Urang sit thun umo urak ini mbuan njauk ruak duh hatai jang haong rairah dahlau. Di thun umo bahrau jeng dam jeng dara, ruak duh hatai ngak kan kandah tal bruk bac megru saong bruk ba drei tame di uranaih dalam xa hoi. Langiu di nan duh hatai jeng lac sa dalam dom makna ba tal jalan sahneng saong bruk ta-eng ngak kan kandah tal rup pabhap drei atau ta-eng pametai drei.

Rilo phuong, xa di TPHCM daok tavak angan urang kumei ndih tapui ginup 2 urang anek tuk umo ala 35 thun piah taduan jien daong. Ong Phạm Chánh Trung nan lac akaok Dhar Dan so TPHCM khan lac dom phuong, xa dalam TPHCM daok pasang iek, tavak angan nan piah yaok kuhria mbang akok meti, urang hu mbang tui sarak ka 40 di Hoi dong bhap bini. Langiu di nan, dom urang kumei metian saong kuman sang kathaot, jaik kathaot, urang hu mbang tui jien daong rahra, urang sang daok di xã kaoh pulao hu daong tuk pasang iek ruak dahlau ndih tapui saong pasang iek ruak ka anek kuman hu taduan jien 2 trieu dong njauk tui hukum ba tabiak.

Lien minh Hop tac xa tinh Binh Thuan hu peih Tal pato ka bruk patagok HTX pagam haong yulit bhap bini, yulit dalam di labik bac megru ka 50 urang, lac hu urang lambaok Gah Quan tri saong urang dalam HTX di tinh hu mbaok tame. Urak ini, tinh Binh Thuan hu dom HTX ngak nong pagam haong yulit bhap bini, yulit di labik bac megru. Kayua nan tapa Tal pato megru, dom urang nan hu pabak dom ilamo, bruk ndom puac piah tuai damuai; bruk ngak saong ilamo patagok bruk yulit bhap bini hu ngak tani tanat.

Tukvak tapa, UBND tinh Soc Trang tacei pato dom pakat, dom gah saong karja palei peih ngak rilo sarak daong. Meng nan, rilo baoh sang kathaot, abih di nyu lac urang bangsa takik hu daong brei mbuan lagaih  piah peih ngak dom danak dak ngak mbang, paglong jien mek tame, yam tagok patruh kathaot. Kuhria tal puac thun 2024, tinh Soc Trang  daok 4.430 baoh kathaot. Tukvak tapa, Soc Trang  brei daong dom xã, palei biak kan kandah; paglong  bruk pato pasram saong pato bruk ngak; tui nan daong tapak ka dom baoh sang kathaot piah tani tanat raidiuk saong patagok bruk ngak mbang. 

Meng thun 2020 tal thun 2025,  tinh Binh Phuoc hu labaih 29 ribau urang dalam kapul urang ngak nong naih joi dom pakat. Dom urang dalam kapul tut angan saong hu mbaoh tangin tapa yaok thun jeng hu daong pambak praong, pachreih urang ngak nong tari taring ngak bruk, ngak tabiak ndap nda kaya nong, pablei salih, uak drei tagok ngak meda, ba tabiak dom ndap nda siam, hu yaom kaom kinh te glaong. Tapa nan daong tagok veik kein lagaih meraik gauk ka urang ngak nong Binh Phuoc dalam bruk ba drei tame.

Le duyet binh pahadar 80 thun Harei Jayak dalam Mesruh metak Ve quoc praong biar harei ini di Mblang bein Bhong meriak - Quảng trường Đỏ, di ban ine Matxcơva - Liên bang Nga. Ini lac bruk praong meyaom bruk jayak di bol lin Lien Xo jeng yau dom gah bol lin naih joi di dunya dalam bruk mesruh metal taong kol phat xit. Hu mbaok di 29  urang ngak praong di dunya, Le duyet binh pahadar 80 thun Harei Jayak phat xit yau brei mboh ka prein khang saong bruk ngak di Nga, oh lac bruk pacang cakak di ralo taneh ia negar Tay.

Indonesia hu patrun 4,6 ty dolla My meng jien khik piah di langiu negar dalam bilan 4 piah rajaei bayar sraiy negar langiu, gam haong nan daong Gilang pariak trung uong ba drei tame darak pasar, piah ngak tani tanat yaom kaom salih jien dong rupiah dalam bruk oh tani tanat gah jien je. Piah yaom kaom jien salih oh trun, Gilang pariak trung uong Indonesia brei pandar drap ar khik piah piah ba tame darak pasar meyah njauk ngak.

Adit Ameh meng harei 29/4 tal harei 06/5, bhap bini Nhat Ban bhian hu rilo bruk ngak dalam tuk padei padei hu rilo harei. Sa dalam dom bruk nan lac palih ruah pajan ndik ceik saong duah thau dom tabung ceik glong glai ram di talei ceik Alps di tỉnh Nagano la labik hu pagap  yau “ tabung sang” do Nhat Ban. Yau nan min, tui Cảnh sát, dalam 1 adit  tapa hu 31 urang lahik tuk ndik ceik, ini lac urang lahik ralo abih  kuhria dalam 10 thun tapa. Bruk ba tal dom urang lahik nan lac janal chrak takai saong labuh di dom tapen ceik saong metai./.