Caong khin daong meneing bruk pasiam veik hadei bala kayua megei tayun baoh taneh harei 28-3, Metri Kong an Viet Nam hu jao brei jiak 3 tan pandap dalam nan hu jru tavao saong ndap nda y te piah iek ruak ka negar sahabat Myanmar. Dahlau di nan, melam 31-3, dalam bruk daong di ban sit Zabuthiri, kapol urang jakar ngak bruk di Mentri Kong an Viet Nam jeng hu alin brei jru tavao saong kaya mbang  ka karja pak ini.

Gilang pariak karja Viet Nam birau peih bruk tabiak harak padang ngak saong tabiak mbaok Gilang pariak Karja bhum 12. Gilang pariak Karja bhum 12 hu padang mai meng bruk pataom tame hasa Gilang pariak Karja dom tinh: Đồng Nai, Bà Rịa - Vũng Tàu, Bình Dương, Bình Phước saong Tây Ninh. Jabat ngak bruk hu padang di tỉnh Đồng Nai. Ong Tạ Thành Long, Yam ndoc Gilang pariak Karja dhar tinh Đồng Nai hu pok ngak Yam ndoc Gilang pariak Karja bhum 12.

Thun ini, TPHCM hu jaik 89.000 anek saih bac tal 9 tamat THCS. Dalam nan, brei palih ruah anek saih tame tal bac 10 di karja hu labaih 71.000 adei, tagok 15% dut haong thun dahlau.Tui So Pato megru TPHCM, thun ini dom labik hu rilo anek saih meda hu jao brei palih ruah tame tal bac 10 THPT rilo jang dom labik karei, piah ngak brei ginup labik bac ka anek saih. Mbang pakacah tame tal bac 10 di karja di TPHCM rah tabiak dalam harei 6 saong harei 7 bilan 6 ngan haong 3 mon: Toán saong Ngữ văn (120 minit ka yaok mon) saong Ngoại ngữ (90 minit). Anek saih pakacah tame sang bac chuyen atau tich hop hu ngak veik kadha pakacah drei palih ruah dahlau di nan.

Labaih 2 bilan ini,  yaom kruac cam sành di tinh Tra Vinh mboh tagok hasit meng 3 tal 5 ribau dong sa kilo. Yaom kruac tagok gilac urang ngak nong biak chreih chrai min gah ngak nong tinh Tra Vinh haduh hatai, kayua huac urang peih paraong taneh pala veik. Gah ngak nong kakei mikva po bein juai peih praong taneh pala tui hatai di drei saong jak ba mikva brei salih tapa pala janih phun karei piah hu lagiah duah hu jien tame rilo. Yaom kruac hu tagok, min urang blei njauk caik hatai blei tame pagap mbiah tui bruk hu labik pablei tabiak. Tinh Tra Vinh urak ini hu labaih 3.400 ha taneh pala kruac cam sanh. 

Jaik  3 mon dah page harei 2/4, apui khuah tagok mbang sa baoh sang di jalan Mạc Vân, phường Xóm Củi, Quận 8, TP.HCM. Yaok pluh urang jakar, urang lin hu mbaok di labik nan, pruh ia padam apui. Camereip mboh apui khuah ba tal klau urang metai, dalam nan hu urang praong saong uranaih. Tuk apui khuah hu 8 urang, 5 urang sumu nduac tabiak gah langiu hu. Tui duah thau camereip apui khuah meng radaih ndien dalam sang.

Dom jabat LHQ khan lac, labik daok, ia hacih saong jru tavao daok kurang biak ralo hadei baoh taneh megei tayun di Myanmar. LHQ iew da-a dom taneh ia di dunya brei ngak catang bruk daong. Dom jabat jeng mboh huac jit ruak aih caraoh meda nyom mbak di negar  Đông Nam Á ini hadei baoh taneh megei. Dalam tuk nan, Jabat ti nan di LHQ daok jak ba dom gah khik piah blah tamra, pandap piah ndih saong man kamo pacang jamoh daong ka bhap bini gaok kan kandah.

Thái Lan atah klak panuac lac Ban ine Bangkok lac bhum gaok bala trak pakat 2 hadei baoh taneh megei di harei 28/3. Bruk diukrai di labik ini hu gilac veik yau bhian dahlau, mbang ngui di bhap bini dak harei dak hu tani tanat. Ndem ka bruk daong bala di labik sang glong rilo 30 tal glut jaleih, urang daong bala hu duah mboh 5 rup tau dalam pambuk patau kayau jaleih kateik, kuhria abih tih urang metai tagok tal 18 urang, daok 69 urang karei lahik oh ka duah mboh.

Labaih 300 urang hu panduan ba nao labik karei  hadei apui khuah di jalan brong ba menyek di kong ti nang luong karja Petronas peih ngak di Malaysia. Tui dom urang ngak praong pak ini, dom urang hu ba tame sang iek ruak kandung kalik, ruak jalan suan yawa atau dom laka angaok rup. Urak ini jalan brong ba menyek hu pacang cakak blaoh, 49 baoh sang di labik ini daok kan kandah.