Pahadar 50 thun Harei peih paha gah Meraong negar, yasa taneh ia ( 30/4/1975 – 30/4/2025), page ini 21/4, di Ban raya HCM, Tong Bi thu Tô Lâm hu mbaok saong tacei ba nyaom biai taom mbaok urang ngak praong di Dang, Karja gam dom urang jakar ngak bruk cach mang umo taha, urang hu ngak bruk daong taneh ia, baoh sang urang dalam sarak karja naih gheih di bhum gah Meraong negar. Di var taom mbaok, dom urang hu mbaok  dalam sajarah dakrai, Anh hùng bol pan phao karong klah rabha hatai druat druai dalam dom harei taneh ia hu tame sa baoh negar, gam brei mboh bruk njauk hatai pachreih tui dom bruk praong di Đảng meng blaoh yau bruk pacang caga tham nhũng, ramik veik takik veik jabat di karja, patagok bruk ngak ilamo kong nghe, ba taneh ia yam tame jaman birau uak drei patagok.

Tinh Dak Lak birau peih bruk uan hu ngak salah blaoh saong ba tame pandar vaktu ka 1 Danak dak Binek ia Krông Pách thượng. Ini lac binek ia praong abih di  DakLak jeng yau abih di bhum Tay Nguyen. Danak dak hu dua binah, binek Krông Pách thượng saong binek ia Ea Rớt, kuhria abih tih binek praong labaih 141 trieu met khoi ia, taneh mek veik padang ngak binek praong labaih 3.100 ha, jaik 800 baoh sang bhap bini njauk panduan ba nao labik karei piah ngak binek. Danak dak piah pacang ia sua, ia dauk gah ala, ngak brei mekre piah pachreih urang mai jirah rivang ma-in, raong kaya kan dalam ia saong piah ngak brei lagaih taneh riya, langik  di labik ini. Tapa nan, paglong raidiuk bhap bini dalam bhum taneh ini.

Tinh Long An padang sumu gauk saong salah blaoh 5 danak dak, bruk ngak hu makna di tỉnh. Dalam nan, Danak Khu do thi sinh thai,  ngak mbang gah yulit Thanh Phú, huyen Bến Lức praong labaih 220 ha kuhria jien buh tame ngak jaik 14.000 ty dong. Tinh jeng hu padang ngak Danak KCN Tandoland (di xã Tân Hòa saong Lương Hòa), praong 250 hecta saong danak dak labik daok ka bhap bini Mai Bá Hương di taneh praong labaih 148 ha. Di huyen Đức Hòa brei peih radaih Jalan tỉnh 823D atah  labaih 14km, mbaok jalan praong 25m, peih 6 jalan radaih.

Di tinh Kon Tum hu labaih 2.000 baoh sang hu padang ngak birau, ramik pasiam veik sang taik tahak, daong ka urang kathaot, baoh sang kan kandah di tinh Kon Tum hu labik daok khang kajap. Gam padang ngak birau, pasiam veik 690 baoh sang, sang taik tahak daok veik, dom pakat karja tinh Kon Tum jeng daok drah samar ngak blaoh dom baoh sang hu padang ngak piah bhap bini hu tame daok njauk tame pahadar 50 thun harei peih paha gah Meraong negar, yasa taneh ia.

Dom harei tapa, tuai damuai nao Metro tagok rilo tuk TPHCM peih ngak rilo danak dak ilamo, nghe thuat biak mekre…di pasak Ban raya. Yau nan ye, piah pabak bruk nao mai di tuai damuai, jalan Metro ka 1 Bến Thành - Suối Tiên dui atah tukvak ngak bruk tal mon 23 tuk melam, atah 1 mon dut saong bhian harei. Langiu di nan, peih drah samar jang 8 minit sa mbang peih nao saong mai. Urak ini, tuai damuai ndik radaih Metro ka 1 labaih 50.000 mbang sa harei, puac adit lac 70.000 mbang sa harei.

Dalam mbang akaok meti ginum biai dua gah di adit blaoh, dom urang jakar My caong khin Nhat Ban blei tame ralo, pandap ngak meng ikan saong bei prang ralo jang.  My kuhria taong jien je 24% ngan haong pandap Nhat pablei tabiak hadei 90 harei padeih. Dahlau tuk Tong thong Donald Trump ba tabiak jien je birau, Nhat Ban blei brah tame rilo kayua yaom brah dalam negar tagok kayua kurang brah.

Mentri Thuy loi Trung Quoc harei kabroi 20/4 khan lac, rilo tinh, ban di gah Meraong negar ini hu blaoh saong hu veik hajan praong, gam brei panuac kakei karja dom bhum palei brei pataom tame caga ribuk ia sua. Tui kuhria mboh dahlau, meng harei 21 -23/4, dom labik gah Pei negar saong gah barak bhum meraong negar Trung Quoc hu hajan praong biak praong, meng 100 - 150 milimet, gam hangin yuh khang atau hajan ia patau saong langik salih karei jhak./.