Akaok negar Lương Cường harei kabroi hu mbaok di Nyaom  biai taom gaok cu tri di huyen Củ Chi saong Hóc Môn, TPHCM dalam tuk jaik tal Mbang nyaom ka 9, Quoc hoi mbang XV. Brei panuac di var taom gaok cu tri, Akok negar Lương Cường brei mboh hatai bui sambai mbang akaok meti hu taom mbaok cu tri  di TPHCM, gam taduan bruk ngak biak praong glong anak cu tri, rahra bhap bini Ban raya angan Wa Ho. Akok negar taong yaom glong dom panuac that hatian, rik daong piah dak padang, brei mboh bruk ngak, hatai kham merat haong bruk cak rok patagok kaya meda saong khang kajap di taneh ia. Akok negar caong khin, hadei  nyaom biai, Kapol urang jakar di Quoc hoi  TPHCM taduan panuac caong khin di cu tri; pasang iek, khan veik tagok dom pakat  angaok saong dom jabat pambuak tal langyah tui hukum di karja.

Jabat ngak bruk di Rajaei harei kabroi hu harak van ban ba panuac tacei pato di Pho thu tuong Trần Hồng Hà ka bruk padai di hamu jaik jalan peih drah samar Cần Thơ - Cà Mau (labik tapa xã Lương Nghĩa, huyện Long Mỹ, Hậu Giang) metai. Pho thu tuong  Trần Hồng Hà caong khin Mentri Padang ngak tacei ba bruk buh jien tame ngak, khik iek danak dak saong po taduan ngak brei ginup njauk tui tanut chuan, asar kadha dalam tuk padang ngak dom jalan peih drah samar. Brei peih ngak dom jalan pacang cakak ia mbak sre tame meng jalan peih drah samar saong meng bruk pandar cuah njom ia mbak piah padang ngak jalan peih drah samar ngak metai padai saong phun pala di bhap bini. Tui nan tacei ba dom po taduan ngak danak dak pambuak haong karja palei kuhria iek piah bayar jien ka bhap bini gaok khat lahik tui hukum karja. 

Ban raya HCM birau ngak salah blaoh saong ba tame pandar Sang iek ruak Đa khoa labik  Hóc Môn.  Sang iek ruak Đa khoa labik Hóc Môn hu padang ngak meng thun 2021 praong hu 1.000 laneng gaiy ndih iek ruak siam lagaih birau, sang padang glong 12 tal piah klak rabha prein ngak bruk haong dom sang iek ruak bhum palei pala jeng yau dalam ban raya. Sang iek ruak ini  hu ngak tui bruk patagok jeng sang iek ruak nda khoa ginup dom chuyen khoa, pabak hatai caong khin iek ruak di bhap bini pak ini.

Festival Lan am saong Khinh khi cau dalam dom bruk pahadar 50 thun harei Peih paha gah Meraong negar, yasa taneh ia peih ngak mon 5 tuk biar harei 27 bilan 4 di Pasak peih ngak roya saong bruk gah langiu tinh Đồng Nai, bruk nan hu peih ngak tal harei 30/4. Ini lac mbang akaok tinh hu peih ngak roya pataom lan am  praong pajat tinh, jien caga peih ngak labaih 3 ti dong. Festival piah jhul khang bruk yaih khan ka sajarah dakrai ilamo nghe thuat meng bruk ngak lan am Đồng Nai.

Meng akaok thun mbiah tal ini ruak tagok baoh soi di tinh Vinh Long mboh dak harei dak rilo. Jaik abih dom urang ruak hu thau samar ba tame taong ruak chip meng nan oh hu thei palang lahik. Tui bac si Trần Chí Công, Pho kaok Khoa iek ruak Uranaih, Sang iek ruak đa khoa tỉnh Vinh Long, dom harei jaik ini di Khoa iek ruak Uranaih, tuk halei  jeng hu urang ndih veik jru ruak soi. Tinh Vinh Long peih bruk klauk jru vaccine soi ka labaih 2.100 uranaih umo meng 6 tal 9 bilan.

Hadei tuk thau lac Giáo hoàng Francis plang abih umo, rilo urang ngak praong di chau Au brei mboh hatai jamen anit ranam. Angaok mang xa hoi X, Akok UB chau Au, Ursula von der Leyen payua panuac  klak rabha druat druai anak bruk palang lahik di Giáo hoàng Francis. Muk Leyen khang panuac lac dom drap ar di Đức Giáo hoàng brei tacei pato taong abih manuac sia sahaneng tal “ sa dunya sumu gauk yau gauk, hoa binh salamat saong thau anit ranam gauk jang”.

Ngoại trưởng Mỹ Marco Rubio harei kabroi brei thau bruk padang veik taong abih Mentri Ngoai giao piah duh ka sarak “ Taneh ia My lac dang akaok” di Tong thong Donald Trump. Tui bruk ba tabiak bo ong Rubio jaik jao brei adat ka Mentri Ngoai giao meng pakat ala, meng dom jabat tal dom dai su quan. Dom bruk ngak cambaic laic meda brei tui labik hu pagam tame hasa, dom labik ngak bruk daok dahlah labaih  brei yak klak saong dom danak dak oh tui njauk hukum ba tabiak saong oh lagaih hu kein lagaih ka taneh ia My oh daok veik.

Sa mbang tamuh jit kayua anek ruak Norovirus ba tal 140 urang di Labik padeih padei Daiheigen – lac sa labik craoh ia pandiak di Hokkaido, Nhật Bản njom mbak di gauk. Norovirus lac sa janih virus  biak mbuan njom mbak, ngak saluah tian pruac, ba tal ruak karei yau glaoh ta-ok, aih caraoh saong pandik tian. Virus ini meda njom mbak tapa ia, kaya mbang, atau taom gaok tapak haong manuac ruak. Ruak meda ba tal dom ruak trak, abih di nyu la