Pathau mikva saong taong abih gauk! Ngan saong bangsa M’nông daok di Tây Nguyên ye kabau lac athur raong biak đặc biệt. kabau oh lac daong pren dalam pala drak, pajeng ba,patagok kinh tế baoh sang, bo daok lac athur piah paling yang dalam dom adat praong di baoh sang, di bhap bini urang M’Nông. Jeng kayua yau nan, urang M’Nông hu adat cúng kabau. Hadei ini, kol drei duah thau adat cúng ini tapa kadha vak di H’Thi, urang vak di rayo sap ndom VN daok di Tây Nguyên.

Tui hatai sahneng di urang M’nông ye adat cúng kabau lac adat biak praong saong oh kurang hu dalam dom baoh sang tuk raong kabau. Kayua kabau oh lac daong pren dalam lao động sản xuất, lac athur piah paling yang mebang, bo raong hu ralo kabau daok brei mboh bruk kaya meda di baoh sang. Adat cúng kabau brei ngak di biar harei sup, hadei di tuk tapol kabau hu teok mai sang. Ong Ama Nchrim, daok di xã Ea Huar, huyện Buôn Đôn, tỉnh Dak Lak, brei thau:

 “Adat cúng kabau ye meng kan mai adat ini hu panuac lac “mesup cúng padai, biar harei cúng kabau”. Meyah baoh sang oh hu jien ye cúng hong ché alak saong drei menuk. Meyah drei oh cúng kabau ye oh jeng, nyu ruak kik, oh patagok tapol hu. Bruk cúng kabau nan  piah klah hu jit ruak, klah bala, tapol kabau dak harei dak patagok”.

Dahlau tuk ngak adat cúng kabau, po sang caga dom pandap yau bầu ia, lisei (lac lisei barau tanek), menuk atau pabui (iek tui hadom kabau di sang bo palih ruah pandap ngak adat ka nyu tương xứng), sa ché alak cần, sa panjil brah, dil. Di tuk biar harei sup, tuk tapol kabau hu teok tame var, kak tame dom geng, po sang meng ngak ngak adat cúng. Sang halei hu kabau, ralo atau takik, jeng njauk ngak adat cúng kabau, saong po sang lac urang dang tabiak ngak adat. Amuk Me Njran, daok di xã Ea Huar, huyện Buôn Đôn, khan lac:

“Di sang dahlak ye dahlak lac urang dang tabiak ngak adat cúng. Adat ini nyu hu meng kan mai, samar ong muk ye. Ngak adat piah likau ka tapol kabau sang drei klah jit ruak, dak harei dak patagok ralo jang gac”.

Adat cúng kabau hu dua phần. Camereip mikva cúng dalam sang. Tuk ché alak hu tuh bak ia, po sang ( likei atau kamei jeng hu) tuh alak bak bầu thu, hadei di nan tuh tame panjil ban sit. Urang dang tabiak ngak adat mek drah athur paling yang (Menuk atau pabui) lai tame panjil alak, bloh meroi. Adat cúng dalam sang piah khan ka dom yang mebang thau lac sang ngak adat cúng kabau, caong dom yang mebang sraong daong.

Cúng dalam sang bloh, po sang hu tabiak langiu var kabau ngak adat. Dom pandap cúng hu caik  anak pabah mbang var kabau. Urang mek hasit lisei song hasit ralo caik tagok raong dom drei kabau. Patui di nan tuh ia dalam baoh bầu tagok taong abih drei kabau. Bloh po sang dang tapen drei kabau praong abih saong meroi likau.  

Panuac meroi likau yang mebang daong pacang ka tapol kabau di baoh sang drei klah jit ruak, kabau nao mbang tah oh njauk u-la kaik, oh juak njauk dagui, pasei, oh juak njauk gha kayau, oh laik tame bẫy tame chông, jit ruak nyaik atah, menek dak harei dak ralo. Ini lac panuac meroi likau ka kabau di ong Ma Chrim:

 “Likau yang mebang daong ka sang kol dahlak. Kol dahlak tok hu drei kabau ini nan ye lac biak hu yaom glaong ngan saong sang kol dahlak. Caong yang mebang daong kabau di kol dahlak nyaik hu dom jit ruak, klah juak njauk bẫy, klah nduac paoh phun kayau, klah laik trun ia, pacang nyu mbang padai mbang tangei urang ..”.

Tuk meroi likau bloh, po sang mek bầu alak yar ka urang khik tapol kabau yaok harei, daa urang ini menyum dahlau. Urang khik kabau mbang trei, menyum abih alak ye tapol kabau di baoh sang jeng hu trei, hu khang kadang. Patui nan po sang tame ging, tuh panjil alak hu meluk drah athur paling yang gam saong hasit lisei tapen ging pui piah cúng. Mikva saneng lac, ging lac labik khik pui ka baoh sang, ngak hagait jeng brei khan saong thau dhar phon ging pui.  

Tuk ngak salah bloh dom adat  cambat, yaok urang jeng hu mbang menyum. Camereip lac gru cúng (po sang) menyum alak dahlau, patui nan lac urang khik kabau, urang kamei praong thun abih dalam baoh sang, tuai daa saong taong abih urang hu mbaok. Urang ba gauk mbang menyum ndom meyai bui sambai mbiah tal kreh melam./.