Anak bruk pachot pagat angaok mang rah tabiak srau kadau haong rilo bruk pachot pagat dak harei dak kan thau, ngak khat lahik praong ka rahra, Thu tuong Phạm Minh Chính hu payua harak pandar dom jabat, dom gah, bhum palei jhul khang bruk caga, langyah bruk pandar ilamo kong nghe glaong angaok mang piah pachot pagat blah mek drap ar jien padai. Dalam nan Mentri Kong an bhian pasang iek, duah mboh samu, pacang cakak, tayah klak dom asal kadha, blah web, jalan link, ung dung, kapul bleik, tai khoan angaok labik mang hu pambuak tal kol bleik, dom mbang taong phone, payua tin nhan medil lac pachot pagat, rilo meng lac dom mbang taong phone meng negar langiu, dom mbang taong phone pandar ilamo kong nghe VoIP, ung dung OTT…

Piah brei mboh hatai ranam melai damen ong Khamtay Siphandone dahlau diah ngak Akaok  Ndang Bhap bini katmang Lào, Akaok negar CHDCND Lào saong mai meng bruk pambuak talei rohim biak gheih Việt Nam - Lào, BCH Trung uong Đảng CSVN, Quoc hoi negar Cong hoa xa hoi Chu nghia Viet Nam, Akok negar  CHXHCNVN, Rajaei negar CHXHCN Viet Nam saong UB Trung uong Mat tran negar Viet Nam brei kam ram ka ong Khamtay Siphandone tui adat pakat negar  2 harei, harei 4 saong harei 5/4/2025. Dalam dua harei nan, dom jabat karja, kong so dalam negar saong jabat lambaok di Viet Nam pak negar langiu brei tuan hla dok meteh gang, oh peih ngak dom bruk ma-in, sambai cong cong.

Harei 3-4, di Labik Inem mek sajarah Kalan Po Hùng, Ban Việt Trì, tinh Phú Thọ hu peih ngak praong prang Raya adat pachiat da-a Ame Lạc Long Quân saong Amaik Âu Cơ. Di Kalan duh Ame Lạc Long Quân angaok ceik Sim hu dom urang lambaok vakil saong tuai damuai likau ame sraong daong ka rahra hu ginup meda, negar siam kre salamat, hu haniem phol, daok rai miat miat; angin siam hajaan lagaih, ngak hagait hu nan. Harei cuh gilau nyang daok dalam raya adat Pachiat da-a Po Hùng saong Adit Ilamo – Yulit taneh Po Hùng, di tinh Phú Thọ.

Mbang ia ndik rah tabiak dom harei tapa ba tal ia di dom balai pabah kraong glong abih dut saong tukvak ini dom thun tapa, ngak ia dauk ralo labik dalam tinh Ben Tre. Di huyen Chợ Lách talah ar pacang binek puk Thới Định ngan haong atah labaih 5 met, ngak ia dauk 3 hecta bein phun mbang baoh. Ia ndik daok ngak talah ar pacang  binek Phú Hòa, xã Vĩnh Bình 20 mét, mbuan glut jaleih, ngak ia dauk labaih 40 ha. Daok rilo bhum taneh huyen Giồng Trôm, Mỏ Cày Nam, Mỏ Cày Bắc... ia ndik tagok glong saong njom ia mbak ngak jhak tal bruk ngak mbang pala drak, ia pandar ka bhap bini.

Jabat Canh sat pasang iek duah thau  di Kong an tinh Binh Duong mek hu Phan Thanh Hoài (daok di ban Thủ Dầu Một, tinh Binh Duong) ka bruk ngak ja canh sat hinh su piah blah mek 5 trieu dong di rahra. Harei 31/3 sa-ai Trần văn V, nduac radaih angaok jalan Lê Lợi, ye Hoài (cuh khan ao bhian) hu cakak akaok radaih blaoh thuak anek kiar radaih di sa-ai V. Hoài ndom lac drei lac canh sat hinh su, pandar sa-ai V nao tui drei tal sa labik mejua. Di ini, Hoài gham sa-ai V ka bruk salih thaik thaot radaih, ndom lac sa-ai njauk taong bhat trak saong pandar sa-ai V brei ka nyu 5 trieu dong piah klak tapa bruk ini.

 Toa an Hukum Han Quoc ba tabiak bruk ndem puac gam duis di Tong thong daok ngak bruk di taneh ia. Hu taong abih 100% blah phieu njauk hatai di 8 tham phan, taduan Harak ndem ka dius di Tong thong Yoon Suk Yeol. Ngan haong panuac nan, ong Yoon Suk Yeol brei padeih  ngak bruk. Bruk langyah dius di Tong thong Yoon Suk Yeol dui atah 112 harei nan lac suai lavik abih  dalam sajarah chinh tri hukum negar Han Quoc. Saong ong Yoon Suk Yeol lac Tong thong ka 2 di Han Quoc njauk brei padeih bruk hadei muk Park Geun Hye.

Harei ini, dom kapul daong pakat dunya kakei dahlau ka langik pandiak saong hajan praong di Myanmar dalam dom harei anak tal meda ngak ka jit ruak tamuh tabiak hadei mbang megei tayun taneh, ngak srau kadau veik ka dom kham merah daong duah. Urak ini dom urang metai hu tagok 3.085, labaih 4.710 urang njauk rambuas saong 341 urang oh ka duah mboh. Kapul Y te Dunya hu kakei dahlau ka bruk meda tamuh rilo di ruak aih caraoh saong ruak di langiu kalik, ruak la-an saong ruak pandiak tabiak darah di dom labik megei tayun taneh.

Canada saong Mexico brei taduan jien je 25% ka dom radaih oto blei tame meng negar My hadei tuk Tong thong My Donald Trump brei mek jien je 10% ngan haong dom gah pablei salaih saong jien je ndoi ung ngan haong labaih 60 taneh ia. Thu tuong Canada Mark Carney hu iew dom jien je di My lac oh njauk oh sumu gauk, oh njauk saong suan bruk. Tui nan, brei ngak cagar veik bruk taong jien je 25% ngan haong radaih oto blei tame meng My./.