Pambuak tal bruk apui khuah mbang sang di jalan Mạc Vân, phuong Xóm Củi, Quan 8, Ban raya HCM di page harei ini ngak 3 urang metai, Pho Thu tuong Nguyễn Hòa Bình tacei ba UBND TPHCM peih bruk nao rivang, daong ndap nda, kalak rabha pandik pandua, ba mbuan lagaih abih piah samar hu labik daok tani tanat,  raidiuk ka baoh sang urang gaok bala; dom gah pataom tame daong pasiam veik hadei bala rah tabiak, samar duah mboh kayua bruk halei ngak apui mbang sang, langyah catang meyah ngak suan hukum. Tui nan, caong khin karja dom bhum palei khik caga apui khuah, patuh piah hu salamat, abih di nyu nan lac tuk padeih padei harei Pachit da-a Po Patao Hung Vuong, harei Jayak 30/4 saong harei Dunya urang ngak 1/5 anak tal.

Tamat Bilan Dam dara thun ini, urang ndoan, dam dara dalam tinh Hau Giang  peih ngak hu labiah 600 danak dak, bruk ngak hu makna biak siam gheih. Langiu di nan, urang ndoan, dam dara daok daong ka labaih 480 harei ngak bruk daong urang ngak brei abih baoh sang oh daok taik tahak; jak ba dom gah daong ngak brei abih baoh sang oh daok taik tahak…Kuhria abih tih bruk nan tui jien lac labaih 4 ti dong.

Harei ini, HĐ bhap bin tinh Binh Thuan khan tapa Sarak ka bruk jien daong peih ngak Danak dak patagok yulit palei pala dalam bruk padang ngak palei pala birau vaktu 2021-2025. UB bhap bini tinh brei dang ka taong abih dom asar kadha patagok yulit palei pala oh ka tapa 2 ti dong ka sa danak dak. Sarak nan  meda rik tame daong ngak brei rilo bruk jarah rivang ma-in di palei pala siam gheih karei di tinh, pamong tal bruk dak harei dak pacheih hu rilo tuai damuai dalam saong langiu negar mai jarah rivang.

Ngan haong baoh paik hu kuhria rah tapa 20 tấn sa hecta saong urang blei meng 7.000 - 7.500 dong sa kilo, urang pala menaih di tinh Tien Giang mek jien tame hu meng 140 - 150 trieu dong sa hecta. Lac phun pala hu lagaih di bhum taneh Đồng Tháp Mười, tukvak tapa, urang ngak nong di Tien Giang peih taneh, pala hu jaik 15.400 hecta menaih, praong abih di bhum kraong Tien. Urak ini, Tien Giang quy hoach taneh pala sa janih menaih piah pablei peih tabiak jalan ngak mbang birau piah urang ngak nong di bhum taneh ini ngak kaya meda hu karo.

Jala pandiak harei ini harei 2/4, tuk daok ngak bruk duah daong urang gaok bala di ban ine Nay Pyi Taw negar Myanmar, kapol daong  bol lin Viet Nam hu thau sa urang daok gar tavak ala pambuk patau kayau glut jaleih kateik daok diuk. Tuk kapol bol lin duah mboh, urang daok ndem hu saong khan lac jap karo min, kurang pandap mbang saong ia menyum. Urak ini, dom urang nan daok duah jalan tame ba urang nan tabiak.

Nha Trang khan lac, dom jien je brei kak dahlau  di Mỹ hu ba tabiak ngak tui hadei Tong thong My Donal Trump brei thau di harei 2/4 ( tui tukvak pak ini). Harei 2/4 hu iew lac “Harei Peih paha”  harei brei thau ka bruk di taneh ia Mỹ hu khan ka dom jalan mek jien je pandap blei tame negar tui tanut birau piah trun bruk tame Mỹ pambak tame pandap negar langiu. Yau nan min, rilo urang roh duah kakei dahlau bruk mek kak jien je glong meda ngak yaom pandap tagok di darak pasar Mỹ jeng yau dunya.

Mentri Sang daok saong Định cư bhap bini Indonesia daok ba tabiak jalan padang ngak 70.000 baoh sang hu dang dalam thun ini ka urang ngak pamong tal bruk “ thei jeng hu sang daok”. Rajaei ba tabiak bruk padang ngak 3 trieu baoh sang dalam nan  hu 1 trieu baoh sang di ban do thi saong 2 trieu baoh sang di palei pala. Yau nan min, jaik ini danak dak dang anak bruk cagar veik oh njauk hatai di dom urang gah padang ngak sang.

Takik abih 18 urang ngak kong di sa sang mac ngak phao bingu di bhum gah Pei An Do saong metai hadei mbang patuh di harei kabroi 1 bilan 4. Mbang patuh khang yuh dom patau  praong saong kim loai papar  atah truh dom sang mac di ban sit Deesa di bang Gujarat. An Do bhian rah tabiak dom mbang patuh phao bingu. Thun blaoh, 11 urang metai kayua bala patuh sang mac ngak phao bingu. Thun 2019, hu takik abih 18 urang metai jeng kayua bala dreih yau nan di bang Punjab saong 10 urang karei metai di bang Uttar Pradesh./.