Parang iek thaot binguk ngan haong kadha “50 thun Yasa taneh ia - Dak padang  saong patagok Ban raya HCM” birau peih pakak di Gilang khik drap ar My thuat TPHCM.  Parang iek oh lac labik yaih khan dom kadha cih vak di 143 urang cih, urang sarak naih gheih, bo daok lac labik pambak praong hatai anit ranam nghe thuat  tapa dom kadha cih vak biak gheih ka bruk patagok di TPHCM dalam 50 thun ini. Tapa nan, dom nghe si  cih thaot binguk  hu payua tal bhap bini urang mong iek  hatai ranam  baik dalam  ka ban raya pahadar 50 thun harei yasa taneh ia. Parang iek tamat  di harei 2 bilan 5 anak tal.

Tui Du thao Danak dak ramik don vi hanh chinh pakat xa, tinh Binh Phuoc  brei padeih ngak bruk di 11 don vi karja pakat huyen, dalam nan hu 1 ban, 3 ban sit saong 7 huyen. Tinh Binh Phuoc brei ramik veik 111 xã, phuong, ban sit jeng 48 xã, phuong sumu labaih 50%. Ngan haong bruk caik ngan ka dom xã, phuong, Bình Phước jeng daok roh duah, mek panuac bhap bini saong urang ilamo piah khik brei lagaih saong khik ramik ilamo, sajarah.

Di var taom mbaok uan raok Tet Chol Chnam Thmay di bhap bini Khmer, muk Hồ Thị Cẩm Đào, Pho Bí thư Thường trực Tỉnh ủy Sóc Trăng iew taong abih  bhap bini, urang jakar, urang lin saong dom acar su sai Khmer patui bruk patagok bruk jum pataom bangsa anit ranam gauk, iek praong jalan patagok eng drei, kham merat yam tapa dom kan kandah, daong gauk dak dang raidiuk dak harei dak trei sir, haniem phol. Tui nan, caong khin mikva Khmer oh padeih bac megru paglong ilamo yaok gah, khik ramik saong patagok ilamo bangsa.

Dom harei tapa, tinh Bạc Liêu hu alin brei 700 paok pandap, yaok paok hu 10 kilo brah saong mì gam dom pandap karei ka dom baoh sang kathaot lac urang bangsa Khmer piah uan raok Chol Chnam Thmay. Piah ba mbuan lagaih ka urang bangsa Khmer dalam tinh uan raok tet bui sambai, Uy mban bhap bini dom huyen hu daong jien padai ka urang jakar kong chức, vien chuc, urang bol lin, urang ngak Khmer yaok urang 500.000 dong.

Kayua daok dalam tabung glong bilan thu, pandiak catang, tinh Ca Mau hu labaih 35.000 ha glai mbuan apui khuah pakat 3 tagok. Dalam nan, yaok ribau ha glai hu salih tagok pakat glong mbuan rah tabiak bala. Piah caga apui khuah glai, gah chuc nang brei beik dom pabah ribong, binek piah khik ia, peih bruk pacang caga apui khuah tui jalan “ 4 di labik”, “5 caga blaoh blai”, tui nan pakhang pathau khan ka bhap bini daok jaik tapen glai brei peih bruk khik, iek caga glai.

Trung Quoc birau peih ngak Nyaom roya Trung uong ka bruk pambuak tal dom taneh ia jaik taphia. Brei panuac di labik ini, Tong Bi thu, Akok negar Tập Cận Bình khan lac bruk njauk peih tabiak pambuak praong haong dom taneh ia jaik taphia Trung Quoc saong kham merat ngak jeng bruk salih birau dalam bruk ini. Rah tabiak dalam tuk bruk meriak gauk haong My dak harei dak catang, nyaom biai nan yau brei mboh Trung Quoc brei pakhang bruk pambuak  dom taneh ia dalam bhum. 

Tong thong Mỹ Donald Trump brei padeih bruk mek jien je dalam 90 harei haong rilo taneh ia, min paglong jien je blei pandap tame ngan haong Trung Quoc tagok 125%. Nha Trang ngak brei cambaic laic panuac nan di Tong thong Trump ka bruk “ anak meta brei padeih” mek jien je dalam 90 harei hu makna lac “ jien je piah sumu gauk brei trun jien je yau gauk lac 10%”, dalam tuk nan “ dom bruk ginum biai daok rah tabiak”

Manuac metai  dalam mbang glut jaleih tabung sang kalup kapol melam di Cộng hòa Dominica di harei 8/4 tagok 124 saong 155 urang njauk rambuac, urang metai meda tagok veik tuk dom urang duah daong urang gaok bala gam haong mac moc pandap  piah daong bruk ngak brei samar trah. Bruk ba tal bala  daok hu ngak brei cambaic laic./.