Mentri Pato megru birau brei thau đáp án, tanut điểm dom mon pakacah tamat THPT thun 2024. Cambaic laic, đáp án, tanut điểm kadha pakacah Ngữ văn saong đáp án  dom mon pakacah trac nghiem, nan lac: Toán, Vật lý, Hoá học, Sinh học, Địa lý, Lịch sử, Giáo dục công dân, sap Anh, sap Prang, sap Low, sap Japon, sap Hàn, sap Đức, sap Nga. Dom anek saih saong gru pato sangka caik hatai brei tame blah website thong tin dien tu di Mentri Pato megru di labik https://moet.gov.vn piah tame.

Akaok UBND TP.HCM Phan Văn Mãi hu mbaoh tangin tame harak payua urang dang akaok dom sở, ban, ngành, akaok UBND quận, huyện, TP Thủ Đức ka bruk salih labik ngak bruk di urang jakar, công chức, viên chức. Abih di nyu nan lac, akaok UBND TP.HCM hu panuac brei samar salih labik ngak bruk di urang jakar, công chức, viên chức hu panuac brei thau lac ngak kan doanh nghiệp saong bhap bini. Taphia nan, meyah dom urang jakar, công chức, viên chức lah matah, suai langyah bruk dalam tangin di drei, jeng brei salih bruk ngak. 

Dalam dua harei 1 saong 2  bilan 7, Mbang nyaom ka 16, HĐ bhap bini tỉnh Long An mbang X peih tabiak haong bruk camereip abih hu peih ngak, nan lac uranaih dalam tỉnh hu tame maong iek bruk tangin sua saong javap jalei di urang HĐ bhap bini, cử tri. Tui Bì thư  Tỉnh ủy, Chủ tịch HĐ bhap bini tỉnh Long An Nguyễn Văn Được, rik daong cak rok patagok siam mekre Hukum uranaih thun 2016, padang bruk ngak birau piah jhul samar quyen uranaih tame dom bruk pambuak tal hu lagaih haong akaok sahaneng, bruk thau ba tame pandar  tui jalan di Quoc hoi, HĐ bhap bini tỉnh peih bruk brei ka dom uranaih hu mbaok tame maong iek bruk tangin sua saong javap calei. Tapa nan, piah HĐ bhap bini tỉnh peih bruk ginum biai yau biak “ Hoi dong bhap bini uranaih thun 2024”. 

UBMT negar VN tỉnh Trà Vinh daok peih bruk mek panuac njauk hatai di bhap bini ka bruk dak padang tỉnh Trà Vinh ngak hu salah bruk padang ngak palei pala bahrau thun 2024. Tukvak mek panuac saong pataom iek veik hu peih ngak meng ini tal harei 29/7. Tal tukvak ini, tỉnh Trà Vinh hu 85/85 xã mek hu chuẩn palei pala bahrau, 9/9 huyện, ban hu pok angan mek hu chuẩn palei pala bahrau saong ngak hu salah bruk padang ngak palei pala bahrau, oh ka hu huyện palei pala bahrau paglaong.

Ong Võ Văn Nam, Akok Chi cục Pala drak saong Khik caga phun pala  tỉnh Bến Tre brei thau, hadei mbang pandiak bhang  njom ia mbak, gah ngak nong Bến Tre daok pataom tame tacei pato urang ngak nong peih ngak dom jalan ramik pasiam veik bein la-u , bein durien, kruac bung kalik hijao…abih di nyu lac durien. Dom taneh pala phun mbang baoh  jeng hu salih  plaik njiak njom ia mbak ba mai siam lagaih yau: Chợ Lách, Châu Thành…urang ngak nong ngak  brei tabiak baoh aval dahlau tuk njom ia mbak atau kareik ia mbak tuk tagok glong piah ngak brei tabiak  baoh karei bilan gam pablei hu yaom, gam khik hu bein phun kayau. Urak ini tame bilan hajan, urang ngak nong pataom tame dom jalan piah ramik pasiam ka phun tamuh samar jang.

Rajaei Thái Lan njauk gauk brei kreik pabah mbang dom labik pablei pandap miễn thuế di labik nhập cảnh di 8 mblang kapal haok dunya dalam taneh ia takik abih lac dalam 1 thun. Bruk ngak ini piah pachreih tuai cai pandar rilo jang di dom labik pablei pandap dalam taneh ia, tapa nan nyu ngak brei siam tagok bruk ngak mbang, pablei salih, ba bruk ngak saong patagok jien mek tame meng kak je di Rajaei. Mintri Jien padai kuhria mboh lac, jien mek tame meng pablei pandap hadei di tuk bruk ini peih ngak, mada tagok jang 3,5 tỷ baht (jaik 96 triệu USD) yaok thun.

Hu labaih 110 urang metai dalam mbang juak angaok gauk di bhum Barak Ấn Độ di harei 2/7, tuk urang pataom ralo piah pang sa urang langyah danei angan, min sa mbang ribuk khang biak khang  ngak urang mboh huac tuk rilo gauk daok tabiak nao. Rilo urang labuk atau juah tagok gauk, dom urang jaleih trun  tapen jalan. Dalam panuac ndom puac hadei di bruk nan, Thủ tướng Ấn Độ Narendra Modi khan lac brei bayar 2.400 USD ka gauk gar baoh sang di dom urang metai saong 600USD ka dom urang njauk rambuac. Tổng thống Droupadi Murmu hu payua panuac “klak rabha dom pandik harao ka bruk metai lahik nan”.

Thun 2024 lac thun camereip menuac njauk ruak pandiak tabiak darah tagok glaong di abih. Kuhria tal harei 30/4, Gah Y tế Dunyai (WHO) mboh hu labaih 7 triệu 600 rabau urang njauk ruak pandiak tabiak darah, dalam nan hu labaih 3.000 urang matai. Dom menuac njauk ruak pandiak tabiak darah tagok khang di bhum châu Mỹ. Peru brei tabiak bruk samar drah gah prein yava kayua tamuh ruak pandiak tabiak darah haong yaok pluh rabau urang njom ruak, rilo jang 200% duk haong thun 2023. Di châu Á, Philippines hu 205 urang matai kayua pandiak tabiak darah dalam jaik 6 bilan tapa./.