Hu mbaok tame mbang nyaom ka 15 HĐ bhap bini tỉnh Bình Phước, vaktu 2021-2026 dalam dah page harei 3/7, Akok QH Trần Thanh Mẫn hu panuac ieu tỉnh pambuak kajap bruk patagok kinh te - ilamo, xa hoi gam khik kajap quoc phong, an ninh bruk pambuak talei rohim, abih di nyu lac bruk pambuak labik taphia negar salamad, siam mekre, patagok haong taneh ia Camphuchia, rik tame daong khik kajap bruk ngak po, an ninh taphia negar; dak padang quoc phong taong abih bhap bini khang kajap, dak padang labik pacang khik kajap, taong abih saong bhum taneh taphia negar sron mbon, siam mekre, pambuak bruk cak rok patagok khang kajap. Sangka kuhria raidiuk , jalan sahaneng ka bhap bini, abih di nyu lac urang bangsa takik…
Tapa 12 thun ngak bruk, Kadung jien brei ka urang ngak kan kathaot di Liên đoàn Lao động ban Cần Thơ hu brei mesraiy labaih 120 tỷ đồng, haong labaih 11.000 mbang đoàn viên, urang ngak kan kathaot hu mesraiy phun jien meng kadung jien ini haong yaom jien jhung lap. Urang mesraiy hu bayar tui jalan lac bayar pataom yaok bilan, nan ye lagaih haong bruk ngak di rilo đoàn viên, urang ngak. Rilo đoàn viên, urang ngak gaok kan kandah jeng hu mesraiy phun jien haong yaom jien jhung lap piah ngak mbang, pablei salih, kuhria ka raidiuk.
Tỉnh Bình Thuận daok tame bilan ikan Nam, lac bilan chap mek ikan praong dalam thun. Yau nan min, ikan hadang tasik oh hu ralo yau hatai caong khin tuk rilo mbang nao tasik chap hu takik. Piah ka dom mbang nao tasik hu kein laba, Chi cục Thủy sản tỉnh Bình Thuận pachreih dom po gilai taong chap di tasik labik atah hu pagam mac jamraih piah khik kaya ikan hadei chap mek meng tapung xốp Polyuethane (PU), thauk gilai ikan meng inox piah trun takik khat lahik, kaya ikan that pablei hu yaom. Gah kaya ikan jeng hu kakei urang nao tasik ngak bruk tui kapol nyaom daong gauk ngak mbang di tasik, bruk “ gilai amaik – gilai anek” piah daong gauk tuk taong chap ikan.
Bahrau ini, pasak peih bruk pablei salih saong buh jien tame ngak mbang tỉnh An Giang, Pasak peih bruk pablei salih kaya nong, TikTok Việt Nam haong dom gah hu pambuak gauk peih ngak danak dak "Mbang darak OCOP – pahe bingi An Giang". Njauk caik hatai lac, mbang LIVE "Pahe bingi An Giang" di Nông trại Phan Nam, xã Mỹ Khánh, ban Long Xuyên angaok TikTok Shop meng mon 9 mesup tal mon 1 jala pandiak harei 30/6, dui pachreih hu bruk sangka di rilo meuac pandar TikTok. Nông trại Phan Nam pachreih hu jaik 32 triệu menuac, pablei tabiak hu jaik 18 rabau đơn hàng. Ta-eng brah hamu hadang pablei hu jaik 23 tấn dalam dom pluh minit hadei di tuk ba tabiak, yaih khan.
Ninh Thuận kham merat tal thun 2025 brei khik ramik saong ba pandar suai lavik khang kajap 82 gene phun jru quý hiem, patagok 25 phun jru quý, đặc hữu praong pabak sumu bruk caong khin di darak pasar. Ngan haong labaih 1.269 janih phun jru di bhum taneh ini, dalam nan hu 82 halau gene biak takik hu, yau: Xáo tam phân, kim ngân hoa, kanjik njuk, linh chi tím, sa nhân tím,…tỉnh Ninh Thuận peih ngak danak dak khik iek saong patgaok phun jru. Yaok thun, tỉnh mek pandar labaih 3.000 tấn jru quý, duh ka bruk taong ruak ka bhap bini di dom bhum palei dalam negar.
Mintri Nội vụ Singapore bahrau pok tagok Quốc hội pasang iek Dự luật pacang rao jien. Tui nan, Dự luật brei klaak bruk lac ba tabiak kaoh duas brei mboh hu bruk pambuak gauk tapak di bruk ngak duas haong pok jien hu rao. Urak ini, dom vụ án oh ba tabiak kaoh hu duas rao jien kayua oh brei mboh hu bruk lac taong abih pok jien medil hu asal meng bruk rao jien nduac tame Singapore. Dự luật bahrau jeng brei adat dom jabat chức năng duah thau dom bruk rao jien pambuak tal kol duas gah môi trường di taneh ia langiu.
Gilang pariak Negar Nhật Bản (BOJ) brei patabiak jien ba-ar birau hadei di 20 thun ngan haong 3 janih jien yaom 10 ribau Yên, 5 ribau Yên saong 1 ribau Yên. Ini lac janih jien akaok meti di dunya hu pandar thaok binguk 3 gah piah ngak hiệu ứng 3D saong pacang bruk ngak jien ja. Langiu di nan, dom ky hieu xúc giác angaok jien ba-ar jeng brei adat ka dom urang sup meta mbuan thau jang tuk pan jien di tangin. Tui Rajaei Nhật Bản, mbiah tal puac bilan 03 thun 2025, jaik 7.5 tỷ blah jien birau meda hu in tabiak saong ba tame pandar.
Sa kapul anek saih Nga daok kuhria nao hu mbaok dalam trại hè di Triều Tiên meng harei 24/7 tal harei 2/8 tal. Dalam labik Trại uranaih dunya Songdowon hu mblang bein, labik pasram cuh haning, thủy cung saong mblang tasik. Dahlau di nan, Tổng thống Nga Vladimir Putin saong urang dang akaok Triều Tiên lac ong Kim Jong-un hu mbaoh tangin tame harak pambuak bruk ka talei pambuak bruk praong abih gah di dua taneh ia./.
Viết bình luận