Rajaei birau tabiak Sarak 77 ramik pasiam veik tanut chuan jien daong ka urang buh prein ngak bruk cách mạng. Tui nan, tanut chuan daong urang ngak bruk cách mạng meng 2.055.000 đồng tagok 2.789.000 đồng. Sarak hu brei pabak jien daong yaok bilan ngan haong bruk ngak cách mạng  dahlau di harei proh tagok bilan Dalipan thun 1945 lac 2.884.000 đồng; urang gauk dar baoh sang di 1 liet si lac  2.789.000 đồng, urang gauk gar di 2 liet si lac 5.578.000 đồng, gauk gar di 3 liet si tagok 8.367.000 đồng. Amaik VNAH hu daong jien bilan 8.367.000 đồng, daong phụ cap ưu đãi yaok bilan lac 2.337.000 đồng.

Dalam 6 bilan tapa, bruk mặt trận Cụm pakacah dom tỉnh Tây Nam Bộ hu jak ba dom prein khang peih ngak labaih 3.420 danak dak padang ngak tatua, jalan palei, jalan gom truac hadah, kuac raok kraong ribaong, haong yaom jien abih tih labaih 640 tỷ đồng. Taphia nan, jak ba, daong padang ngak labaih 4.200 baoh sang jum pataom, alin hadiah labaih 1,2 triệu pok pandap ka sang kathaot, iek ruak brei ka labaih 83.500 mbang urang, brei jaik 313.000 thẻ Bảo hiểm y tế; daong labaih 245.000 mbang anek saih, sinh viên gah bac ta-a, haong yaom jien abih tih labaih 679 tỷ đồng.  

Piah daong ka dom adei anek saih di pulao Hòn Chuối hu padeih hè dalam siam mekre, birau ini chỉ huy Trạm ra đa 615, Trung đoàn 551, Bộ Tư lệnh Bhum 5 Hải quân hu mai rivang saong alin pandap ka tal bac anit ranam di pulao Hòn Chuối di ban sit Sông Đốc, huyện Trần Văn Thời, tỉnh Cà Mau. Dalam nan, kapol alin dom pandap điện pandar  nan lac: Kadik saong gom led; gam caong khin dom adei patui bruk kham merat, bac da-a hu siam mekre, naih joi. Tapa nan, danak dak  “Dam dara kayua tasik, kaoh pulao palei negar” alin dom adei anek saih 32 paok jien bac, 50 thung ia tasau, 1 tivi, 5 mac tinh bảng gam rilo pandap bac da-a karei.

UBND tỉnh Đồng Tháp hu pasang iek, brei ngak Danak dak salih số gah pato megru  tỉnh Đồng Tháp. Dalam jalan ngak di danak dak,, Sở Pato Megru tỉnh brei peih ngak bruk pato megru STEM tal dom labik pato pakai phổ thông; peih ngak bruk bayar oh pandar jien mbaok dalam 80% labik pato megru. Gam haong nan, kham merat hu 80% dom labik pato megru ngak salah bruk khik ramik số, bruk ngak số, jhul khang patagok bruk ba asal kadha trí tuệ nhân tạo (AI) tame pato anek saih trung học phổ thông.  

TPHCM hu khan brei thau tanut chuan tame tal bac 10 di karja thun bac 2024-2025. Tui kuhria tanut chuan hu gam tame 108 sang bac thun ini, hu 60 sang bac brei kadun điểm chuan, 34 sang bac tagok tanut điểm chuan saong 13 sang bac  khik tamo điểm chuẩn dut saong thun 2023. Dom sang bac langiu ban  anek saih mek hu tanut chuan  3,5 tal 4 điểm sa mon meda hu gam tame. Hu dom sang bac, taduan harak gal pakacah palih ruah tame oh ka tal meteh dom anek saih brei palih ruah tame. Anke saih pakacah gam tame  brei ngak harak ho so online meng harei ini 4/7 tal harei 12/7.

Indonesia bahrau peih pakak sang mac pin radaih điện camereip abih saong hu taong yaom lac praong abih Đông Nam Á. Bruk ngak ini brei mboh labik dang di Indonesia dalam gah ngak kong bahrau mblo tagok. Tổng thống Widodo brei thau, meng bruk padang sa sang mac luyện kim saong pin radaih điện, Indonesia meda jeng sa taneh ia hu labik dang praong dalam dom bruk pabak di dunya ka radaih điện. Tổng thống caong lac danak dak meda daong ngak brei tagok jang talei pambuak bruk di Indonesia saong Hàn Quốc.

Danak dak “Salih hareik nhựa mek brah” daok daong ka bhap bini kathaot daok di sa ban sit di Philippines trun jien pandar yaok harei. Kuhria meng tuk dom kham merat rami ramik meng puac thun 2022, labaih 4.300 kilo hareik nhựa hu pataom mek saong salih taong abih tih hu 2.600 kilo brah. Danak dak daong hu biak ralo ka bhap bini pak ini, dom urang daok dang anak bruk yaom jien cai pandar dak harei dak tagok. Urak ini, hareik nhựa meng Philippines meblah 36% abih tih dom hareik katak nhựa di dunya.

Dom mbang hajan oh padeih di bang Assam, Đông Bắc Ấn Độ daok ngak ka bruk ia dauk ia sua jeng trak damak jang. Tal urak ini, hu labaih 1,1 triệu menuac gaok kan kandah meng ia dauk ia sua di 28 quận saong 38 urang matai. Karja pak nan samar brei menuac nao daong pacang di dom labik gaok bala, jhuk samar bruk daong menuac urang. Tui kuhria, hajan ia sua daok trak damak jang dalam dom harei tal. Ini jeng lac mbang ia dauk ia sua ka 3 di bang Assam dalam oh ka tal 2 bilan tapa./.