Akaok UB Bhap bini tinh Ca Mau caong khin dom don vi pambuak tal, daong sahaneng ka bruk ramik ka gheih dom labik sang ngak bruk di karja dalam tinh. Urang dang akaok kapul, labik pasang iek jien padai luai rah tabiak palai lahik ye brei taong bhat. Dom po buh jien tame peih bruk pasang iek, taong yaom dom danak dak, labik daok padang ngak piah langyah; Dom jabat, labik, bhum palei pasang iek, patagok bruk hạch toán, pasang iek, pandar kadung jien karja, khik kajap bruk pasang iek hu ginup, njauk lagaih jien padai tuk ngak bruk ramik jabat karja.

So Padang ngak tinh Gia Lai hu harak payua Mentri Padang ngak ka bruk caong hu sang daok ka urang jakar di tinh Gia Lai meng ini tal thun 2030 lac 1.011 baoh sang, oh ka kuhria urang jakar gah Đảng saong HĐ bhap bini. Tinh urak ini hu sa baoh sang ka urang jakar pak ban Pleiku, hu 12 bilik, praong labaih 700 met vuong. Tui danak dak pagam tinh, tinh Gia Lai hu jaik 2.000 urang jakar, kong chuc, vien chuc panduan nao ngak bruk di pasak hanh chinh birau di ban Quy Nhơn, Binh Dinh.

Rilo janih baoh kayau hu angan di tinh Tien Giang jaik ini laik yaom, dalam nan jien buh tabiak ka khak, jru pacang khik phun kayau ralo jien min jien mek tame di po bein trun biar, raidiuk gaok kan kandah. Di tukvak ini baoh panat Thai tabiak baoh samar drah tok dom ribau dong/baoh, gaok mai panat janih 2,3 biak kan si pablei. Baoh thanh long tung bhong meraih yaom tok labaih 13 ribau dong/kg, durian Ri6 yaom labaih 30 ribau dong/kg, Monthong yaom labaih 60 ribau dong/kg, kruac aik, kruac yaom labaih 5.000 dong/kg. Ngan haong tanut yaom ini po bein oh hu kein laba, gaok mai lahik jien meyah bein phun brei baoh takik…

UB bhap bini tinh Dong Nai birau ba tabiak 2 bruk taong phat  hanh chinh gah moi truong ngan haong dhar Kong ty Co phan talei cap ndien Việt Nam – Sang mac Cadivi Miền Đông, di labik Khu kong nghiep Biên Hòa 1, TP Biên Hòa, kuhria taong abih jien bhat jaik 900 trieu dong kayua oh hu Harak gal moi truong tui hukum; ngak njom nerak taneh glong 5 mbang dut haong bruk ba tabiak…

Page ini 29/5, Kong an tinh An Giang brei tha, Kapul pambuak bruk pacang cakak pablei ikak dauk, bleik saleik dalam pablei salih saong ndap nda ja lau di tinh bahrau pasang iek duah mboh, pataom khik rilo ndap nda oh hu hoa don harak gar saong mai meng halei, hu njauk hukum halei di sa kadai kuan dalam ban Long Xuyên, tinh An Giang. Tapa pasang iek, Kapul ngak bruk duah mboh 52 kadung teik, 3 vali, 11 thaong takhaok,…oh thau mai meng halei, mbuan medil ka bruk blei dauk tame saong ngak ja lau dom angan danei angan di dunya. Kuhria yaom kaom ndap nda labaih 45 trieu dong.

Trung Quoc page ini (29/5) khan brei thau cuh tagok mek hu siam jang kapal haok duah thau tieu hanh tinh  Thiên Vấn-2- ini lac mbang akaok meti piah duah thau saong ba mai candaih patau meng tieu hanh tinh jaik baoh taneh. Hadei mbang par dui atah labaih 18 minit, kapal haok Thiên Vấn -2 peih hu dom blah pin ia harei saong tame quy dao hu padang baoh, brei mboh bruk mek hu siam jak jeng dalam bruk par tagok duah thau tieu hanh tinh saong mek candaih ba mai di Baoh taneh akaok meti di taneh ia ini.

Karja di Tong thong My Donald Trump bahrau pathau khan brei mek gilac thi thuc di sinh vien Trung Quoc. Ngoai truong My Marco Rubio brei thau, Mentri Ngoai giao My brei pambuak haong Mentri An ninh Dalam negar piah mek gilac thi thuc di sinh vien Trung Quoc dalam nan hu dom urang hu pambuak tal ndang Cong san Trung Quoc atau daok bac megru dalam gah hu makna./.

Ban Mumbai, labik meyao meyit jien padai di An Do, daok gaok dom mbang ribuk praong ia dauk trak abih kuhria meng lavik mai. Kuhria tal harei 27 bilan 5, ia ribuk ba tal takik di nyu 34 urang metai di bang Maharashtra, dalam nan hu 10 urang di Mumbai saong yaok pluh urang karei njauk rambuac. Dalam tuk nan jalan mbak di ban ini jaik abih oh nao mai hu./.