hu tasau, min bruk njom mbak tapa urang menuac oh njauk mbuan. Piah pacang cakak bruk njom mbak di virus kum A/H5N1, cambaic laic lac dalam labik bein athur, bruk ngak tui dom jalan salamat sinh hoc lac biak brei ngak. Brei plaih gaok menuk ada atau athur gaok ruak; ngak hacih sa-at rup pabhap, bhian rao tangin saong ngak tasak rilow meng athur.  

Tỉnh Bình Thuận birau hu veik sa urang metai kayua asaw kaik, nan lac sa-ai angan N.T.T.B, ndik tapui thun 1996, di ban sit Thuận Nam, huyện Hàm Thuận Nam. Akok bilan 8, sa-ai B njauk athau kaik tuk brei ka athau mbang, saluak, oh sre darah. Yau nan min, sa-ai oh klauk jru vaccine caga ruak meruai bo blei jru mai menyum. Mbiah tal harei 26/9, sa-ai B mboh glah glar dalam rup, sru la-ar saong pandiak, urang dalam sang ba sa-ai tame Sang iek ruak đa khoa tỉnh Bình Thuận saong hu brei nba tagok Sang iek ruak Bệnh Nhiệt đới TPHCM. Di labik ini, urang ruak hu mek darah dut iek mboh virus meruai. Urang metai dalam harei nan.

Tui pthau khan bahrau di Kapul Di cư Dunya (IOM), urak ini hu labaih 700.000 rahra Haiti brei tabiak truh di sang nao labik karei, dalam nan labaih meteh lac uranaih. Haiti hu rilo thun daok dalam bruk taong paoh saong oh tani tanat kayua dom kapul par phao kraong khang, bhian hu pambuak haong dom akaok chinh tri saong doanh nghiep di negar ini, meblah bruk paglaong rup saong quyen pasang iek. Jabat Cao uy Nhan quyen Lien hop quoc brei thau labaih 3.600 urang metai dalam thun ini kayau dom mbang taong paoh tui kapul nyaom “oh njauk” dalam taneh ia ini. Dalam nan hu jaik 48% rahra Haiti daok kurang trak kaya pandap mbang.

Hãng thông tấn karja Iran IRNA ba khaw tin, takik di nyu 26 urang metau hadei tuk menyum hu methanol dalam dom harei jaik ini. Langiu di nan, yaok rituh  urang karei hu ba tame sang iek ruak. Urak ini, oh ka thau cambaic laic ia menyum hu cồn ngak njom jru mek. Bruk menyum ia hu cồn njuak pakauk di Iran kuhria meng thun 1979, min rilo urang daok duah blei ia menyum hu cồn meng dom urang blei alak dauk. Dom mbang njauk jru mek tagok rilo di Iran dalam dom thun jaik ini. Thun 2020, alak jru mek ngak labaih 700 urang metai di Iran.

Yit vu Y tế negar Anh (NHS) hu peih ngak langyah trình tự gen di 100 ribau anek kaman piah duah mboh samar drah dom ruak pambak meng amaik ame kan gaok saong patagok siam lagaih bruk taong ruak. Ini lac danak dak roh duah camereip dalam dunya saong jeng lac danak dak hu peih ngak praong abih dalam gah ini piah daong duah thau samar drah dom ruak pambak meng amaik ame. Labaih 200 ruak pambak meng amaik ame pambuak jhak tal 3.000 anek kaman yaok thun di Anh hu brei halang, dalam nan hu bruk rối loạn di truyền ngak rup pabhap oh salih hu vitamin B7. /.