Umo dak 60 thun blaoh, min ong Sơn Khiển biak dhan ba abih prein yawa hatai jai di drei hu mbaok tame dom tal pasiam ka ilamo pala padai saong raong glang. Ngan haong hatai lac sa urang ba akaok nao dahlau dalam bruk pandar jalan ngak bahrau, pandar jammaraik kong nghe bahrau pabak ka bruk ngak mbang, pala drak, tuk mboh hu kein lagaih, ong samar drah khan brei thau, jak ba mikwa rahra ngak tui.

Urak ini, ong Son Khiển ngak 3ha padai, ngak 3 mbang vụ dalam sa thun. Dalam bilan ngak bahrau blaoh, ong pala drak padai pajaih siam glaong, brei padai mek hu labaih 7 tấn/ha. Ong pablei yaom 8.000 đồng/kg padai that, kaoh abih phun jien buh tame blaoh, laba mek tame sang jaik 25 triệu đồng/ha.

Ieu lac sa urang banliua ngak nong tari tareng, oh huac glaih glar, langiu di ngak hamu ngak padai, ong daok raong limo saong raong pabui pablei ralaow. Dalam dua janih athur raong ini, raong pabui meng halei mai di dalam sang, lac yaok thun sang ong raong hu 3 mbang, pablei laba labaih 40 triệu đồng.

Ông Sơn Khiển daok paraong rup paglaong angan di drei di palei, tuk halei jeng nao dalau di dalam bruk ngak di palei pala puk paga gam dalam jamaah ngak siam bruk jak ba patagok kinh tế - xã hội, patruh eik patrun kathaot; rami ramik khik siam khik karo khik kajap ilamu bangsa; padang khang politik haong yak yum jum pataom jalan kak karo talei rohim adei saai taong abih bangsa.

Dom thun tapa, ong Khiển hu gam haong kanja di palei hu mbaok tame peih bruk langyah jak jeng dom bruk tavak tavaiy, kamlah gauk dalam mikva rahra, rik tame daong brei ka puk palei di Trà Do tuk halei jeng karo tani tanat siam makre, salamat dalam rahra, sa tangin haong gauk padang ngak bruk diukrai siam makre, ilamo di puk palei, jumpataom gauk, anit ranam gauk, daong ba dom baoh sang sarak kanja, jak ba mikva pala bingu, phun hijau di dua gah jalan, rik tame saong jak ba phun jien rami ramik ngak jalan truac gom hadah hadai jang mbaok mata jalan puk palei hadah, hijau, siam gheih. Ong Sơn Khiển brei thau lac: “Saneng lac drei lac urang hu angan je di bhum palei, kayua yau nan ye dahlak tuk halei jeng paglaong bruk ngak nan, dahlau di abih lac jak ba dalam sang drei dahlau, ngak siam dom jalan ngak, sarak di Ndang, hukum di kanja, blaoh khik ramik alam labik daok haci hacih, siam gheih. Jak ba mikva jeng hu mbaok tame khik caga alam labik drei daok ngak habar piah ka puk palei tuk halei jeng hijao – haci hacih – siam ghieh, meng nan, plaih njaih hu dom janih ruak tamuh tabiak.”

Ong Sơn Khiển ieu lac urang hu angan asal di dalam bhum palei mikva urang bangsa takik di tỉnh Sóc Trăng hu ba rup dahan ngak ralo bruk kadha siam makrei, ieu lac sa urang yau talei pambuak bhap bini haong di urang dalam pakat Ndang ủy, kanja saong bhap bini, sa urang dhan ba abih hatain hatai padang ngak talei jumpataom gauk, ieu lac yau asal  pajaih kham marat khang kajap piah mikva pandie paeit pambak tame di dalam bhum palei urang bangsa takik./.