Mentri Kong an hu peih blah Blah khaw tin di mang xa hoi Zalo OA. Blah web nan hu tick kanjik katam, định dạng di mang xa hoi hu angan: Bộ Công an. Ini lac kenh khaw tin di gah Kong an di mang xa hoi, piah ba khaw tin, dawak pathau khan, tacei ba ngak tui Ndang, sarak hukum di karja, ba tabiak bruk ngak di Mentri Kong an ka bruk khik brei salamat, siam mekre saong dak padang gah Kong an bhap bini.

Huyen An Minh, tỉnh Kiên Giang birau mek hu angan palei pala birau thun 2023. Kuhria tal bilan 6 thun dahlau dalam huyen hu taong abih 10 xa mek hu tanut chuan palei pala birau, dalam nan hu 3 xã Đông Thạnh, Đông Hưng saong Vân Khánh Đông mek hu tanut chuan palei pala birau paglong saong ban sit Ka 11 mek hu tanut chuan do thi ilamo. Mbiah tal puac thun blaoh, huyen An Minh hu 5 xa mek hu tanut chuan palei pala birau paglong, ngak hu 150% bruk ba tabiak sarak vaktu Nyaom roya mbang X Đảng bộ huyen ba tabiak.

Tui Pasak Pasang iek ruak kik TPHCM, meng bilan 3 meng blaoh, dom urang ruak tagok baoh tangin takai cabuai meda mboh rilo. Kuhria meng akaok thun  tal ini ban raya hu jaik 2.000 mbang. Piah pacang caga ruak tagok baoh tangin takai cabuai, So Y te TPHCM kakei bhap bini brei rao tangin  hacih meng jabon ala ia nduac rilo mbang dalam  harei; bhian brei uak ngak hacih mbaok pandap, dom kaya uranaih bhian pan gaok. Njauk ndem tal bruk, urang praong juai brei uranaih taom gaok manuac ruak atau  jaik si ruak.

Ia mbak urak ini di tinh Tien Giang hu yam tapa tabung glong saong meda trun di dom harei anak tal, dalam nan hu ia taba dalam ribong di mblang hamu daok. Di bhum “ ngak taba ia mbak” Gò Công, labaih 23.000 ha padai di bhum hu yuak jiak blaoh, rilo bhum abih ia mbak njom paje; oh daok labik halei njauk khat lahik kayua pandiak bhang, njom ia mbak. Ini lac bruk ngak hu siam, kham merat biak ralo di dom pakat karja, dom gah jeng yau bhap bini dalam palei brei ngak tui saong patagok bruk ngak hu ilamo piah pacang caga bala meng langik tasik.

Meng ini tal harei 10/4, di bhum Taneran kraong Cuu Long, ia mbak abih di dom balai jaik saong biar jang ia mbak glong abih di bilan 4 thun  blaoh, di dom balai tinh Bến Tre, Trà Vinh, Sóc Trăng hu ia mbak glong jang. Urang ilamo gah dut iek dahlau langik tasik dom tinh kakei  brei samar caga ia taba tuk ia ndik biar piah duh ka bruk ngak mbang pala drak raong glang saong ia pandar  di bhap bini. Mikva brei pala dom janih phun tui tukvak  ba tabiak diuk siam hu dalam ia mbak, salih janih pajaih phun pala lagaih. Ngan haong phun mbang baoh pablei hu jien ralo, ye brei salih janih pajaih pala piah hu lagaih. Ngan haong phun mbang baoh duah hu rilo laba, oh diuk hu dalam ia mbak, dahlau pruh ia mikva brei dut iek sara mbak.

Urang metai kayua bala megei tayun baoh taneh khang 7,7 độ richter harei 28/3 di Myanmar tagok tal 2.065 urang, labaih 3.900 urang njauk rambuac saong labaih 270 urang lahik. Bruk daong duah urang gaok bala rilo kan kandah kayua jalan mbak khut tayak, kurang ndap nda daong bala gam kurang ralo urang daong gah y te. Bruk daong  kan kandah jang  kayau langik pandiak saong mbuan tamuh jit ruak. Gah bolin karja Myanmar khan brei taneh ia kamram dui atah sa adit meng harei 31 bilan 3 tal harei 6 bilan 4 piah pahadar dom urang metai lahik kayua bala biak trak pandik harao nan.

Puac adit tapa, yaok pluh ribau urang jak gauk trun jalan ralo mbang di pasak ban ine Seoul, ndok atah klak atau brei ngak veik bruk dahlau diah ka Tổng thống Hàn Quốc Yoon Suk-yeol. Dua gah caong khin Tòa án Hukum  Hàn Quốc ba ba tabiak  bruk ngak samar ka bruk ndem puac duis, kayua toa an oh ka ba tabiak harei langyah ka vu an nan. Tong thong Hàn Quốc Yoon Suk-yeol nan lac urang ngak cagar veik bruk di rajaei kayua ba tabiak hukum adat pandar bol lin di bilan 12 thun dahlau.

Tong thong Mỹ Donald Trump mbaoh harak ba tabiak hukum piah ba mbuan lagaih saong jhul pakhang dom paok jien buh tame ngak mbang  di doanh nghiep kuhria labaih 1 ti dola. Tui nan, sarak nan hu padang sa jabat di Mentri Pablei salih hu angan "Jabat padrah samar buh jien ngak mbang di Mỹ", pachreih dom kong ty brei buh phun jien tame ngak mbang praong tui jalan trun hanjol bruk khik iek, jhul pasamar  bruk brei sarak adat, pambuak haong jabat lien bang saong tieu bang, gam haong nan brei jak ba dom phun jien dalam negar./.