DUAH KUHRIA KA BRUK BUH JIEN NGAK JALAN PAMBUAK BINH PHUOC SAONG DONG NAI TAPA TATUA MÃ ĐÀ
Thứ tư, 12:31, 07/05/2025 Urang lang: MINH KIEN Urang lang: MINH KIEN
CHAM.VOV.VN-Phaok Thu tuong Trần Hồng Hà hu harak pandar tinh Binh Phuoc saong Dong Nai ngak tui panuac likau di Menri Padang piah ngak bruk roh duah buh jien tame padang jalan pambuak 2 tinh tapa tatua Mã Đà, salah blaoh dom bruk harak gar tui hukum.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Bruk buh jien tame ngak jalan pambuak tinh Binh Phuoc saong tinh Dong Nai tapa tatua Mã Đà, Phaok Thu tuong Trần Hồng Hà hu harak pandar tinh Binh Phuoc saong Dong Nai ngak tui panuac likau di Mentri Padang piah ngak bruk roh duah buh jien tame padang jalan pambuak 2 tinh tapa tatua Mã Đà, salah blaoh dom harak gar tui hukum, dalam nan caik hatai pasang iek, taong yaom tani tanat dom kanjah jhak tal alam langik, he sinh thai, pambuak rilo gah sinh hoc, gah kayau glai, drap ar ilamo, bruk pambuak bruk dalam dunya…

Dalam dom danak dak salam uan Raya Vesak Lien Hop quoc 2025, mlam kabroi 6/5, di mblang Hoc vien Agama Bhat Viet Nam di Ban raya Ho Chi Minh hu rah tabiak Adat truac tapeng den – malam gom bingu lang kar ka siam mekre dunya di bruk hu mbaok tame di labaih 10.000 urang. Adat truac tapeng den – brei mboh yaom kaom di agama Bhat dalam dunya oh lac khik ramik ilamo meng kal, bo daok daong tame dom mbang ndom meyai dunya ka siam mekre, nhan quyen saong patagok karo kajap.

Taong Kongti Buh jien tame patagok jalan peih samar Viet Nam (VEC) ba tabiak kuhria ka bruk mek jien dahlau ngan haong 30km jalan peih samar Bến Lức - Long Thành atah jaik 58km bahrau hu ba tame ngak, ngan haong tanut yaom 2.000 dong/km/xe. Tui VEC, ini lac jalan pambuak hu makna di bhum Dong Nam Bo saong Tay Nam Bo, gam haong nan brei mboh hu bruk kuhria dalam bruk pambuak tal Mblang kapal ahaok par Long Thành, dom labik ngak kong saong dom pabah lamnge praong. VEC brei mboh bruk samar drah padang bruk mek jien lac bruk brei ngak samar chip piah khik kajap siam lagaih ka bruk buh jien tame.

Pambuak tal bruk pasang duah thau dom mbang ngak ia tasau ja dalam tukvak tapa, Thieu tuong Hoàng Anh Tuyên, Phaok Chanh jabat, Urang ndom meyai dalam Mentri Kong an brei thau: Kapul chuc nang hu ngak saong daok pasang duah thau dom mbang ngak ja. Jabat canh sat pasang duah thau hu kaoh duas dom bruk ngak ja, kaoh urang ngak suan hukum saong mek kareik rilo urang pagam haong dom duas yau ye: ngak tabiak, ikak pablei ndap nda ja saong jru caga ruak, taong ruak; duas pachot pagat, blah mek drap ar, brei jien paluak saong mek jien paluak…

Hadei 4 thun ngak Mbang jak ba “Ngak salih jalan sahneng, jalan ngak di mikva urang bangsa takik, ngak ka mikva urang bangsa takik uak drei tagok patruh kathaot karo kajap”, dom pakat karja tinh Kon Tum hu padang, khik tani tanat labaih 1.200 bruk daong urang bangsa takik. Meng dom bruk ini, hu jak ba labaih 140 ty dong daong rahra patagok bruk ngak mbang; pasiam taneh bein; pathau khan ka hukum; tayah klak dom adat oh daok lagaih. Tapa nan, daong labaih 37.300 baoh sang bangsa takik kathaot, thau pandar ilamo khoa hoc ky thuat tame bruk ngak mbang.

Harei kabroi 6/5, karja bol lin Myanmar pathau khan ka bruk brei dui atah veik tukvak padeih mesuh anak meta tal harei 31/5. Brei dui atah tukvak piah daong ka dom kham merat pasiam saong panduan mai daok veik di dom labik gaok kan kandah kayua tayun megei taneh, duh ka kein lagaih di taneh ia saong rahra, gam haong nan jhul tagok bruk sron mbon salamat saong tani tanat suai atah.

Liên minh chau Au (EU) hu brei thau jalan ngak dak harei dak oh blei tame athak cuh apui di Nga, pamaong tal bruk klaoh taong abih bruk di dahlau puac thun 2027. Dom urang chuyen gia ndom meyai lac, jalan ngak ini lac sa banah dalam jalan suai atah di EU piah neh klak nhien lieu hoa thach meng Nga. Min, EU kan meda trun taong abih bruk pambak tame athak cuh apui meng Nga.

Hang ngak tabiak radaih oto Ford di Mỹ khan brei thau kein laba klau bilan akaok thun thun ini trun 65%. Hang radaih ini kuhria dom bruk taong jien je bo Tong thong My Donald Trump ba tabiak ngak kan kandah labaih 1,5 tỷ USD brei kein laba di bruk pablei salih hadei bruk pasiam dalam thun ini. Piah patrun bruk kanjah jhak meng dom tanut jien je ini, hang hu ngak dom salih bahrau dalam chuoi pabak, daong kali kalih hu 1 ty USD, dut haong tanut khat lahik meng akaok meti kuhria lac 2,5 ty USD./.

Urang lang: MINH KIEN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023