Dang akaok saong brei panuac peih pakak Mbang nyaom ka IX, Quoc hoi mbang XV di page ini, Akok Quoc hoi Trần Thanh Mẫn khan lac, di Mbang nyaom ini, Quoc hoi  meda pasang iek, brei khan tapa Sarak ka bruk pagam jabat ngak bruk pakat tinh; padang Hoi dong palih ruah pakat negar; brei tabiak tukvak ngak bruk katut veik di Quoc hoi mbang XV saong Hoi dong bhap bini dom pakat vaktu 2021 -2026; brei thau harei palih ruah urang Quoc hoi mbang XV saong urang di Hoi dong bhap bini dom pakat vaktu 2026-2031.  Dalam tukvak nyaom biai, Uy mban TVQH meda pasang iek, brei thau ka dom bruk ramik, padang veik jabat karja pakat xã saong rilo bruk praong karei.

Tui Mentri Ngak nong saong Moi truong, Uy ban chau Au (EC) brei kadhun tukvak ngak bruk pasang iek mbang 5 di Viet Nam pambuak tal bruk pacang caga taong chap kaya ikan suan hukum, oh khan brei thau saong oh tui hukum IUU tal puac thun. Mbiah tal ini, EC peih ngak 4 mbang ngak bruk pasang iek di Viet Nam, min daok khik tamo “pakat kanjik” IUU meng thun 2017. Bruk suai talaih “ pakat kanjik” ngak kan kandah tal bruk pablei kaya ikan tabiak negar chau Au saong ngak jhak tal angan je kaya ia tasik Viet Nam  di darak pasar dunya.

Sở Ngak nong saong Moi truong tinh Tien Giang peih ngak Danak dak pambuak bruk ngak tabiak ndap nda saong pablei pa-ok Hòa Lộc di tinh meng thun 2020 tal thun 2025 saong pamong tal thun 2030. Tapa nan, padang HTX pa-ok Hòa Lộc, xã Hòa Hưng, huyện Cái Bè, hu labaih 100 urang, taneh pala jaik 70 hecta taneh pala sa janih pa-ok Hòa Lộc, brei paik baoh yaok thun jaik 1.000 tấn pablei tabiak darak pasar. Gam pablei dalam negar, pa-ok Hòa Lộc daok hu pablei tabiak rilo negar karei yau ye Pháp, Mỹ, Canada, Australia, Nhật, Singapore, Đài Loan, Trung Quốc...

Tuai damuai mai rivang ma-in, yulit di Cà Mau dom harei padeih padei roya meng blaoh tagok labaih 14%. Kuhria abih tih labaih 239 ti dong. Tui So Ilamo padhih  saong yulit Ca Mau, kuhria abih tih tuai damuai mai rivang ma-in rilo jang dut saong bilan ini thun 2024 ralo lac urang dalam tinh. Bruk nan kayua lac tinh oh hu labik bruk rivang ma-in birau pachreih hatai tuai damuai mai meng dom doanh nghiep ba tuai mai rivang.

 Dalam 5 harei jaik gauk tapa di bhum Meraong negar hu hajan gam hangin, rilo labik hu hajan praong 50mm. Tui kuhria mboh dahlau dalam adit ini, Gah Meraong negar saong Tay Nguyen tame bilan hajan. Langik bhian hu hajan di biar harei saong mesup, hu labik hajan biak praong. Kuhria mboh dahlau dalam bilan 5, hajan  di bhum Tay Nguyen saong Nam Bo rilo jang meng 5  tal 20% dut saong dom thun dahlau. Yau nan ye brei caga dahlau hajan praong ba tal ia dauk jeng yau bala rah rabiak.

Tong thong My Donald Trump khan lac oh meriak tame ngak bruk vaktu ka 3. Ong Trump khan lac, ong caong khin sa vaktu 4 thun ngak bruk hu siam mekre saong hadei di nan jao ka urang hadei, siam abih hu sa urang đảng Cộng hòa. Hukum negar Mỹ ba tabiak, yaok sa vaktu ngak bruk Tong thong dui atah 4 thun saong yaok sa Tong thong oh ngak bruk tapa dua mbang palih ruah.

Han Quoc daok mboh rilo mbang urang njom ruak tagok baoh soi, dalam tuk nan rah tabiak gam gam  dom mbang jit ruak di dunya. Meng akaok thun tal ini, hu 52 mbang njom ruak soi, rilo urang njom ruak abih  kuhria meng thun 2019. Jabat Khik iek jit ruak Han Quoc  khan  lac, tukvak anak tal meda hu veik dom urang njom ruak soi kayua  mbuan njom ruak meng negar langiu tame.

Sa bala gilai tableih  rah tabiak harei kabroi -  harei 4/5 di tinh Quý Châu, Trung Quốc, ngak 9 urang metai, 1 urang lahik saong yaok pluh urang ba tame sang iek ruak chip. Hadei bala rah tabiak, Po neger Trung Quốc ong Tập Cận Bình tabiak sarak jak ba ralo gah pataom tame duah daong urang daok lahik, daong iek ruak ka urang njauk rambuac saong kuhria ngak ndam metai ka dom urang jhak than vak./.