Ndem ka adei Danh Sà Rưm, anai Danh Thị Huyền Trang, Phó Akaok Sang bac Bangsa gam bac gam daok Trung học Phổ thông tỉnh Kiên Giang brei thau, adei lac anek saih angan je ka bruk bac ta-a, pasram megru. Dalam thun bac tal 10, 11 saong tukvak bac ka 1 di thun bac tal 12, Sà Rưm dang akaok di yaok khối bac. Thun bac tal 11, adei mek hu jai Nhì dalam Mbang pakacah anek saih naih joi pakat tỉnh môn Hóa học saong hu Thành Đoàn Rạch Giá pok manyaom kayua mek hu angan "Anek saih 3 siam".

Anai gru Trang jeng brei thau, tuk daok lac anek saih di Sang bac Phổ thông Bangsa gam bac gam daok Trung học Cơ sở huyện Gò Quao, Sà Rưm mek hu rilo bruk naih, yau ye mek hu jai klau dalam Mbang pakacah anek saih naih joi pakat huyện môn sap Anh, jai Nhất mbang pakacah pilih ruah anek saih naih joi pakat huyện môn Hóa học, jai klau mbang pakacah pilih ruah anek saih naih joi pakat tỉnh môn Hóa học. Anai gru Danh Thị Huyền Trang brei thau: Sang adei Danh Sà Rưm lac sang kan kandah. Ame di adei lac gru pato di Sang bac Phổ thông Bangsa gam bac gam daok Trung học Cơ sở huyện Gò Quao, amaik di adei ngak gah y te dalam sang bac ini. Bruk njauk pok manyaom di sang adei Sà Rưm nan lac hatai pachreih bac. Amaik ame adei patak pataom jien bilan piah ka adei blei komputer, tapuk siphau piah bac saong tuk halei jeng daong prein pachreih hatai ka Sà Rưm dalam bruk bac taa, pasram megru. Dom jak jeng di Danh Sà Rưm ngak brei hadah mbaok mata ka sang bac saong pachreih dom anek saih karei dalam sang bac.

Lac sa anek saih naih joi mek hu rilo jak jeng, adei Danh Sà Rưm daok hu rilo gru pato, ayut saabat anit ranam kayua hatai tuk halei jeng klah rabha, daong ka dom anek saih karei piah ba gauk siam tagok. Sà Rưm tuk halei jeng ba drei tame saong halain hatain daong ka dom ayut saabat karei dalam tal bac jang yau dom ayut saabat di tal bac karei dalam sang bac, abih di nyu nan lac bruk tacei veik ilamo ngak dom bài tập…

Saai Danh Đồng, Bí thư Đoàn Sang bac brei thau, Danh Sà Rưm lac Bí thư Chi đoàn tal 12A, Ủy viên Mban Thường vụ Đoàn sang bac. Sà Rưm tuk halei jeng brei mboh bruk ba akaok nao dahlau, hadah krah, duah jalan ngak bahrau, abih drei haong abih dom bruk ngak di sang bac, tal bac saong Đoàn pakat glaong ba tabiak, peih ngak. Danh Sà Rưm hu rilo bruk ngak naih yau ye ma-in phlieng ngũ âm, daoh, tamia Khmer, cih tabiak saong ba danak dak di sang bac, tal bac. Klau thun bac tapa, adei daok dalam kapul anek saiih naih joi, jar var haong bruk bac min Sà Rưm jeng rami ramik tukvak saong kham marat hu mbaok tame dom bruk ngak di Chi Đoàn tal bac, adei brei mboh bruk pan akaok saong pachreih ba dom urang đoàn, anek saih di sang bac dalam bruk bac taa, pasram megru. Chi đoàn tal bac 12A kayua Sà Rưm ngak Bí thư tuk halei jeng ba akaok nao dahlau dalam dom bruk ngak, danak dak pakacah gauk luac dua thun tapa.

Khan ka dom kham marat di drei, Danh Sà Rưm brei thau, langiu di maong bac pak sang bac, adei bhian puac tapuk, duah thau ilamo di mangaok internet, ngak pasiam rilo kadha bac saong bhian langyah dom kadha pakacah piah pabak ilamo gam ngak randap haong dom janih bài tập. Gam haong nan, Sà Rưm daok ramik tukvak piah nao tal sang dom gru pato randap pasram veik ilamo piah paglaong ilamo ngak bài.

Danh Sà Rưm khan lac: “mek hu dom jak jeng siam dalam bruk bac taa, adei biak uan tabuan, min bruk bo adei mboh bui jang veik nan lac hu rilo ayut saabat, gru pato anit ranam. Taphia di bruk sangka bac taa paglaong ilamo piah ngak bài, langyah kadha pakacah, adei tuk halei jeng iek glaong bruk pabak ka drei ilamo, dom jalan diukrai siam makre, hu trách nhiệm haong rup drei, haong gauk gar saong xã hội. Anak tal, adei pilih ruah pakacah tame gah Y yau hatai caong di ame adei, piah rik hasit prein di drei tame bruk sangka iek glang prein yava ka rahra”./.