Ban raya HCM birau mbaok harak danak dak binah ka 3 ka bruk bayar, daong, padang veik labik daok ka urang njauk mek veik taneh ngak jalan peih drah samar TPHCM - Mộc Bài nao tapa ban raya, kuhria abih hu labaih 5.052 ti dong. Danak dak atah labaih 24,7km, nao tapa 11 xa di huyen Củ Chi. Kuhria abih tih taneh njauk mek veik lac 220 ha, di 2.200 baoh sang urang. Jalan peih drah samar (vaktu ka 1) brei padang tui sarak BOT di bilan 1 thun 2026.

Peih ngak tabung glong 12 harei melam ngak bruk drah samar jao bayar mbaok taneh ngak jalan peih drah samar Biên Hòa - Vũng Tàu (meng harei 3/4 tal 15/4), huyện Long Thành, tỉnh Đồng Nai pataom tame di taong abih gah chinh tri meng huyen tal puk palei, jhul pasamar peih taneh. Dalam nan, pataom tame bruk pathau khan, jak ba bhap bini brei pabak harak gal ho so, ngak tui dom sarak chap ngak piah jao brei mbaok taneh  ka don vi padang ngak  dahlau harei 15 bilan 4 anak tal.

Tinh Vĩnh Long meda peih ngak adit ilamo, the thao saong yulit luac tukvak pahadar 50 thun taneh ia tame sa baoh negar. Njauk caik hatai,  melam peih pakak harei pahadar 29.4  hu peih ngak danak dak daoh tamia biak gheih, cuh phao bingu. Di harei adit ilamo, the thao saong yulit tinh Vinh Long peih ngak dom bruk: Harei roya Thanh trà saong parang iek ky luc Viet Nam 135 kaya mbang; pakacah yai marathon; Famtrip yaih khan  tuor yulit tal drap ar Mang Thít; dieu hanh jalan pho; pakacah gaiy ngo tam bản, parang papar pasar, tamia roi ia…

Mban peih ngak dom bruk Tet Bollin - bhap bini thun 2025 uan raok Chol Chnam Thmay tinh Kien Giang birau jao brei sang bol lin, sang Jum pataom ka dom baoh sang lac bhap bini Khmer xã Bàn Thạch, huyen Giồng Riềng. Yaok baoh sang  hu taneh praong meng 60 met vuong tagok, sang ngak meng pasei kẽm, tabung tauk ton, ala tauk kriak bingu, kuria labaih 100 trieu dong. Dalam nan,  kadung jien kayua Mban tacei ba dom bruk ngak Tet Bol lin - bhap bini tinh Kien Giang daong 50 trieu dong, jien daok veik kayua baoh sang  rik tame.

Dah page ini, bhap bini dalam jalan tame to 1, phuong 4, Ban Mỹ Tho, tinh Tien Giang sa baoh sang di muk Huỳnh Thị Thủy Tiên apui khuah biak glong yau nan ye khan brei Jabat Canh sat pacang khuah, padam khuah mai daong padam pui ka urang. Tuk apui khuah hu padam ye 4 urang daok ndik dalam sang nan metai. Baoh sang daok dalam jalan sit, sang oh hu labik pambang gah lahuk yau nan ye bruk padam khuah gaok rilo kan kandah.

Ban Busan, Hàn Quốc hu jeng labik mai jirah rivang y te hu urang mai rivang rilo abih di labik ban ine Seoul, nao tapa kaoh pulao Đảo Jeju saong Daegu. Thun 2024 hu labaih 30.000 tuai damuai negar langiu mai tal Busan piah iek jru ruak, glong abih kuhria meng tuk ban Busan ini peih ngak yulit y te  thun 2009. Dalam nan, urang ruak di Nhat Ban melah 24%, tui nan tal tuai mai meng Đài Loan (Trung Quốc), Trung Quốc saong Nga.

Jit ruak ngak metai urang karei meda hu jaik tamuh, Gah Y te Dunya kakei dahlau yau nan, gam iew da-a dom taneh ia di dunya brei pacang caga. Dalam panuac khan lac, Tong Yam ndoc WHO khan lac bruk nan jit ruak, oh njauk kan kandah dalam bac da-a. Sa jit ruak praong  njom mbak dreih yau nan birau veik meda rah tabiak dalam 20 thun atau suai jang, atau  meda rah tabiak dalam harei paguh. Min nyu meda rah tabiak, oh ka thau yau halei,  min khol drei njauk brei caga blaoh blai.

Dom urang metai dalam mbang baoh taneh megei tayun khang rah tabiak atah di ini jaik 2 adit di Myanma tagok labaih 3.600 urang, labaih 5.000 urang njauk rambuac saong 145 urang oh ka duah mboh. Myanmar padeih bruk duah daong urang saong yam tapa ngak bruk ramik pasiam hadei bala rah tabiak. Yau nan min, bruk pasiam veik saong padang veik taneh ia ini dang anak  rilo kan kandah praong, meng jalan mbak sang danaok tal sang bac, balai iek ruak, ndien ia…njuak khut tayak tal langik oh hu lagaih./.