Hu jaik 48.000 sang pabei salih dalam bal ine ginup harak gar hu daong meng pok jien 26.000 tỷ đồng tui Sarak 68 di Raja-ei

Tui yaok pataom di Cục Thuế bal ine Hà Nội, hu jaik 48.000 sang pabei salih dalam bal ine ginup harak gar hu daong meng pok jien 26.000 tỷ đồng tui Sarak 68 di Raja-ei daong ka doanh nghiệp, manuac urang gaok kan kandah kayua jit Covid-19. Abih tih yaom jien daong tui kuhria jaik 14,319 tỷ đồng. Dom sang pablei salih brei thau, jit nyu ngak ka dom bruk ngak njauk padeih abih, bruk ngak mbang pablei salih jeng gaok rilo kan kandah: “Jit Covid-19 mbang ka 4 ini biak trak, khaol dahlak pablei salih sit sot ye biak kan kandah, bruk takik, pablei salih oh hu jien mek tame, nan ye biak caong hu Karja daong piah ka khaol dahlak tabiak truh kan kandah ini.”, “Dahlak pablei pandap panda kaya mbang menyum, jeng gaok kan kandah rilo meng jit ruak, urang takik mai blei. Dahlau diah pablei hu 8,urak ini  pablei hu 4 min, trun biak rilo”

Yau nan, halei lac bruk  piah ka dom sang pablei salih taduan hu jien daong meng pok jien daong? Tui gah kak je, piah taduan hu jien daong, sang pablei salih njauk hu tut angan kak je, hu gah kak je brei mã số je. Tui adat, sang pablei salih njauk padeih meng 15 harei tagok dalam tukvak meng harei 1/5/2021 tal harei 31/12/2021 tui panuac ieu di jabat Karja piah pacang caga jit Covid-19. Yaom jien daong lac 3 triệu đồng sa sang pablei salih, hu daong brei sa mbang blaoh.

Piah mbuan lagaih ka bruk daong ini, dom  UB bhap bani phường (xã) meda taduan mek saong peih pasang tui yaok bruk. Amuk Lê Thị Thủy, urang jakar phường Mai Dịch, Quận Cầu Giấy brei thau, harak gar di phường jeng biak samar drah saong mbuan laghaih: “Phường jao ka dom tổ dân phố pathau khan trun tal dom sang pablei salih, tuk tabiak phường ye photo harak tut angan pablei salih, mã số thuế, haong chứng minh thư. Di phường, urang jakar taduan mek harak gar kê khai. Dahlak saneng tok ngak salah dalam dom minit ngan haong yaok urang, biak drah”

  Urak ini rilo sang pablei salih jeng ka oh thau hu sarak ini di Raja-ei, daok hu menuac daok huac ngak dom harak gar… Kayua yau nan ye bruk jhul khang pathau khan dalam tukvak anak tal lac bruk njauk ngak, piah daong ka dom baoh sang pablei salih taduan mek hu pok jien daong ini piah yam tapa kan kandah./.

Urang lang: Jasi – 07/09