Harei ini, harei 10/3 saka ia bilan, gam haong bruk bui sambai di harei raya ilamo praong abih dalam taneh ia, piah pahadar saong brei mboh hatai thau dhar phol padang taneh ia di dom Po Hùng, dom patao akaok meti di negar, dom bhum palei dalam taneh ia jeng peih ngak raya adat Pachiat da-a Po Hùng. Di Labik inem mek sajarah hu makna pakat negar Kalan Po Hùng, ban Việt Trì, tinh Phu Tho, urang jakar Ndang, Karja hu cuh gilau nyang pahadar thau dhar phol tal dom Po Hùng.

Dahlau di nan, di kalan kakuh Lac Long Quan di Labik jirah yulit pakat negar Mũi Cà Mau,  tinh Ca Mau hu mai jirah rivang, pok bingu, cuh gilau pahadar dhar phol Po negar Lac Long Quan. Binyol ini jeng hu peih ngak rilo bruk yau ye: parang iek pandap OCOP, yaih khan dom pandap hu lagaih di bhum palei ini, pakacah ngak ahar di bhap bini meng kan; dom bruk padhit pahat rup pabhap…

Di tinh Kon Tum, Raya adat Pachiat da-a Po Hùng hu peih ngak praong prang di 2 labik lac Danaok Lương Khế, ban Kon Tum saong Baha Bimong Kỳ Quang, xa Đăk Mar, huyen Đăk Hà. Dalam raya adat pachiat da-a Po Hùng, bhum palei peih bruk cuh gilau pahadar dom Po Hùng; parang dom pandap panda bhap bini, dom pandap panda karei di bhum palei saong rilo danak dak pamaong tal halau agha di bangsa, khik tani tanat saong patagok bruk siam gheih di anek taco Lạc Hồng.

Hadei labaih sa bilan taduan hu bruk pakacah peih radaih, mek harak adat peih radaih, Kong an Ban raya HCM taduan hu 119.000 ho so urang bac peih radaih oto, moto hu ginup harak ba-ar. Yau nan min, mbiah tal ini oh ka hu mbang pakacah peih radaih. Cuc Canh sat jalan mbak daok ngak salah dom bruk ba tabiak jeng yau pham mem pakacah piah peih bruk dalam tukvak samar abih.

Tui Rayo Kuhria Langik tasik gah Meraong negar, dalam bilan 4 ini, labik Ban raya Ho Chi Minh hu langik pandiak tagok glaong dut haong dom bilan dahlau, ngan haong rilo mbang pandiak khang rah tabiak rilo labik. Langik pandiak abih meda tagok tal 37-38 ndo C. rahra brei caga dom bruk rah tabiak kanjah jhak di langik yau angin rabuk, katal klak, hajan patau, angin yuk ndaoh meda ngak kan kandah saong khat lahik ka drap ar jien padai.

Po sang daok, chung cu di Thai Lan njauk khat lahik kayua gaok bala taneh megei tayun birau ini brei payua harak likau dang jien tagok tal 49.500 Baht, sumu 37 trieu dong piah ramik pasiam sang danaok. Langiu di nan, dom bhap bini hu bao hiem  urak ini brei payua harak likau daong.

Mentri Pablei salih Trung Quoc pathau khan brei tagok veik tukvak pasang duah pacang cakak bruk pablei bangal yaom kaom ngan haong alak trak hu mai meng Lien minh chau Au tal harei 5-7 anak tal, kayua bruk srau kadau di bruk ini. Mbang pasang duah pataom tame alak mbak hu blei tame dalam dom thung padang mala 200 lit meng harei 1-10-2022 tal harei 30-9-2023.  

Israel daok peih rilo bruk ginum biai haong Nam Sudan, Somalia saong Indonesia meda taduan urang Palestine mai meng Dải Gaza. Dalam nan, Tong thong Mỹ Donald Trump oh daok ngak tui bruk ba tabiak pandar panduan ba abih tih 2 trieu urang Palestine piah padang veik Gaza. Salih tame nan, ong Trump pataom tame bruk ngak ba pasiam, jhul pakhang bruk ginum biai di Israel saong phong trao Hamas./.