Asar kadha daoh di bruk jak ba lac dom kadha daoh brei mboh makna sajarak dakrai praong dalam, ndung bak bruk jayak  praong Điện Biên Phủ ngan haong bangsa saong samar birau; jalan sahaneng anh dũng, jak gheih hadah krah, khang kadang, hatai kham mek hu jayak di bol lin saong bhap bini…Mban peih bruk palih ruah dhi sơ khảo, chung khảo saong ba kadha tame dhi chung kết angaok TikTok meng harei 25-4 tal 15-5 anak tal.

Mintri Khau tin saong Truyền thông pambuak haong Kapul Nghệ sĩ Nhiếp ảnh Việt Nam saong dom jabat hu pambuak tal bahrau peih bruk pakacah thaot binguk, video "Việt Nam haniem phul - Happy Vietnam 2024". Ini lac sa dalam dom bruk ngak hu makna di dom bruk pathau khan – parang iek ka quyen anek manuac di Việt Nam 2024. Mbang pakacah piah duah mboh saong pok manyaom dom tukvak, dom dalikan hu makna di yaok gah dalam raidiuk, chính trị, kinh tế, ilamo - xã hội pak Việt Nam tapa dom kadha thaot binguk, video, tapa nan brei mboh dom chreih chrai, dom jak jeng bo Việt Nam ngak hu dalam gah quyen anek manuac.

Mentri Công an birau peih bruk taduan dom pandap nda di 6 liệt sĩ Công an tỉnh Đắk Lắk ndih trun dalam bruk khung mbo  di harei 11/6/2023 pak xã Ea Tiêu, Ea Ktur, huyện Cư Kuin. Tapa nan, gauk gar di 6 liệt sĩ Công an tỉnh Đắk Lắk hu alin pandap pandar di dom liệt sĩ ka urang ngak praong di Cục Công tác Đảng saong cong tac chính trị, Mentri Công an piah parang iek  di Muyim Công an bhap bini. Lambaok gauk gar dom liệt sĩ hu panuac dhar phol  Mentri Cong an saong Cong an tỉnh Dak Lak, haong Công an rilo tỉnh, ban dalam taneh ia hu sangka klah rabha dom pandik harao oh hu hagait pabak hu di dom sang liet si.

Piah khik ramik, cak rok patagok bruk manyim khan bai di urang Khmer daok pak xã Văn Giáo, ban sit Tịnh Biên, tỉnh An Giang, HTX Manyim khan bai Văn Giáo pambuak haong Jabat jao jit Gilang paraik sarak kanja – dhar ban sit Tịnh Biên, hu brei ka 8 urang dalam HTX hu hatai caong masaiy jien piah blei pandap panda, ngak bahrau khung manyim. Yaok sa urang dalam HTX hu masaiy 80 triệu đồng, jalan biyar phun phun jien saong jien laba yaok bilan. Meng thun 2018 tal urak ini, UBND xã Văn Giáo hu peih 4 tal pato bruk ngak, pato bruk manyim khan bai ka 120 urang kumei lac mikva urang bangsa Khmer. Tapa nan, daong piah khik ramik, patagok ilamo manyim, ngak bahrau dom pandap panda bingu la ka dom urang manyim.

UB bhap bini tỉnh Lâm Đồng hu pasang iek, mbaoh tangin brei ngak Danak dak khik ramik puk, palei meng kan di dom bangsa takik. Palei meng kan di bhap bini Cơ Ho di palei Đưng K’si, xã Đạ Chais, huyện Lạc Dương. Meng yaom jien buh tame ngak abih tih labaih 13 tỷ đồng, tal urak ini Danak dak hu ngak salah labaih 90% bruk ba tabiak, nan lac: pabah mbang jang, got hala dok, sang tuan padeih, sang pataom di bhap bini, sang ilamo meng kan, labik jamar saong pala phun kayau hijao. Palei jeng hu tacei ba dom baoh sang dalam xã pasiam veik sang daok tui jalan siam ka alam moi truong, pambuak haong dom ilamu Cơ Ho piah gam khik ramik ilamo meng kan di bangsa, gam duh ka bruk du lịch.

Kanja Ban ine bahrau Nusantara di Indonesia daok kham marat caga ka harei pahadar Harei độc lập mbang ka 79 (17/8/1945 -17/8/2024) di taneh ia ini. Harei ini hu maong lac bruk peih mbaok ka tukvak salih meng Ban ine negar meng Jakarta tal Nusantara. Nusantara daok dalam jalan padang ngak, cak rok patagok tal tuk ngak salah di thun 2045. Tal urak ini, bruk padang ngak labik hành chính rajaei ngak hu jaik 78%, Dinh Tổng thống ngak hu labaih 58%. Tui kuhria Dinh Tổng thống, jabat Tổng thống meda ngak salah di bilan 10/2024, tuk Tổng thống Indonesia bahrau tagok pan quyen.

Jalan roya Danh vọng di kinh ndo ndien anh Hollywood - Mỹ hu pagam gac sa baoh patuk pok meyaom urang ngak tabiak alat ragam, thaok binguk Hip-hop Andre Young, bhian hu thau tal haong angan Dr Dre. Urang ngak phim umo 59 thun bhian mek hu giải bạch kim saong 9 mbang giải Grammy khan lac, ngan haong ong, ini lac sa bruk hadah mbaok meta ralo dalam raidiuk. Dalam var pok je Dr Dre hu mbaok ralo nghe si gah Hip-hop. Dalam gavang tangin ayut sahabat saong ralo urang takre, Dr Dre khan lac ong ohka tuk halei sahneng lac drei hu hadah mbaok meta yau ini.

Sa roya biak bui sambai, chreih chrai pak Hy Lạp, lễ hội glam tapung hu peih tabiak. Ini lac harei hu peih tabiak piah tamat ka lễ hội hóa trang saong jeng lac peih mbaok ka adat mbang chay di dom urang tui agama Chính thống giáo pak Hy Lạp. Dalam luac lễ hội, dom urang hu mbaok tame meda pandar mek tabung ginup dom sambo mau glam tame gauk. Piah plaih njauk pagam tabung, dom urang hu mbaok tame bhian cuk tamin, cuh mặt nạ, ngui cuk meng ni-lông. Yaom lac tabung ngak ka yaok urang thei jeng bak rup pabhap min thei jeng cui sambai saong chreih chrai hu mbaok tame. Ini lac sa dalam dom roya meng kan danei angan abih di Hy Lạp./.