Rajaei birau ba tabiak Sarak ka Bruk ramik pataom veik jabat karja, padang karja ngak bruk tui dua pakat. Sa dalam dom bruk, jalan peih ngak hu ba tabiak  nan lac brei ngak salah sarak, hukum saong harak gal tacei pato piah brei ramik pataom jabat karja padang karja ngak bruk tui dua pakat. Dalam nan, dom mentri, dom gah di pakat negar ba tabiak, pok tagok pakat hu tham quyen atau ba tabiak tui pakat hu tham quyen brei tabiak harak adat di karja, sarak tacei pato langyah dom bruk pambuak tal jabat karja, piah hadei ramik  pataom blaoh karja dua pakat tame ngak bruk hu mbuan lagaih. Njauk ngak brei salah dahlau harei 30 bilan 6 anak tal.  

Dalam tuk padeih le Pachit daa Po Hung meng blaoh, hu labaih 10.000 ky su, urang ngak daok kham ngak bruk di danak dak mblang kapal haok  Long Thành. Piah jhul pasamar bruk ngak yau sang ga, jalan nduac, mblang haok par trun atau dom bruk karei. Kham merat ngak salah mblang kapal haok di puac thun ini. Tui bruk ba tabiak, jalan ahaok par, jalan par trun meda ngak brei salah baloh di harei 30/4 anak tal, blaoh dahlau 3 bilan. Bruk ngak hu blaoh jaik meteh danak dak.  

Uy ban bhap bini tinh Binh Duong ngak hu blaoh bruk ramik danak dak jabat karja pakat xa, phuong tui jalan ramik veik di Trung uong. Yau ye, meng 91 don vi pakat karja xã urak ini, daok 45 don vi hadei ramik pataom tame gauk. Dalam jalan ramik birau, ban Thu Dau Mot - do thi pasak lac labik  hu rilo salih njauk caik hatai, dalam nan hu tal 5 phuong hu angan “ Binh Duong” dak tui taka so meng 1tal 5.   

Tinh An Giang birau peih ngak Harei pataom yuak padai hu tame Danak dak “Patagok khang kajap 1 trieu hecta pala sa padai asar glong saong takik tathuak nerak gam patagok hijao di Bhum taneran kraong Cuu Long tal thun 2030 di An Giang”. Harei pataom yuak padai di ong Lý Quang Nghị, xã Bình Mỹ, huyện Châu Phú praong 3 ha. Tapa nan, padai yuak hu labaih 8,25 tan sa hecta, kein laba  glong labaih 11,28 trieu sa hecta dut saong hamu ngak iek. Thun 2025, An Giang ngak hu 44.000 ha tui Danak dak dalam tinh.

Tui UB bhap bini tinh Dong Thap, karja palei brei pataom tame duah bruk ngak labaih 30.000 urang ngak dalam thun. Gam haong nan ba takik di nyu 2.000 urang nao ngak bruk negar langiu. Tinh Dong Thap daok pataom tame  paglong  bruk pato bruk ngak gam duah bruk ngak, pabak tui hatai caong khin duah manuac ngak bruk, ngak brei hu rilo urang joi dahlau tuk nao negar langiu ngak bruk.

Rajaei Han Quoc birau brei thau Sarak bruk palih ruah tong thong aval dahlau harei 3/6 anak tal piah salih ka Tong thong dahlau diah Yoon Suk Yeol birau brei padeih ngak bruk. Bruk nan hu ba tabiak di mbang nyaom rajaei dalam 4 harei hadei tuk Toa an Hukum negar  ba tabiak njauk pagam dius Tong thong Yoon. Tui Hukum negar  Han Quoc, bruk palih ruah tong thong birau brei peih ngak dalam 60 harei kuhria meng tuk oh hu tong thong ngak bruk.

Dom bruk kham merat duah manuac daok tavak hadei bala baoh taneh megei tayun ngak metai 3.600 urang di Myanmar padeih di harei 7/4, dom bruk daong bala hu salih tapa daong pahala saong ramik pasiam veik hadei bala rah tabiak. Urak ini, labaih 17 trieu  urang daok diuk di dom labik gaok kan kandah khik hu pandap mbang, ia menyum, jit vu iek glang prein yawa, daong jien mbaok saong labik daok samar, abih di nyu lac bilan hajan mai tal.

Dom urang gah y te di California, Mỹ birau ini khan lac hu 3 urang metai di ban sit Mammoth Lakes kayua virus hu ngak metai diuk di dien vien Gene Hackman. Dalam kadha bac birau ini, Quan Mono taong yaom lac dom urang nan “biak jhak vak” saong “ njauk khan kakei caga dahlau”. Hantavirus lac virus biak jhak bhian di nyu lac tikuk  njom tapa manuac tui jalan ia me-ik, aih saong ia pabah di nyu./.