![Urang lang: M.Phuong](/themes/custom/vov_4/images/avatar.png)
Labaih 10 thun ngak bruk di xã haong bruk lac Akaok UBMT negar, Chủ tịch Hội Chữ thập đỏ xã; thun 2017, amuk Lê Ngọc Điệp mai sinh hoạt di palei saong ngak Bí thư Chi bộ, Trưởng ấp So Đũa Lớn. Menuac sia pak ini bhian ieu amuk lac cô Ba.
Thun ini umo jaik 70 thun, angaok sruh radaih juak, harei harei amuk Điệp nao tal sang mikva, meda lac sang halei amuk Điệp jeng thau cambaih. Hu rilo thun hu ilamu, tuk halei jeng ba akaok nao dahlau dalam yaok bruk ngak, nan ye amuk jak ba hu rilo menuac hu mbaok tame dom bruk pakacah gauk anit ranam taneh ia di palei.
Dahlau daih, jalan palei So Đũa Lớn khut, mbaih, bruk nao mai di mikva gaok rilo kan kandah. Meng “cambuai menyai tangin ngak” bo amuk Điệp hu ngak ka rahra pachreih tame bruk daong ngak pasiam jalan. Tui nan, mikva brei taneh, rik prein haong karja palei ngak bahrau jalan praong 3,5m, atah 1.000m, labaih 100 harei ngak. Meng angan je saong gheih jak ba, cô Ba haong rahra palei langyah ba brei siam rilo bruk meriak gauk taneh riya, kandah gauk dalam puk palei, mesao gauk di diuk pasang…
Ấp So Đũa Lớn hu 312 sang, jeng meng bruk gheih jak ba di amuk Điệp, padang ngak hu bruk “2 mekre, 4 hu, 4 oh” (lac mekre jalan, mekre pabah mbang palei, hu điện truac hadah, hu camera an ninh, hu rup thaot Wa, hu pano pathau khan, oh hu hareik katak, oh hu labik kanjah jhak, oh hu menuac ndih tapui anek ka 3, oh taong paoh gauk dalam sang), urak ini 68 sang tut angan ngak tui bruk ini saong saong daok pambak tabiak.
Piah ngak hu bruk ini, amuk Điệp haong karja, kapul nyaom jak ba hu labaih 2.000 phein bingu dom janih, 1 cổng chào palei, padang hu 30 gheng điện saong dui gom truac hadah, caik 1 camera, 30 pano pathau khan haong yaom jien ngak abih labaih 800 triệu đồng (Karja daong 450 triệu đồng, daok veik bhap bini rik tame saong xã hội hóa).
Ong Hồ Thanh Ơn, đảng viên Chi bộ ấp So Đũa Lớn, brei thau: “amuk Lê Ngọc Điệp lac menuac abih drei ka bruk ngak, ka rahra. Amuk Điệp tuk halei jeng “takai nao, cambuai menyai, tangin ngak”, tapa nan dui pachreih hu rahra dalam palei abih drei ngak tui. Nan ye, tuk amuk ba tabiak bruk ngak hagait, mikva dalam palei jeng pachreih tui, siam lagaih mboh cambaih di mata”.
Ong Đặng Ngọc Tân, Phó Bí thư Thường trực Đảng ủy xã Thạnh Xuân, brei thau: “Dahlak jia lac, dom kham merat haong dom ilamu patak pataom hu, cô Ba meda hu jalan ngak gheih jang, ba sarak di Đảng, hukum di Karja nao tal rahra, piah ka rahra abih hatai jia tame Đảng, jia tame karja, dom pakat ủy, karja palei”….
Amuk Điệp oh lac “gah tangin pambuak atah” di pakat ủy, karja palei, bo daok lac labik pambak tame di rahra, njauk lac kreih camin jak ba gheih, lac urang jakar “jaik rahra, thau ka rahra, iek praong rahra saong ngak bruk ka rahra”.
Viết bình luận