Khik bruk đan lát di bhum glaong Sơn La

     Bruk ngak mengkan di bhapbini Thái ngak jeng dom bruk karei, dalam nan hu bruk đan lát, sa bruk hu meng livik rai saong jeng daok hu khik tal urak ini. Kadha vak di Thanh Thủy, urang vak di rayo sap ndom VN :

     Dalam baoh sang tual praong, khang kajap di ông Tòng Văn Phanh, daok di bản Thẳm, phường Chiềng Sinh, ban sit Sơn La, hu biak rilo pandap hu pak thủ công. Dom pandap ye baoh ép khẩu, giọ, lếp, kik  havei ia jeng hu ông Phanh ngak eng. Ông Phanh lac : dom pandap ini sang ngak livik paje, lac bruk ngak mengkan di ông amuk caik veik, ame drei caik veik ka drei, drei njauk bac. Tuk camreip pak jeng biak kan, hadei ini drei randap blaoh mboh pak jeng mbuan min”

     Dalam sang di urang Thái, pak lac bruk di urang likei. Meng sit, ông Phanh hu ông nội saong ame pato pak. Meng dom pandap mbuan tal pandap kan ngak, ông jeng thau pak saong pak biak gheih. Yaom lac pandap piah pak jeng hu dalam tự nhiên, min ruah yau habal piah ngak tabiak sa pandap pak gheih, khang kajap oh njauk lac bruk mbuan, njauk thau mek dom phun krem, nứa, giang oh taha lô, oh meda rilo, oh katut jhung. Tuk ba mai sang jeng oh caik suai kayua phun thu, maok, kan si neh nan saong jeng oh khik hu độ dẻo siam.

     Ky thuat pak di urang Thái biak đa dạng. Bhapbini bhian ruah kiểu pak tui pandap kuhria pak, pagap ye pak rổ, rá lac pak nóng mốt, nóng đôi atau pak ô vuông. Daok pak salao lisei, ép khảu, giỏ caik girum, mrai ye pak chéo atau pak hình quả trám piah ngak mekre ka pandap. Min, meng bruk pablak tame di dom pandap nhựa ye bruk pak piah pandar oh daok hu rilo urang pilih ruah yau dahlau thiah./.

Thúy Linh