Di mbang ginum biai ka bruk pacang pablei ndap padauk, bleik saleik dalam bruk pablei  salih saong ndap ja, ndap ngak mblak di page ini 14/5, Thu tuong Phạm Minh Chính caong khin, pataom tame ngak catang bruk chap mek, pacang caga, jhul kadun likuh bruk pablei padauk, bleik saleik dalam pablei salih, ngak tabiak saong pablei ndap ja, ndap oh thau meng halei mai, ngak suan hukum so huu tri tue. Dalam bilan 4 akaok thun ini hu 34 ribau mbang ngak suan taong phat; jien buh tame kadung karja jaik 5 ribau ti dong; ba tabiak kaoh tui hukum jaik 1 ribau 400 bruk, labaih 2 ribau urang.  

Page ini 14/5, Mban Khik iek danak dak buh jien tame padang ngak ha tang do thi Ban raya HCM hu padang ngak danak pasiam jalan tathuak ia di dom jalan Nguyễn Văn Khối, Lê Văn Thọ (quận Gò Vấp). Danak dak kuhria abih tih jien buh tame labaih 352 ti dong piah pasiam bruk ia dauk dui atah ralo thun tapa di dom labik ralo bhap bini daok, dalam nan hu phuong 8, 11, 14, 15 saong 16. Danak dak hu ngak salah blaoh di thun 2026, rik tame ngak brei samar tathuak ia, khik hacih sa-at alam labik daok, khik brei salamat jalan mbak jeng yau paglong raidiuk  ka bhap bini.  

Mentri Padang ngak hu mbaoh Harak Quy hoach cambaic laic patagok bhum taneh, labik ia pabah tasik Sóc Trăng meng thun 2021-2030, pamong tal thun 2025. Tui Quy hoach, dom tapen tasik Soc Trang hu dom labik tapen tathik praong yau Kế Sách, Đại Ngãi, Trần Đề saong dom tapen angaok ia, labik pataok gilai, labik pajeng ba saong labik plaik njiak ribuk. Quy hoach kuhria tal thun 2030, ndap nda tapa pabah tasik meng 30 tal 41 trieu tan. Tuai damuai nao mai tapa labik tapen tathik kuhria mboh dahlau 500 ribau mbang.

Thun 2019, Mban Padang ngak saong peih ngak dom danak dak ODA gah ia tinh Ninh Thuan hu jao brei ngak po Danak dak padang ngak labik ba ia pandar xa Phước Bình (huyện Bác Ái), kuhria abih tih jien buh tame ngak jiak 24 ti dong. Danak dak hu padang  ngak prein khang 420 met khoi dalam harei melam, ba ia pandar  ka jaik 1 ribau baoh sang di xa Phuoc Binh. Tal bilan 12 thun 2020, ngak blaoh saong ba tame ngak bruk, danak dak hu pagam jalan ba ia saong mbat dong ho ia ka yaok baoh sang bhap bini, min mbiah tal harei ini oh ka hu ia. Bruk nan ngak ka bhap bini daok haduh hatai.

Kuhria meng akaok thun mbiah tal ini hu 148 urang njom ruak COVID-19 Ddi 27 tinh, ban oh hu thei plang metai. Dalam nan, Ban raya HCM hu rilo urang ruak abih tal 34 mbang urang ruak. Di Viet Nam, ruak COVID-19 daok hu mboh, dalam tuk padeih raya harei 30 bilan 4 saong harei 1 bilan 5 thun 2025 manuac nao mai rilo yau nan ye kan klak di ruak njom mbak dalam negar tukvak anak tal. Yau nan ye, Mentri Y te brei kuhria caga dahlau bruk tui iek tani tanat ruak COVID-19, pakhang bruk peih ngak dom jalan pacang caga jit di dom labik y te saong dalam bhap bini.

Rajaei Hàn Quốc patui veik bruk dang anak kan kandah dalam gah pato megru gah y tuk hu tal 65% anek saih bac gah y oh mai tal bac veik, oh caik hatai  tal rilo bruk ramik pasiam veik harak birau ini. Mentri Pato megru Han Quoc khan lac, brei pambuak kajap haong dom sang bac piah khik veik dom kein lagaih dalam bruk bac da-a ka dom anek saih khin gilac veik mai bac. Tui nan, sa uy mban taduan panuac caong khin di anek saih jeng ba tabiak jalan ngak, piah langyah dom dom bruk oh ka thau pambak tal bruk bac da-a saong tacei ba di sarak ini.

Piah ngak brei siam lagaih dalam bruk ngak di dom gru pato bac, Rajaei Nhat Ban pok harak tagok Ha vien sa hukum pasiam veik piah likau brei tagok jien bilan di gru pato di dom sang bac tagok tal 10% dalam 6 thun anak tal. Hukum nan hu pok tagok saong brei tapa nyom biai taong abih gah di Thuong vien Nhat Ban hu peih ngak di harei paguh 15/5.

Tong thong My Donald Trump hu mbaoh tangin sarak hukum taong abih gah, dalam 3 harei ka dom labik ngak tabiak jru njauk eng drei halan hatian trun jien jru tui harak iek ruak di My, atau dang anak dom bruk birau ba tabiak ka jien ndo bo rajaei brei bayar tui danak dak Madicaid. Sarak nan iew Mentri Y te My brei  ba tabiak yaom jri birau dalam bilan anak tal./.