Mai pataom mbaok, hu ong Nguyễn Trọng Nghĩa, Bí thư TW Đảng, akaok mban Tuyên giáo TW. Mban peih bruk hu pilih ruah 154 blah rup thaot gheih di abih, dalam nan hu 22 blah mek hu giải thưởng lac 2 giải nhất, 4 giải nhì, 6 giải klau saong 10 giải khuyến khích piah yaih khan tal bhap bini ban raya jeng yau menuac sia grauk labik dalam taneh ia. Dom blah rup thaot hu hatai sahneng hadah krah, brei mboh prein khang, bruk gheih mekre di tasik, pulao Việt Nam. Tapa nan mboh hu hatai anit taneh ia palei negar, bruk pambuak khang kajap di dom rai urang Việt Nam haong tasik, pulao palei negar. 

Daok dalam dom bruk ngak di Harei pataom “urang lin sit Điện Biên”, melam blaoh, di ban Điện Biên Phủ, tỉnh Điện Biên hu peih danak dak pok manyaom “urang lin sit Điện Biên” dalam taneh ia mbang ka 5. Meng dom danak dak, jalan ngak sit, Hội đồng Đội tỉnh Điện Biên hu taduan 6 baoh sang Khăn quàng đỏ ka uranaih gaok kan kandah meng Hội đồng Đội dom tinh, ban lac: Hải Phòng, Bà Rịa - Vũng Tàu, Đồng Nai, Tây Ninh, Bình Dương haong yaom abih tih lac 300 triệu đồng. Abih tih yaom jien peih ngak dom bruk an sinh xã hội ka dom uranaih di harei pataom mbang ini lac jaik 2,1 tỷ đồng.

TP. Cần Thơ harei kabroi peih bilan urang ngak saong bilan ngak ka salamat haci hacih dalam ngak bruk thun 2024. Thun ini, LĐLĐ TP. Cần Thơ haong dom pakat công đoàn brei peih nyaom biai taom gaok, ndom biai nao mai di urang pan akaok ban haong urang jakar công đoàn saong urang ngak; pato pasram bruk salamat hacih sa-at labik ngak, pato pasram ilamu ndom biai nao mai haong rilo menuac, peih bruk pasang iek dom gah caik rah tabiak rilo bala dalam tuk ngak bruk, pasang iek nội quy, jalan ngak ka salamat hacih sa-at labik ngak dalam dom doanh nghiệp, sang mac, phân xưởng di dalam ban C. Thơ.

Bộ chỉ huy Bol lin Biên phòng tỉnh Bà Rịa – Vũng Tàu brei thau, ngak tui jalan ba tabiak dalam tukvak tabung glaong pacang caga taong cap kaya tasik suan adat hukum, oh pathau khan saong oh tui adat (ieu katut IUU), kapul hu ba dom gilai peih bruk pasang iek dom bhum tasik daok khik ramik piah pathau khan, kakei dom sruh gilai tame tabiak saong taong cap ikan di dom pabah kraong, bãi ngang, bhum tasik di labik takai tasik brei ngak njauk bruk tui adat IUU. Gam tui di nan jeng pato tacei dom urang taong ikan, dom po gilai ka dom adat di hukum dalam bruk pacang caga IUU; dom cuang kandah di “the kanjik” EC ngan haong bruk pablei tabiak, blei tame kaya tasik …

Dom thun jaik ini, phun manaih cakrok khang di dom xã bhum atah bayah, bhum urang bangsa takik di huyện Krông Bông, tỉnh Đắk Lắk. Tui jabat ngak nong saong patagok palei pala huyện Krông Bông, taneh pala manaih hu bhap bini pala rilo meng thun 2015 mai ini kayua nyu lagaih haong taneh mbon ceik glaong biar, meda kaoh mek luac thun, pasar pasar blei khang, hu urang blei salih mai blei haong yaom glaong. Rilo sang pala manaih, abih di nyu lac sang urang banghsa takik, hu jien mek tame tani tanat, salih bahrau raidiuk, yam tagok tabiak truh kan kathaot.

Ấn Độ harei ini peih mbang ka dua bruk pilih ruah urang ka Hạ viện di 13 bang saong bhum liên bang piah duah tabiak 88 kik di Hạ viện mbang bahrau. Dom labik buh phieu meda peih pabah mbang di maong 7 dah page tui maong pak nan saong tamat di maong 6 bier harei sup. Ini meda lac mbang pakacah gauk hu caong maong abih di dom ứng cử viên di Đảng BJP pan akaok saong gah chính trị cagar veik di Liên minh taong abih gah cak rok patagok negar Ấn Độ (INDIA) kayua đảng Quốc đại dang akaok. Mbang pilih ruah Hạ viện Ấn Độ thun ini hu maong lac mbang pilih ruah praong abih di dunya hu peih tabiak tui 7 mbang, camriep meng harei 19/4 meng blaoh.

UB pacang tham nhũng negar Thái Lan (NACC) hu brei tapa sarak haong dom phiếu pachreih tui meng taong abih 6 urang hu mbaok, tah klaak panuac lac tham nhũng ngan haong Thủ tướng dahlau daih Yingluck Shinawatra saong mek veik harak cap mek amuk pambuak tal danak dak daong yaom padai brah ka urang ngak nong Thái Lan thun 2011. Tapa bruk ini, amuk Yingluck Shinawatra, klaak taneh ia nao daok di negar langiu jaik 10 thun ini mai, urak ini oh daok njauk bruk lac tham nhũng halei. (VOV)

Mintri Y tế Hy Lạp hu ba tabiak panuac kakei ka prein yava hadei di tuk ban ine Athens di negar ini gaok dom taginum dhur sambo katam, xám atau bhong meng sa mạc Sahara dalam dom harei tapa. Tui panuac kakei, rahra pak Hy Lạp njauk daok di dalam sang, patakik dom bruk gah langik langiu, plaih dom labik gar jalan saong bhian kareik pabah pambang tho saong pabah mbang tame tabiak. Meng di thun 2018 tal urak ini, bruk taginum dhur mun rahtabiak tui kuhria labaih 5 mbang sa thun pak Hy Lạp.