Harei 12/2, lac harei inegirai akaok meti di thun bahrau thun sak pabui 2019, bhap bini Giáy daok di xã Quang Kim, huyện Bát Xát, tỉnh Lào Cai chreih chrai peih harei pataom trun hamu, likau ka hajan siam, ngin lagaih, pala hagait hu nan.

       Harei pataom hu peih tabiak di angaok mblang taneh tapak samu daok di kreh pasak xã ngan saong rilo kadha daoh tamia ndung bak ilamu di bhap bini Giáy Quang Kim saong dom kadha me-in meng kan di bhap bini yau ye tram menuk, pakacah nao thăng bằng angaok phun kreim, pacang meta jan glah…, pachreih hu rilo bhap bini saong tuai damuai pataom mbaok tame.

Kadha praong di harei pataom lac adat pok pandap paling yang di dom puk, palei dalam xã. Urang dang tabiak ngak adat lac 1 gru ieu yang hu angan je di bhap bini. 18 palei di xã pok salao paling po lingik po tasik, ong muk, ong kei, likau ka sa thun pala drak hu rilo siam mekre.

Hadei di adat paling yang, tal bruk “cúng nêu” ala takai phun nêu di kreh mblang, vil val hu parang tabiak rilo baoh còn. “Cúng nêu” boh, dom baoh còn hu parabha ka taong abih menuac piah glum, mbiah tal tuk vòng tròn angaok phun nêu hu glum haluh, nan lac panuac likau hu payua tal pok yang saong hu pasang iek, tuk nan abih menuac meng ba gauk  “trun hamu”.

Adat “trun hamu” hu brei mboh tapa bruk pakacah li-ua, pakacah drak di mikva urang nong dom palei dalam xã pak di mblang hamu Ná Chao haluk mekre piah mek patuah akaok thun. Hadei di tuk “Trun hamu”, Tết di bhap bini Giáy daok di Quang Kim jeng lac abih piah ba gauk tame bruk hit jar var dalam thun bahrau./.