Dahlau di tuk lakhah, gru ieu yang lambaok ka pô sang pathau brei muk kei thau lac anek taco sang drei harei ini hu ngak lakhah

Hadei di nan, anek taco pok paling muk kei dom janih pandap yau: lisei, alak, ralo. Dom likei dam dalam palei caga pandap piah payak tuai. Urang taha caga talei nhuộm sambo hồng piah kak xôi, kak ralo tual ...dalam ndam lakhah. Ndam lakhah di urang Dao bhong, gah kumei eng drei ba dâu nao sang gah likei...

 Tuk kapul gah kumei daok atah sang gah likei jaik 100m ye padeih takai piah rami ramik veik khan ao ngui cuk brei cô dâu saong dom urang dalam kapul.  Hadei di tuk rami ramik khan ao ngui cuk bloh,...kapul gah likei yuk pi, taong hagar, paoh chiêng saong chũm chọe tabiak raok kapul gah kumei.  Ba akaok kapul gah likei lac Phàn Tị Ông (urang hu brei bruk yuk pi) tambak khan meriah. Patui di nan lac amaik ame, dom mik wa di chú rể.  Ba kapul gah kumei lac amaik ame, ong maha, muk maha saong gauk gar di sang gah kumei . Hadei di tuk 2 gah taom gauk, kapul yuk pi taong gar ba kapul  nao tal sa mblang taneh praong piah ngak dom adat likhah....Bhian di nyu labik padeih takai ini di gah kumei atah di sang gah likei meng 30 tal 40 mét.... Kapul gah kumei quàng khăn meriah saong klauk bingu pariak tagok muột cô dâu.  Patui di nan, ong yuk pi ba akaok kapul yuk pi nao taong ginang nao vòng tròn, bloh nao hình số 8 vil val kapul gah kumei. Bruk nan hu makna lac ngak dua diuk pasang bahrau miat miat hu haniem phul, kak kajap talei rohim di dua gah sang likei saong kumei.

    Tui adat meng kan di urang Dao bhong, dalam tuk lambaok 2 gah ngak dom adat, ye gah likei njauk da-a gah kumei ia tea, pakao njuk, alak menyum piah brei mboh hatai iek praong. Cô dâu nao sang gah pasang tuk halei jeng hu bruk pacang khik di rilo adei sa-ai kumei. Tok hu dom urang likei hu brei bruk meng hu adat mai jaik cô dâu. Dahlau di tuk tame sang ngak metau, cô dâu njauk daok la anak pabah mbang sang meng 10 tal 15 minit piah ngak adat.

 Baoh sang meng kan di urang Dao bhong bhian hu 3 atau 5 gian, cô dâu daok la di gian kreh, ka-ing maiy tame sang.

Dalam tuk ngak adat, kapul gah likei parabha jeng dua labikdaok la anak pabah mbang sang, kumei daok gah hanuak, likei daok gah iu piah maong iek...daok phù dâu daok la anak mbaok cô dâu.   Dalam tuk cang cô dâu ngak adat tame sang gah likei, kapul gah kumei hu gah likei caga labaih 10 chậu ia pandao saong khan uak mbaok pok mai tal labik daok la da-a gah kumei uak mbaok, rao tangin takai..Bhian di nyu bruk ngak adat dahlau di tuk cô dâu tame sang abih meng 10 tal 15 minit. Hadei di nan, cô dâu tame sang kakuh muk kei lac bruk praong abih dalam harei lakhah.

 Tui adat meng kan mai, likei dang gah iu, kumei dang gah hanuak, mbaok iek tagok bàn thờ piah kakuh muk kei... Chú rể pan alak, khan, ia...jien ndo, dang tagok kakuh .Daok la gah angaok, tapen bàn thờ, lac dom ong muk taha di gah cô dâu, chú rể tui iek. Adat ini hu makna lac ndua dhar phor ong muk, amaik ame hu raong, pato, dhar phor muk kei hu pacang khik ka anek tacopraong jeng menuac, jeng urang, hu tok diuk, tok pasang. Bruk kakuh muk kei di urang Dao tuk halei jeng pachreih hu rilo mikva dalam palei saong gauk gar dua gah.

   Hadei di tuk kakuh muk kei bloh, cô dâu, chú rể meng hu tabiak mbaok gaukgar dua gah  saong tuai damuai.Dalam ndam lakhah meng kan di urang Dao bhong, câu đối chúc phúc lac bruk oh kurang hu. Dom cấu đối ini hu dom baoh sang gauk gar di chú rể alin hadiah, hu rilo asal kadha saong makna biak dalam.

   Salah dom adat cambat bloh, tal bruk daoh tamia saong mbang menyum. Dalam mbang menyum, yaok talam gah kumei, ye gah likei brei sa urang daok gam piah uak panyin jam, rami ramik pandap mbang, tuh alak saong mek pandap mbang ka tuai

       Dahlau daih, urang Dao bhong bhian ngak lakhah dalam 2, 3 harei. Urak ini, piah lagaih haong saman bahrau, tukvak mbang menyum dalam ndam lakhah  di urang Dao bhong daok 1 harei, min dom adat cambat dalam ndam lakhah jeng daok hu khik tamo saong hu ngak ginup./.