Pahadar 50 thun Peih paha gah Meraong negar, yasa taneh ia (30/4/1975 - 30/4/2025), melam kabroi di Sang daoh Ban raya HCM, Tổng Bí thư Tô Lâm mai hu mbaok di Danak dak daoh take biak gheih ngan haong kadha “ Ragam ragu hoa binh siam mekre salamat”. Danak dak lac sa bruk hu makna, rik tame pachreih bruk hadah mbaok meta bangsa saong hadar dhar phol praong glong bruk var klak rup drei di dom rairah ong muk dahlau diah ka taneh ia piah khik bruk hoa binh siam mekre, yasa taneh ia tame sa baoh negar. Bruk pagam tame taphon alat ragam hop xuong, dom nghe si paik ragam saong mejam alat giao huong hu ngak jeng melam daoh take ndung bakmakna, pok meyaom bruk jum pataom, caong khin takre hoa binh salamat saong bruk hadah mbaok meta di bangsa.

Jeng dalam melam kabroi, di TPHCM, Danak dak daoh take biak gheih alat ragam thinh phong kadha “Kadha adaoh yasa - Bài ca thống nhất” kayua Sang bac Dai hoc Ilamo Nghe thuat Bol lin peih ngak hu rilo kadha daoh khang kadang dak dalikan sajarah dakrai, brei mboh veik jaman  mesruh metak peih paha bangsa. Ini lac danak dak daoh take giao huong thinh phong hu peih ngak praong prang abih hu mboh meng dahlau mai tal ini, hu rilo nghe si danei ngan je yau: NSND Dương Minh Đức, NSƯT Vũ Thắng Lợi, NSƯT Phạm Khánh Ngọc, radaoh Lương Nguyệt Anh...

Di tinh Tra Vinh, melam kabroi hu peih akak Nyaom pataom Ilamo bhap bini bangsa Kinh - Khmer - Hoa. Nyaom pataom daoh tamia thun ini pachreih hu labaih 300 nghe nhan, urang daoh, anek saih…Dom kadha daoh tamia pataom tame kadha pok praong Dang, meyaom Wa Ho, hatai anit ranam taneh ia, pato pakai ilamo cach mang; hadar dhar phol praong glong bruk var klak rup drei di dom rairah ong muk dahlau diah. Njauk ndem tal bruk pamedeih veik bruk hadah mbaok meta di bangsa, prein khang jum pataom dom bangsa  Kinh - Khmer - Hoa dalam bruk rah tabiak di sajarah dakrai, raidiuk salih birau. 

Harei kabroi, anek saih dalam negar hu tut angan pakacah tamat THPT thun 2025 tui jalan online saong ngak harak tapak, tukvak brei ngak harak gal tal mon 5 biar harei 28 bilan 4. Tui tacei patao di Mentri Pato megru, anek saih daok bac tal 12 hu pandar tai khoan tame he thong hu dom So saong sang bac THPT  brei dahlau piah tame tut angan online di he thong di Mentri labik: http://thisinh.thitotnghiepthpt.edu.vn. Ini lac thun akaok meti anek saih bac danak dak pato pho thong 2018 hu pakacah tamat THPT.

Abih 218 xa, phuong, ban sit dalam tinh Gia Lai brei peih bruk yau gauk duah thau hatai caong khin di cu tri ka Danak dak ramik dom don vi karja pakat xa. Bhap bini brei mboh bruk njauk hatai ka jalan peih pambak praong xã Biển Hồ tapa bruk pagam tame dom xã Nghĩa Hưng, xã Chư Đang Ya (huyện Chư Păh) saong xã Hà Bầu (huyện Đăk Đoa), tui nan klak abih Ban Pleiku, daong ka bhap  bini  ngak harak gal hu samar jang. Yau nan min, hadei pagam tame, baoh sang urang bangsa takik dalam xa birau hu tagok rilo, meng 21% tagok tal 47% yau nan ye brei parilo urang jakar ngak bruk lac urang bangsa takik, abih di nyu lac gah sarak hukum karja, piah daong bhap bini.

           Hoi dong Bao an LHQ harei kabroi caik sa minit dang kandang piah hadar Đức Giáo hoàng Francis. Đức Giáo hoàng Francis lac urang Mỹ Latinh akaok meti kuhria meng kan mai dang kaok tacei ba giao hoi Agama Kito La Mã plang lahik di page harei kabroi, mong 12h35 minit tui tukvak Viet Nam. Vatican oh ka ba tabiak kayua halei metai min gah pathau khan Italia sahaneng lac ong đột quỵ atau sre darah glo akaok.

Harei ini (22/4), dunya pahadar harei Baoh taneh, atau daok lac Harei Dunya Amaik Baoh taneh. Brei panuac dahlau abih tuk pahadar Harei  Baoh taneh thun 2025, Tong thu ky LHQ Antonio Guterres lac, khi nerak sang camin kayua cuh menyek jeng patau ba tal bruk baoh taneh dunya pandiak tagok, ngak bala apui khuah glai biak trak, ia sua ia dauk saong langik pandiak, ngak metai rahra saong lahik bruk ngak mbang. Gah Y te Dunya kuhria mboh dahlau, meng thun 2030 tal thun 2050, langik salih karei  ngak metai veik 250.000 urang metai yaok thun.

          Tong thong Nga Putin harei kabroi caong khin brei ginum biai dua gah haong Ucraina mbang akok meti hadei rilo thun dui atah. Tong thong Ucraina Volodymyr Zelenskiy jeng khan lac Ucraina ramik caga blaoh blai ka bruk ndem biai hagait piah brei padeih dom mbang taong mesruh tame bhap bini. Dom mbang ndem biai  hu ba tabiak dalam adit ini di Lon Don(Anh) piah patui veik bruk ndem biai piah padeih mesruh metak dui atah labaih 3 thun ini mai./.