Salam uan pahadar 50 thun Harei peih paha gah Meraong negar, yasa taneh ia (30-4-1975 - 30-4-2025) saong harei Ngak bruk pakat dunya 1-5, rilo bhum palei peih dom danak dak lagaih. Di tinh Ben Tre langiu bruk peih Harei pahadar ye tinh daok peih dom danak dak thau dhar phol, sangka ka dom baoh sang mbang tui sarak, Amaik Viet Nam anh hung, baoh sang hu ngak bruk katmang hu rilo bruk halan tian klak rup drei, khat lahik, rik daong ka bruk paeih paha taneh ia, yasa taneh ia.

UB bhap bini tinh Tiền Giang jeng peih ngak biak rilo bruk gheih lagaih, hu makna praong dalam yau: nao rivang, alin pandap ka dom baoh sang sarak karja, amaik Viet Nam Anh hung, peih bruk nao rivang kubo liet si tinh, mittinh  pahadar 50 thun peih paha gah Meraong negar, yasa taneh ia, peih flim tu lieu…Bingun ini, tinh Tien Giang hu peih ngak rilo bruk ilamo, nghe thuat biak gheih saong cuh phao bingu di melam 28 bilan 4.

Bingun harei 30/4 saong 1/5 thun ini, dom bhum palei di tinh Ba Ria - Vung Tau peih ngak rilo danak dak, duh ka rahra saong tuai damuai. Malam mesup 26/4 di Mblang bein bingu Ban Ba Ria peih bruk Pahadar 50 thun Harei peih paha tinh Ba Ria - Vung Tau saong danak dak adaoh tamia “50 thun pok sap daoh catang ragu ragam jayah” pambuak haong cuh phao bingu. Pataom papar talang nghe thuat gheih mekre pakat negar thun 2025 haong angan “Yava hangin yuh - Ragam tamia tui hangin”, pataom yaok rituh urang ngak talang dalam negar.

Dalam dom bruk salam uan Pahadar 50 thun Harei Peih paha gah Meraong negar, yasa taneh ia, Sang bac Dai hoc Ilamo Nghe thuat Bol lin meda peih ngak danak dak nghe thuat abih di nyu lac paik kanyi ragam ragu thính phòng “Kadha daoh thong nhat” mon 20 tuk harei 21 bilan 4, di Sang daoh Bol lin gah Meraong negar (Quan Tan Binh, Ban raya HCM). Mban peih ngak moh jien tame iek piah bhap bini tame iek danak dak daoh take pak ini.

UB Bhap bini tinh Kien Giang hu salih tukvak peih Festival ia mesin meng kal di Phú Quốc mbang ka sa tal bilan 9 thun 2025, oh daok peih ngak dalam harei 29/4 ini. Tui kuhria, di Festival ia mesin meng kal, Gah padang peih ngak brei parang 30 kadai ndap nda ia mesin dalam Kapul ngak ia mesin Phú Quốc. Tapa nan, yaih khan dom ndap nda ia mesin meng dom gah ngak mbang dalam bhum palei, video pasang brei iek ka bruk ngak ia mesin meng kal saong yaom kaom ilamo di ia mesin Phú Quốc…mek hu ky luc pakat negar 200 pandap mbang bangi hu ngak meng ia mesin Phú Quốc.

Tong thong Donald Trump brei mbaoh harak hukum peih jalan ka dom mentri pamduan ba jabat ngak bruk tabiak truh ban ine Washington, DC. Ini lac bruk ngak birau abih dalam dom bruk kham merat padang veik karja di lien bang, tui nan atah klak dua adat hukum di Tong thong dahlau diah lac Jimmy Carter saong Bill Clinton pachreih dom jabat di rajaei brei hu labik ngak di dom pasak pablei salih  jeng yau dom quận saong bhum taneh sajarah dakrai.

Dreih yau kuhria di dom urang roh duah, Gilang pariak trung uong chau Au (ECB) hu patakik jien laba mesriay meng 0,25% trun 2,25%. Ini lac mbang patrun ka 7 dalam oh ka bak 1 thun di tuk suhsah ka dom bruk pambuak di sarak jien je bahrau di Mỹ ngan haong cakrok patagok kinh te. Patrun jien laba mesraiy di ECB hu caong takre brei daong ka bruk di kinh te di labik ndong Euro tuk daong urang pandar saong gah ngak mbang mbuan mesraiy jien jang.

Jabat Y te bang New South Wales hu sa urang metai saong 12 urang njom ruak Legionnaire dalam sa mbang tamuh  jit ruak pambuak tal pasak ban Sydney. Dahlau di nan, jabat y te di bang jeng hu 1 urang ruak metai di sang iek ruak. Ruak Legionnaire lac sa ruak viem phoi kayua  njom vi khuan Legionella, sa janih vi khuan hu dalam ia taba. Tui gah Y te Dunya (WHO), urang ruak metai kayua Legionnaire meda tagok tal 80%./.