Di nyaom biai pathau khan Quy hoạch tỉnh Tiền Giang tukvak 2021-2030, pamaong tal thun 2050 saong peih bruk buh jien tame tỉnh Tiền Giang hu peih tabiak di harei 24/3, Thủ tướng Phạm Minh Chính tacei lac, Tiền Giang  lac tinh hu labik dang glaong piah khik bruk pambuak di bhum taneran kraong Cửu Long haong TP. Hồ Chí Minh saong bhum Đông Nam Bộ. Kayua yau nan ye Tiền Giang njauk pataom prein tame buh jien tame hạ tầng hu makna, abih di nyu nan lac buh jien tame ngak salah jalan mbak nao mai, cak rok patagok đô thị piah peih ngak siam labik pasak di bhum ĐBSCL di tỉnh ngan haong dom labik jalan mbak pambuak dalam bhum; pataom prein tame padang ngak, cak rook patagok siam lagaih bhum prein khang kinh te di tinh. Brei ngak dahlau abih bruk rami ramik phun jien piah peih ngak gam gam, kein lagaih labik cak rok patagok.

Mbang pakacah tamat trung học phổ thông thun 2024 hu peih tabiak dalam dom harei lac harei 26, 27, 28, 29/6/2024. Tukvak brei thau ka bruk pakacah tui kuhria lac di mon 8 harei 17/7/2024. Hadei di nan, dom tinh ban peih pasang iek bruk  bac tamat ka anek saih hu mbaok tame pakacah saong pandar bruk tamat pakacah nan piah pilih ruah tame đại học, cao đẳng tui bruk pilih ruah. Dalam bilan 4 saong bilan 5, Mintri Pato Megru brei peih dom nyaom biai pato pasram ka bruk peih pakacah tamat THPT thun 2024 brei ka taong abih dom tinh ban. 

Di TP.HCM bahrau rahtabiak Harei nduac Olympic Kayua prein yava di dalam rahra TP.HCM thun 2024 ngan haong bruk dui pachreih hu labaih 5.000 urang. Bruk ini piah pathau khan, paglaong hatai sahaneng di bruk ngak, makna, kein lagaih di bruk pahat rup dalam bruk khik hu prein yava saong kein lagaih raidiuk di rahra, chất lượng urang ngak, padang ngak mbang ngui saong raidiuk hu ilamo, siam makre, rik tame pabak talei pambuak gauk, jumpataom gauk di dalam rahra.

Hải đội 2 Biên phòng, Bộ đội Biên phòng tỉnh Sóc Trăng bahrau ngak 10 “Tu jru Biên phòng” brei saoh ka 10 kapal ikan di mikv aurang taong ikan daok di ban sit Trần Đề, huyện Trần Đề. Yaok tu jru hadei di tuk ngak salah, hu pabak brei saoh dom janih jru cảm, pandik tian, dạ dày, huyết áp, talang talaih, dom jnaih jru bổ saong samlei, pandap sơ cứu vết thương tuk camereip. Tapa nan, urang jakar di Hải đội 2 Biên phòng jeng hu pathau khan brei mikva urang taong ikan thau paglaong hatai sahneng, thau cambaih dom adat dalam bruk taong cap kaya ikan. 

Nam bộ daok dalam tukvak pandiak khang abih, dui atah tal kreih bilan 4. Pandiak rahtabiak di grauk bhum Nam bộ, bhum gah Timun meda daok di tanut nhiet do 39 - 40 độ C, gah Pai 37 - 38 độ C. Pasak kuhria mboh dahlau bruk langik tasik pakat negar kakei rahra. Kayua njauk kan kandah di langik pandiak khang pambuak gam haong độ ẩm dalam langik trun bier nan ye mbuan rahtabiak bruk khuah patuh di bhum rahra daok kayua caong pandar dien tagok glaong saong mbuan ba tal khuah glai. Langiu di nan, langik pandiak daok ba tal bruk lahik ia, glaih glar, đột qụy kayua mebuk pandiak ngan haong rup pabhap tuk daok suai ngan haong nhiet do glaong.

Liên bang Nga bahrau peih ngak quốc tang hadar dom menuac metai dalam bruk khủng bố melam 22/3 meng blaoh. Dalam taneh ia Nga tual hala dok meteh gheng, yau Yuan ieu lac cờ rủ, dom bruk me-in sambai brei klaak abih. Grauk labik di ban ine Moskva hu mboh mbaik din truac hadah gam haong talei haroh lac “Kol dahlak hulin pandik harao 22/03/2024”. Meng dah mesup, di labik Crocus City, jaik labik rah tabiak bruk pandik harao nan, yaok kapul urang mai caik bingu hadar dom menuac matai. Akaok Mintri Quốc phòng Italia ndom lac, bruk cuh phao pametai menuac dreih yau bruk di Nga meda rah tabiak di rilo taneh ia karei, labik IS hu mbaok saong ngak bruk.

Bala magei baoh taneh khang 6.5 di langiu tasik Java di Indonesia ngak ka 4.300 baoh sang njauk khut, labaih 15.000 rahra lahik sang. Tâm chấn magei baoh taneh dalam 10 km mala tasik, hadei di mbang magei baoh taneh ini lac dom mbang magei baoh taneh sit saong labaih 200 dư chấn karei, dui atah tal harei 24/3. Jabat kuhria mboh dahlau bruk langik tasik brei thau lac dom mbang magei baoh taneh saong dư chấn bahrau rahtabiak lac mbang magei baoh taneh di tal kaduh lapih, kayua klaih klaoh ngak magei di kreih tasik Java ngak tabiak.

Sa kadha vak angaok tạp chí Nature Human Behavior bahrau ini brei mboh lac, dom urang ilamu mboh hu bruk kan kandah bahrau di COVID-19 ngan saong prein yava tâm thần. Bruk nan hu ba tbaiak iek tui 3 kapul urang hu mbaok tame roh duah lac: dom menuac njom SARS-CoV-2, dom menuac urak ini oh njaom ruak saong dom menuac hu pasang iek dahlau di jit praong. Tapa nan mboh lac, dom menuac njaom ruak mbuan njauk dom ruak gah srau kadau tâm thần./.