Mai pataom mbaoh hu Akok negar lac dahlau daih lac ong Nguyễn Minh Triết haong ong Trương Tấn Sang, Thủ tướng Rajaei dahlau daih ong Nguyễn Tấn Dũng; dom Amaik VNAH, Anh hùng LLVT, AHLĐ vaktu salih birau, dom urang lin Điện Biên, dam dara xung phong, bhap bini hỏa tuyến hu mbaok tapak tame Chiến dịch Điện Biên Phủ daok diuk rai di Ban raya. Brei panuac di var taom mbaok, ong Nguyễn Văn Nên, Bí thư Thành ủy TP.HCM brei thau, yaok mbang taom mbaok, dalam hatung hatai yaok urang jeng mboh druat druai, tuk hadar veik dom bruk rah tabiak meng kan  oh var hu.

Pachreih tui danak dak “dalam taneh ia sa tangin haong gauk daong ka urang kan kathaot – oh caik thei daok veik gah likuk” kayua Thủ tướng Rajaei ba tabiak, 5 thun tapa, gah Mặt trận dom pakat ban Cần Thơ hu pambuak gauk jak ba labaih 620 tỷ đồng ka dom danak dak sangka ka rahra, jak ba kadung jien “daong ka urang kan kathaot” labaih 120 tỷ đồng, padang ngak saong ngak pasiam labaih 2.800 baoh sang Jumpataom ka sang kan kathaot. MT negar ban Cần Thơ daok hu peih bruk padang ngak yaok ratuh danak dak daong ka rahra, daong ka yaok rabau baoh sang cak rok patagok bruk mbang ngui, iek ruak, taong ruak saong ka anek saih kan kathaot hu nao bac, yaok thun jak ba, daong ka labaih 120.000 paok pandap Tết.

Chủ tịch UBND tỉnh Trà Vinh baharu hu harak patahu khan, pok likau Thủ tướng rajaei brei pasang iek, taong yaom, mbaoh tangin brei tapa Pathau khan roh duah meda ngak hu danak dak padang ngak tatua Cổ Chiên 2, pambuak tỉnh Bến Tre haong tỉnh Trà Vinh. Tui panuac likau di UBND tỉnh Trà Vinh, Danak dak hu yaom phun jien buh tame ngak abih tih 3.500 tỷ đồng. Tatua Cổ Chiên 2 daok angaok jalan radaih tapen tasik miền Tây pambuak meng TP HCM nao tapa dom tỉnh Tiền Giang, Bến Tre, Trà Vinh, Sóc Trăng, Bạc Liêu saong Cà Mau, atah abih tih 428 km. Danak dak ngak salah hu rik daong praong dalam bruk peih praong jalan nao gah tasik, patagok kinh tế tasik di tỉnh Trà Vinh haong Bến Tre saong ka baih bhum.

Yaom lac yaom baoh durain di tỉnh Tiền Giang trun dut saong bilan dahlau min urak ini jeng daok tani tanat di tanut glaong, sang bein biak chreih chrai. Dom harei ini, sang bein di huyện Cái Bè, tỉnh Tiền Giang pablei durain pajaih Mon Thong yaom labaih 110 ribau đồng/kg, durain Ri6 yaom 80-90 ribau đồng/kg. Tui yaom ini, sang bein jeng hu laba meng 40-50 ribau đồng/kg, ini lac janih baoh kayau hu brei jien mek tame glaong abih dalam dom janih angan je pak tỉnh Tiền Giang. Rilo sang bein pala durain di huyện Cái Bè hu laba meng jaik 3 tỷ đồng/ha/thun.

Dom harei tapa, di tỉnh Hậu Giang, mbak njom tame di rilo palei daok tagok glaong, hu labik mbak yam tapa tamut 13‰. Anak bruk mbak tagok glaong, tỉnh Hậu Giang hu tacei pato pataom tame kreik 59 cống gul saong cống hở, khik oh caik ka ia mbak njaom tame mblang hamu. Gha ngak nong tỉnh Hậu Giang kakei bhap bini, abih di nyu lac dom bhum tam drak padai Hè thu saong njam patam, kaya ikan dalam huyện Long Mỹ, ban Vị Thanh, brei pasang iek độ mbak dalam ia dahlau di tuk mek tame mblang hamu piah patrun khat lahik kayua ia mbak saong hu jalan pacang ka nyu siam lagaih.

Jabat vũ trụ Mỹ NASA khan lac hu taduan dữ liệu meng gilai vũ trụ Voyager 1 mbang camriep hadei di labaih 5 bilan oh pathau khan haong gilai pasang iek. Dữ liệu bahrau meda pabak khau tin ka dom bruk hagait daok rahtabiak dalam langik di dom baoh patuk. Thun 1977, gilai vũ trụ Voyager 1 hu cuh tagok piah pasang iek Sao Mộc saong Sao Thổ. Gilai hu payua dom thaot bingu tantu cambaih ka dom mẫu di mbaok Sao Mộc saong dom vành đai Sao Thổ. Gilai vũ trụ Voyager 1 hu nduac tabiak truh ia harei saong urak ini daok nao atah baoh taneh labaih 24 tỷ km, jeng lac pandap panda kayua anek manuac ngak tabiak atah baoh taneh abih.

Dalam sa bruk ngak piah jhul tagaok bruk salih tapa năng lượng tái tạo, New Zealand bahrau ba tame pandar bilai pabak nhiên liệu hydrogen camereip abih di taneh ia ini di langiu ban Auckland. Siam lagaih di bilai pabak nhiên liệu hydrogen nan lac meda pabak nhiên liệu ka rilo radaih meng sa labik dalam sa mbang haong gauk, ngak patrun yaom padang ngak bilai pabak nhiên liệu. Bruk ngak tabiak saong parabha rilo hydrogen hijao daok hu caong lac meda ngak brei salih bahrau biak rilo ka gah pajeng ba di New Zealand duk haong bruk pandar liệu hóa thạch meng kan.

Kapul chữ thập đỏ Kenia harei kabroi brei thau lac, hajan khang di grauk labik di negar ini ngak ka takik di nyu 38 urang, labaih 180 urang karei hu daong ba tabiak truh labik hajan ia sua biak trak damak saong labaih 11.000 urang njauk ba tabiak truh labik rahtabiak bala dalam dom harei jaik di ini. Cục kuhria mboh dahlau bruk langik tasik Kenia brei thau, dalam dom adit anak tal, hajan khang meda daok rahtabiak. Kanja saong kapul daong duah urang njauk bala hu ieu rahra tabiak truh di labik dhaong mbuan njauk hajan ia sua, gam tui di nan jeng kakei rahra oh peih radaih tuk hajan khang./.