Kapul pasang iek lien nganh di Mentri Kong thuong hu salah blaoh bruk pasang iek bruk pablei brah tabiak langiu negar haong 44 urang ikak pablei brah tabiak langiu negar dalam nan hu Long An, Tien Giang, Dong Thap, Can Tho, An Giang saong Kien Giang. Asal kadha pasang iek rilo meng lac bruk blei ikak brei meng urang ngak nong, khik piah brah saong yaom blei brah. Urak ini yaom padai brah hu tani tanat gilac oh daok trun khang di labaih 1 bilan dahlau. Yaom padai brah di bhum taneran kraong Cuu Long hu trun, yaom padai IR 50404 trun daok 100 dong SA kilo, hu yaom meng 5.600 - 5.700 dong kilo.  

Uy mban bhap bini tinh Soc Trang birau ngak salah Danak dak padang ngak ha tang ky thuat kong nghiep Xây Đá B, 100% phun jien buh tame tapak meng negar langiu (FDI). Danak dak ngak bruk 50 thun, kuhria abih tih jien buh tame ngak jaik 900 ti dong. Tuk dom danak dak njauk brei ngak samar blaoh, hu ba tame ngak bruk, kum Công nghiệp Xây Đá B duah bruk ngak ka labaih 10.000 urang, rik tame ngak brei patruh iek patrun kathaot, duah hu jien mek tame meng kong nghiep saong patagok kinh te xa hoi tinh Soc Trang.

Urak ini mbaok taneh pala phun mbang baoh di huyen Cờ Đỏ, ban Can Tho lac labaih 5.000 hecta, rilo phun mbang baoh hu angan di bhum taneh yau ye baoh darang, pa-aok, kandiuk siem, durian pabak hi dom tanut chuan piah ba tame darak pasar Hoa Ky, Australia, Japon, Thai Lan, EU saong Trung Quoc. Piah ka dom pandap ngak nong tame hu dom darak pasar, tukvak tapa Ban Can Tho hu pabak taka lek so bhum pala piah pablei tabiak saong tacei ba, pachreih rahra patagok bruk ngak nong tuan hoan, ngak tui dom adat saong hatai caong di dom negar drei pablei tabiak.

Dalam 3 harei  padeih padei le tinh Bà Rịa – Vũng Tàu mek jien tame meng gah yulit jiak 170 ti dong. Tui So Ilamo, Padhih saong Yulit Bà Rịa – Vũng Tàu, dahlau le taong abih dpm huyen saong ban hu kuhria caga biak tani tanat piah taduan raok tuai  mai rivang, padeih padei. Jaik abih dom bhum palei  hu tasik peih ngak sumu gauk dom bruk praong taduan raok tuai damuai yau ye: danak dak daoh tamia pablak tame roya meng kan lavik di bhap bini. Pachit da-a Po Hung thun 2025, danak dak pachreih tuai damuai…

Dom harei jaik ini, yaom kaom baoh li-u thu di tinh Tien Giang hu tagok rilo saong urak ini tagok tal tanut glaong abih dut haong meng dahlau mai. Urak ini urang ikak kaiy blei baoh li-u di urang ngak nong haong yaom 190-200 ribau dong/12 baoh, tagok 2 mbang dut haong bilan akaok thun 2025. Daok baoh li-u that ye yaom jeng meng 100-120 ribau dong/12 baoh. Dua tinh Tra Vinh saong Tien Giang jeng ndih tame angan dom bhum palei hu bein phun li-u praong labaih 21.600 ha, rilo meng lac dom janih baoh li-u that duh ka bruk pablei tabiak langiu negar. 

Di angaok mang xa hoi TruthSocial, Tong thong Donald Trump khan lac Trung Quoc cagar veik bruk taong jien je pabak 34% ngan haong pandap nda di Mỹ. Langiu di jien je, Trung Quoc daok hu dom jalan taong jien je min oh abih jien, daong jien ka dom kong ti di taneh ia ini saong cai pandar jien padai dalam tukvak suai labik. Yau nan ye, meyah Trung Quốc oh mek veik jien je gilai 34%, My meda tagok jien je 5% ngan haong ndap nda di taneh ia. Langiu di nan, yaok mbang ndem biai nao mai haong Trung Quốc tal bruk brei padeih blaoh.

Kapul canh sat meng 5 negar chau Á hu mek kareik 435 urang medil hu mbaok tame dom bruk lam dung tinh duc uranaih tapa online. Dalam bruk ngak ini, dom si quan hu taong tame 269 labik di Singapore, Japon, Malaysia, Han Quoc, Thai Lan saong Hong Kong (Trung Quoc). Dom urang njauk mek kareik kayua njauk medil hu pambuak tal duas yau ye: Ngak tabiak, khik piah, pablei salih saong blei dom thaik thaot, video ngak lam dung tinh duc uranaih; Ngak kanjah jhak tinh duc; Gham pablei thaik thaot, video clip atau yava tanyi…

Gah Y te dunya (WHO) birau ba tabiak taka so khan kakei dahlau: dunya hu tal 700 amaik metai yaok harei, makna lac yaok dua minit hu veik sa urang kumei metain anek saong ndih tapui metai. Bruk nan ba tal metai di urang maik meda dak harei dak rilo kayua bruk sraw kadau kan kandah di ralo taneh ia saong bruk cak jien daong oh ka bhian mboh di dunya. WHO kakei dahlau, meyah  oh hu bruk daong samar chip, urang kumei metian di rilo taneh ia di rilo taneh ia brei dang anak bruk kan kandah biak trak./.