Mentri Noi vu patabiak bruk birau brei ramik karja pakat xã, tui kuhria mboh dahlau ramik veik karja pakat xã meng 10.035 trun daok jaik 5.000 don vi. Mentri Noi vu mboh lac, bruk ramik karja yaok pakat oh lac bruk pasiam ramik labik ngak bruk di karja; pataom tame hu labik hanjol takik bo daok lac ramik pasiam labik ngak mbang kinh te; pasiam veik bruk parabah bruk ngak, ramik pasiam parabha jeng yau pambuak dom kein lagaih di gah ngak mbang kinh te; pamong tal bruk praong jang lac peih praong jalan patagok, lagaih haong bruk patagok di dunya.

Meng ini tal harei 20 bilan 5, Kong an Ban raya HCM tabiak ngak bruk sumu gauk cap mek dom kol duis piah khik brei hu salamat ka bhap bini, tuai damuai saong dom bruk karei, dom bruk ngak hu makna praong di taneh ia. Dalam 50 harei melam, gah kong an brei pacang cakak, cap mek 5 duis hu thau blaoh saong daok kandauk mbuan ngak suan hukum, rah tabiak saw kadau saong kol pablei saong blei matuy, kol brei jien mesre laba trak, kol co blak angaok jalan, kol pandar kong nghe glong ngak ka manuac sia huac kanda, kol dius pambuak tal negar langiu.  

Tui Jabat UB salamat jalan mbak pakat negar, bruk bala rah tabiak angaok jalan mbak quy I meng blaoh trun 3 bruk dut saong tukvak ini thun 2024. Dalam quy 1  negar rah tabiak 4.755 mbang bala jalan mbak, ngak metai 2.598 urang, njauk rambuac 3.198 urang. Dut saong tukvak ini thun 2024 ye bala jalan mbak trun jiak 30%.

Dalam Bilan dama dara thun 2025, bruk ba kaok ngak dahlau, hadah krah, dom pakat Đoàn dama dara tinh Hau Giang hu padang tabiak, tui ngak 73 kapol nyaom “Dam dara halan hatian ngak brei abih baoh sang oh daok taik tahak” hu jaik 1.060 urang ndoan, urang hoi, dama dara rik dang 1.200 harei prein ngak bruk padang sang, pasiam veik sang danaok ka urang kathaot. Dom dam dara daok pambuak haong karja palei daong bhap bini yak sang, ramik ndap nda, ramik hacih alam labik daok hadei padang blaoh sang, piah mikva urang samar ramik tame tame sang birau daok.

So Ngak nong saong Alam moi truong tinh Soc Trang birau  palao raong 1 trieu 500 ribau  hadang pajaih tame kraong ribaong pahadar 66 thun Harei Padang gah kaya ia Thuy san Viet Nam (1/4/1959-1/4/2025). Bruk ngak piah parilo veik kaya dalam ia, meyaom bruk raong pala kaya ia, taong cap kaya ikan hadang jeng yau bruk brei ngak mbang mek jien tame biak rilo meng kaya ia ka  bhum palei ini.

Jien  won Han Quoc trun yaom biak biar kuhria meng bilan 3 thun 2009. Harei ini peih pabah mbang, janih jien ini laik yaom trun daok  1.474 won/USD. Bruk won Han Quoc  lahik yaom dahlau tuk karja di Tong thong Mỹ Donald Trump jaik ba tabiak jien je kak dahlau, tui kuhria meng harei 2 bilan 4 tui tukvak My, brei mboh bruk haduh hatai ka jien padai saong phun jien ngak mbang.

Labaih 13.000 urang brei panduan nao labik karei kayua baoh taneh megei tayun khang di tinh Ishikawa-Nhật Bản 15 bilan dahlau urak ini daok diukrai dalam dom baoh sang taik tahak. Urang ngak praong di negar ini khan lac, rilo urang  dalam dom urang nan lac urang taha umo daok metui sa drei jan saong daok anak bruk mbuan atah di manuac sia. Karja daok ba tabiak jalan pakhang bruk daong ka dom urang njauk panduan ba nao labik karei kayua baoh taneh megei.

Bruk bhap bini di Italia daok trak damak jang tuk bhap bini dak harei dak takik ndih tapui anek, kuman ndih tapui thun 2024 hu 370.000 nan lac biar abih kuhria meng thun 1861. Bruk ndih tapui anek kuhria rah tapa thun 2024 hu 1,18 anek yaok sa urang kumei dalam umo menek anek. Dalam tuk nan manuac umo taha mboh anak meta jang tuk halei abih: hu jaik 25% bhap bini Italia umo labaih 65 thun, urang diuk 100 thun glong abih hu 23.500 urang./.