Tỉnh ủy Bình Thuận bahrau peih pakak labik inem krung Căn cứ Tỉnh ủy Bình Thuận dalam mesuh metak pacang Mỹ di glai Sa Lôn, xã Đông Giang, huyện Hàm Thuận Bắc (tỉnh Bình Thuận). Labik inem krung ini hu UBND tỉnh Bình Thuận dak angan lac inem krung pakat tỉnh thun 2019. Rah tapa labaih 10 mbang pasang iek, rilo mbang ginum biai saong labaih 2 thun peih bruk padang ngak ngan haong phun jien buh tame abih tih lac 127 tỷ đồng. danak dak hu ngak salah lac bruk thau dhar phor dom rai cách mạng nao dahlau hu rik prein, var klaak rup drei ka bruk mesuh metak peih paha palei negar, yasa taneh ia.

Di tuk pahadar 93 thun Harei padang Đảng Cộng sản Việt Nam (3/2/1930 - 3/2/2023), Ban Thường vụ Tỉnh ủy Bạc Liêu hu peih bruk pok Huy hiệu Đảng brei ka 59 urang đảng hu meng 50-65 thun umo Đảng. Tapa nan, ong Lữ Văn Hùng, UVTW Đảng, Bí thư Tỉnh ủy Bạc Liêu brei thau, ini lac bruk hadah mbaok meta di urang hu pok brei saong di tổ chức đảng, brei mboh bruk kham merat oh padeih di yaok urang kuhria meng di tuk tame Đảng. Tapa nan, kakei pahadar bruk ngak di yaok urang đảng tuk taduan hu Huy hiệu Đảng brei khik ramik saong patagok jalan diukrai siam hatung hatai di urang đảng dalam tukvak bahrau.

Ndom ka bruk caga jao lin thun 2023, tui Hội đồng Nghĩa vụ Quân sự TP.HCM, urak ini bruk jao harak ieu rahra tame nhập ngũ di dom quận, huyện saong ban Thủ Đức hu ngak salah dahlau di harei 16/1/2023. Ban meda peih bruk jao lin di harei 8/2 anak tal. jeng meng thun ini, Ban HCM meda pabak phun jien blaic raih meta oh mek jien ka urang likei tame nhập ngũ njauk tật khúc xạ. Tui kuhria yaok rahra tagok jalan nhập ngũ hu taduan jien saong pandap daong di pakat ủy, kanja puk palei ngan haong yaom labaih 6.000.000 đồng sa urang.

UBND tỉnh Đồng Nai tabiak bruk daong ka urang ngak  lahik bruk ngak, padeih ngak dalam tuk Tết. Tui nan, urang ngak daok ngak bruk di dom doanh nghiệp, HTX hu blei BHXH di BHXH Đồng Nai min brei padeih ngak meng 30 harei tagok, lac hu daong brei. Yaom daong sa mbang lac 1 triệu 500 rabau đồng sa urang, tukvak taduan mek harak likau daong tal abih harei 25/5/2023.

Di mbang họp báo Rajaei hu peih tabiak di harei 2/2, di Hà Nội, Trung tướng Tô Ân Xô, urang lambaok ka Mintri Công an brei thau lac, Công an dom labik hu pasang iek 32 pasak đăng kiểm di dalam taneh ia, khởi tố 248 urang ngan haong dom duas hối lộ, yar hối lộ, ba jalan hối lộ, ngak ja dalam ngak mbang, pablei salih, jao pandap panda, thiết bị phần mềm pandar suan adat hukum. Dom urang par akaok Cục đăng kiểm taduan jien hối lộ yaok mbang tui yaok bilan, tui quý di dom Pasak đăng kiểm piah klaak tapa dom bruk ngak suan di dalam harak likau pabak bruk ngak, klaak tapa dom bruk ngak suan dalam bruk pasang iek, taong taom yaok mbang saong pasang iek oh brei thau dahlau. 

Karja Đặc khu hành chính Hong Kong (Trung Quốc) hu tabiak bruk yaih khan praong piah dui pachreih tuai mai ravang me-in. Tui nan, đặc khu ini alin hadiah 500 rabau harak vé kapal haok ka tuai negar langiu tapa dom jalan lac: bốc thăm, kadha me-in, blei harak vé kapal haok 1 alin brei 1. Harak Vé kapal haok hu ba tabiak tui yaok tukvak. Meng harei 1/3, harak vé hu alin hadiah ka bhum Đông Nam Á, hadei di nan lac Trung Quốc Đại lục, bloh tal Đông Bắc Á saong hadei di nan tal dom labik karei karei.

Rajaei Pakistan daok caga ieu pataom sa Nyaom biai hu mbaok di taong abih dom đảng phái piah duah tabiak jalan langyah ba taneh ia yam tapa sarau kadhau chính trị, kinh tế biak trak damak di urak ini. Nyaom biai taong abih dom đảng phái ini hu peih tabiak dalam tuk taneh ia Nam Á daok gaok dom kanjak jhak biak trak damak meng dom kapul khủng bố, saong bruk kinh tế, chính trị biak kan kandah, ka oh mboh trun.

Thổ Nhĩ Kỳ hu ieu dom đại sứ saong lambaok 9 taneh ia phương Tây mai tal jabat Mintri Ngoại giao piah phản đối bruk rilo lãnh sự quán di Istanbul kreik pabah mbang kayua huac ka bruk an ninh. Dahlau di nan, Mỹ saong rilo taneh ia châu Âu hu kakei rahra di drei oh tame dom bruk pataom rilo menuac saong plaih nao tal dom labik ravang me-in di pasak ban Istanbul kayua huac bruk khủng bố dak harei dak rilo. Takik di abih lac 7 taneh ia châu Âu brei kreik pabah mbang lãnh sự quán di drei daok di Istanbul piah khik kajap salamat./.