Óc Om Bóc (sap Yuan lac đút cốm dẹp) nyu kak kajap haong bruk pakacah ghe Ngo, kakuh ia bulan di bhap bini Khmer. Tui adat yaok thun, di harei ia bulan bak baoh bilan 10 saka ia bulan, mikva Khmer ba gauk ngak adat kakuh ia bulan, dalam nan cốm dẹp lac janih pandap oh kurang hu piah ngak adat ini.

 Dalam dom harei ini, di dom labik hu rilo bhap bini urang Khmer, yava tagok sap chreih chrai ngak cốm dẹp piah duh ka harei ngak adat praong, harei Óc Om Bóc – Pakacah ghe Ngo 2017.

Piah ngak hu cốm dẹp pahe,. bingi, mikva Khmer njauk ruah janih ndiuk bahrau tasak, asar ndiuk daok limin, ba mai pambu pandiak hasit bloh buh tame gaok haluk hana nyu…mbiah tal tuk mboh mbau pahe meng ba nao  saok…

Bruk saok cốm jeng lac kadha praong saong brei ngak njauk meng hu cốm dẹp tasak, pahe, bingi. Bhian di nyu brei hu 2 urang saok haong gauk.

Tui mikva hu rilo thun saok cốm dẹp,  “camereip di abih brei saok ka nyu hanjul tangin, bloh hadei di nan meng saok khang tangin tagok……Tuk mboh cốm jaik mbong patih ye saok khang tangin jaik 10 mbang halau ye  cốm nyu mbong patih samu gauk…

Bloh hadei di nan ba nao tapei ka nyu hacih haleik, tok khik veik dom asar cốm pahe, patih mbong…

Urang bhian srau cốm haong la-u kuah, haong saradang, hasit ia la-u ka cốm nyu limin, xốp saong dẻo, pahe, bingi. Ngak cốm dẹp lac bruk ngak meng livik saman di bhap bini Khmer, oh thei thau cambaih bruk ini hu ngak meng thun halei mai. Tui dom ong amuk taha, tuk daok sit, urang jeng hu mboh bruk ngak ini./.