Di mbang nyaom taong yaom bruk ngak patagok kinh te - xa hoi quy I, hu rah tabiak di biar harei 2/4, Bi thu Thanh uy Ban raya HCM, ong Nguyễn Văn Nên lac, dalam mbang dak ramik ini, TPHCM brei kuhria tui taneh praong di ban raya piah dak ramik veik dom phuong, xa salih ka bruk kuhria tui quan, huyen. Bruk caik angan ka dom phuong birau, Bi thu Thanh uy TPHCM caong khin angan birau brei katut panak, mbuan hadar, tui nan caik hatai tal ilamo saong lagaih hatai caong khin di bhap bini, mbuan ba tame taka so anak tal.

UB bhap bini tinh Dong Nai birau payua harak likau Thu tuong ka bruk buh jien tame padang ngak tatua Mã Đà, huyen Vĩnh Cửu. Dua tinh Dong Nai saong Bình Phước njauk gauk brei pambuak jalan ĐT753 meng Ban Đồng Xoài, tỉnh Bình Phước tapa tatua Mã Đà, tinh Dong Nai. Hadei di nan tui dom jalan dalam palei nao tal jalan Vành đai 4 TPHCM. Kuhria jalan abih tih labaih 76km. Dalam nan, jalan ka 1 padang ngak tatua  Mã Đà, jien buh tame ngak labaih 220 ti dong. Jalan ngak ka 2 lac labaih 390 ti dong.

Piah klak rabha dom kan kandah haong bhap bini, doanh nghiep dalam tuk tabung glong pandiak, njom ia mbak, tinh Ben Tre trun 10% yaom ia hacih ka bhap bini dalam bilan thu thun ini. Dalam tinh Ben Tre urak ini hu 18 don vi  pabak ia hacih, ralo lac mek ia tagok halang piah pandar. Tuk ini, rilo sang mac ia njom likhun mbak, halau ia padang piah  dalam bhap bini jeng thu abih.

Dom harei jaik ini, di tinh Tien Giang hu hajan karei bilan, ia hajan meng 30 -40 mm. Ta-eng njom ia mbak tal tukvak ini, yaom lac hu tukvak trun tagok min meng hu padang piah ia, peih ngak dom danak dak ribong kraong lagaih hu yau nan  bruk ngak nong di tinh Tien Giang daok rah tabiak yaok harei, ia pandar hu tani tanat.  

Dom baoh sang daok tapen kraong di khu pho Dãy Ốc, ban Rạch Giá, tỉnh Kiên Giang, apui khuah mbang abih di biar harei 2 bilan 4. Biak metuah jamo manuac oh njauk hagait. Camereip hu thau lac kayua ndien, kuhria khat lahik jaik 1 ti dong. Urak ini, jabat karja daok duah thau ngak brei cambaic laic.

Hadei tuk Tong thong My Donald Trump ba tabiak jien je 10% ngan haong  dom gah pambuak bruk ngak mbang palei salih saong jien je đối ứng ngan haong yaok pluh taneh ia, urang ngak praong rilo taneh hu ndem puac karei di gauk ka bruk ini. Thu tuong Canada khan lac brei ngak bayar veik bruk nan di Mỹ. Yau nan min Mexico khan lac jaik ba tabiak jalan ngak taong abih gah piah pakhang bruk ngak kinh te  oh njauk lac mbang sa candaih bayar sa candaih ka bruk kak jien je di My.

Canh sat Han Quoc meda peih bruk brei thau dahlau ka an ninh pakat glong abih di taneh ia harei paguh harei 4 bilan 4, tuk Toa an Hukum kuhria ba tabiak bruk ndem puac ka duis  di Tổng thống Yoon Suk Yeol. Gah khik iek an ninh pakat glong abih, Han Quoc  meda jak ba jaik 14.000 cảnh sát di 210 don vi ngak bruk di ban ine Seoul piah caga dahlau bruk tamuh tabiak mai meng dom bruk pataom rilo manuac harei ba tabiak duis di toa an.  

Kapol kong nghe pakat negar Mỹ Apple brei peih anek so dom labik papar royak di ndong di Thái Lan, brei adat ka Cuc Pacang caga saong Trun takik bala meng langik tasik hu payua mai samar chip tal 50 trieu urang hu pandar ndien thoai di ndong di taneh Baha ameh. Bruk ini  caong khin  hu daong paglong ilamo brei thau ka bala di taneh ia. Dahlau di nan, Thu tuong Thái Lan caong khin he thong SMS meda brei thau dahlau ka urang pandar phone tangin ka bruk taneh megei tayun jaik rah tabiak dahlau di nan 5 minit, piah bhap  bini samar nao labik karei hu salamat./.