Lễ hội Bilan bingu ban Sơn La yaok thun pachreih hu ralo tuai damuai mai hu mbaok. Ngan saong 11 kadha pakacah chreih chrai yau: glum còn, tó má lẹ, dui brak, cà kheo… Dalam bruk pakacah glum còn, urang me-in brei glum dom baoh còn hu ngak mekre meta tame vòng tròn hu caik angaok phun krem atau geng pasei glaong. Vòng tròn ini tượng trưng ka bruk giao thoa langik tasik, baoh còn hu glum tame ini ngan saong hatai caong khin hu sa bilan pala drak njauk. Yaok urang jeng biak bui sambai saong kadha me-in brei gheih tangin saong chreih chrai ini.   

Patui nan lac pakacah Tó Má Lẹ. Má Lẹ hu mek meng phun sro dalam glai, hu dauk jeng talei, tuk me-in mek asar ini cuh tame asar daih. Hu ralo jalan me-in yau cuh daok dang, cuh daok la atau dit meng takai, pachreih hu biak ralo menuac tame me-in. Bloh hội pakacah tram menuk, pakacah họa mi chiến, pakacah menuk siam Tân Châu… Dom drei menuk, drei cim di lễ hội jeng hu caga biak siam.  Kadha gheih di abih dalam lễ hội njauk ndom tal bruk pakcah pet khan Piêu saong pandap mbang bangsa. Hội pakacah pet khan Piêu hu 10 kapul, rup binguk urang kamei Thái pet khan Piêu giản dị, ba mai bruk sron mbon. Piah pet hu sa blah khan Piêu abih ralo tukvak, pren yava, tari taring kayua ngak meng tangin. Patui di nan lac hội pakacah pandap mbang bangsa, 12 kapul pakacah hu ba mai dom gia vị đặc trưng yau Mắc khén, hạt dổi. Dom janih ini jeng lac nguyên liệu hacih kayua dom urang dalam kapul raong, pala hu.

Pa Pỉnh Tộp, lac ikan am saong dom gia vị đặc trưng yau Mắc khén, asal amriah kalu, sara patih am angaok ging njuh lac janih oh kurang hu dalam chế biến pandap mbang di urang bangsa Thái. Langiu di nan daok hu “Tôm bay” lac pandap mbang hu ralo dinh dưỡng jeng hu ngak biak mekre meta.  

 Tamat lễ hội lac bruk pakacah cap ikan di craoh Nậm La. Yaom lac cap ikan di craoh biak kan kandah min thei jeng bui sambai, chreih chrai. Ini jeng lac kadha pakacah hu ralo kapul hu mbaok tame di abih, ralo urang mai maong iek di abih, bui sambai, chreih chrai di abih./.