Khan ao meng kan urang kamei Mường 

Dut haong dom bangsa karei, bhap bani Mường mai tal Tây Nguyên avar di abih, meng dom thun 50 di abap dahlau. Urak ini hu labaih 1.000 baoh sang urang Mường daok di dom puk palei dalam xã Hòa Thắng, ban sit Buôn Ma Thuột (t.Đăk Lăk).

Yau dom bangsa daok di Tây Nguyên, cồng chiêng lac suan yava di urang Mường. Urang kamei bangsa Mường bhian hu mbaok ma-in cồng chiêng dalam dom rija, roya bhap bhap bani. Tuk hu rija, roya, ye adei sa-ai kumei pataom veik bac taong chieng saong pato ka gauk dom kadha chieng yao klak di bangsa. Kapul chieng kamei bangsa Mường di xã Hòa Thắng urak ini hu labaih 30 urang, rilo umo thun karei gauk. Dom urang kamei ranaih umo ma-in cồng chiêng haong amaik, haong sa-ai saong dom urang taha prong thun dalam palei. Oh lac tok hu mbaok tame ma-in dalam dom rija, roya di puk palei, kapul chieng urang kamei xã Hòa Thắng daok hu mbaok ma-in cồng chiêng dalam dom mbang pataom ialmo adaoh tamia bhap bani, harei pataom cồng chiêng pakat tỉnh saong pakat negar.

Dalam tỉnh Đăk Lăk, urang Tày, urang Nùng daok pataom gauk di dom huyện yau Ea H’leo, Cư M’gar, Krông Bông, bal sit Buôn Hồ. Panduan mai daok di bhum taneh bahrau, urang Nùng jeng daok khik hu sang tol meng kan di bangsa drei. Di palei Quảng Hòa, palei Tam Điền, xã Ea Tam (huyện Krông Năng), bhap bani jeng daok khik hu dom sang meng kan, hu padang ngak biak gheih mekre, khang kajap, hu maong yau drap ar hu yaom glaong di bhap bani angaok bhum palei bahrau. Palei hu labaih 50 baoh sang hu padang ngak yau meng kan, hu 5 duk, 56 mbaik gheng, gai kanjal nao tagok, ghing apui hu caik dalam sang. Bhap bani urang Thái di xã Hòa Phú, ban sit Buôn Ma Thuột mai rilo meng dom tỉnh Lai Châu, Sơn La, Thanh Hóa. Bhap bani oh lac khik ramik ilamo bangsa bo daok pasiam veik hu dom ilamo yao klak yau, hạn khuống, capi tính tẩu.

Dom rija, roya meng kan biak gheih di dom bangsa daok di bhum palei bahrau Tây Nguyên jeng hu khik ramik, yau: Lễ hội Lồng tồng (adat trun hamu) di xã Cư M’gar, (huyện Cư M’gar), Lễ hội Thanh minh (adat Sinh mình) di xã Cư A Mung (huyện EA H’leo), Lễ hội Hảng Pồ di xã Ea Siên (ban sit Buôn Hồ)... . Dom  nghệ nhân ma-in saong pato veik ka dom dam dara dom kadha daoh then, capi tính, khik ramik khan ao meng kan… brei mboh cambaih asal ilamo dom bangsa takik. Rija, roya nan lac tukvak piah taom gaok dom urang atah palei, daong kak kajap jang talei jum pataom bol bhap rah ra, ba gauk khik ramik dom siam gheih dalam ilamo meng kan. Meng hu yau nan bo ilamo bhap bani dom bangsa hu khik ramik saong patagok./.

Urang lang: Jasi-18/4