Sarak 16 hu batabiak bhap bini paglong hatai sahneng takik tabiak gah langui 

Tui nan, UB bhap bini ban raya HCM ieu dom urang jakar, urang ngak bruk di jabat karja brei tual thẻ ngak bruk, thẻ ngành atau cuk khan ao đồng phục ngành. Dom urang ni daok brei ba tui harak xác nhận atau harak nao ngak bruk di jabat di drei dalam tuk nao meng sang tal labik ngak bruk song meng labik ngak bruk mai sang veik.

Gah ngak bruk chuyên môn nao ngak meng radaih ô tô di drei njauk ba tui harak xác nhận ngak bruk sambo hijao. Gah dong bruk pacang caga jit hu harak  xác nhận sambo meriah bhong, vak cambaih angan kayua jabat, đơn vị pabak brei, tauk angaok mbaok camin gah anak di radaih.

Dom gah ngak bruk pacang caga jit, dom gah hu ieu nao daong bruk tui panuac caong di gah chức năng, di karja meda pandar thẻ ngak bruk atau harak  xác nhận ngak bruk pacang caga jit sambo meriah bhong.

Ngan song dom menuac nao klauk vaccine, langiu di harak da-a klauk atau tin nhắn angaok phone tangin, UBND ban Thủ Đức song dom quận, huyện pabak brei thẻ nhận diện hu sambo màu salih karei yaok harei piah urang nao klauk vaccine tual angaok cada.

Ngan song dom shipper, tuk nao mai angaok jalan, langiu di cuk đồng phục, hu thung pandap, logo doanh nghiệp, harak nao jalan di doanh nghiệp song ứng dụng brei thau ka đơn hàng, daok brei hu thẻ khang brei thau ka angan je, băng tual tangin sambo hajao hu in haroh shipper sambo patih.

Daok shipper pajeng pandap mbang huak yaok harei ka menuac daok  dalam labik pacang veik, labik brei dok karei, labik iek ruak urang ruak Covid-19 hu nao tapa rilo quận, huyện, ban Thủ Đức.

UB bhap bini ban raya HCM jeng hu brei bruk ka karja phường peih bruk brei phiếu nao pasar, siêu thị ka bhap bini dok dalam phường, dalam phiếu vak cambaih tukvak song labik drak pasa, siêu thị jiak di abih.

UBND ban Thủ Đức song dom quận, huyện njauk tacei pato gah chức năng puk palei jak ba bol bhap rahra takik tabiak truh di sang, langyah catang menuac ngak suan bruk pacang caga jit./.

Urang lang: Hanipha- 10/8