Tame xã Ô Lâm, huyện Tri Tôn, tỉnh An Giang, tangi  sua nghệ nhân ưu tú Chau Nưng thei thei jeng thau, kayua ong naih joi Chằm riêng chà pây gam daoh gam paik capi danei angan grauk labik bhum Bảy Núi. Meda ndom, ong lac sa dalam dom nghệ nhân Khmer buh rilo prein yawa dalam bruk khik ramik saong patagok ilamu phi vât thể di negar.

Bruk jak jeng di ong hu brei mboh tapa dom mbang pakacah, dom harei pataom parang me-in. Yau ye huy chương ameh di Harei pataom ilamu- The thao bangsa Khmer mbang ka 2 thun 2003 di Kiên Giang, giải A, Dom harei ilamu Khmer Nam Bộ di Hà Nội thun 2003…Thun 2015, ong hadah mbaok meta hu Akok negar alin brei angan Nghe nhan uu tu.    

Urak ini, kayua umo taha saong ruak tai bien yau nan ye Ngha nhan ưu tú Chau Nưng oh daok ndem hu saong bruk daok dang nao mai njauk hu anek taco daong. Min tuk mehit ndom tal daoh Chằm riêng chà pây, ong gah gar saong njan ia meta. Sa-ai Neang Sa Mon lac anek kamei duy nhất di ong Chau Nưng khan lac: “ Tuk halei ong jeng sahaneng tal Chằm riêng chà pây saong iek nan yau rilo darah di drei”. Sa-ai Neang Sa Mon daok brei thau lac:

 “ Ame dahlak caong khin taco thau main đàn piah patui veik bruk ong jeng yau khin ka dom rairah hadei thau tal ilamu di bangsa. Đảng saong Karja sangka saong taduan lac drap ar ilamu phi vật thể. Dahlak caong khin anek drei kham khik ramik ilamu nghe thuat ini yau ong pajeng ame di nyu, medil lac anek dahlak sahaneng mboh”

Là hàng xóm của Nghệ nhân ưu tú Chau Nưng, ông Chau Men Sa Rây cho biết, sự đóng góp cho phong trào văn nghệ ở địa phương, cũng như cái tài ngẫu hứng biểu diễn Chằm riêng chà pây của nghệ nhân ưu tú Chau Nưng thật đáng khâm phục và kính nể:  

Lac daok jaik puk paga di ong Chau Nưng, ong Chau Men Sa Rây brei thau, bruk rik daong tame ka daoh tamia di palei, jeng yau joi daoh Chằm riêng chà pây di ong Chau Nưng njauk iek praong:

“ Ong Chau  Nưng lac urang buh rilo prein yawa khik ramik saong patagok ilamu Chằm riêng chà pây, ông jeng hu pato veik ka dom dam dara. Mikva labik ini biak ranam ong saong  kham merat khik ramik, patagok oh brei ilamu nghe thuat ini lahik nao.”

Caong khin tui ilamu Chằm riêng chà pây ye brei hu năng khiếu saong hatai takre,  tarieng roh duah bac megru. Piah daoh hu chằm riêng chà pây, njauk thau pambuak meng capi saong daoh laik saong gauk, abih di nyu nan lac, urang daoh brei thau rilo ilamu xa hoi saong joi sahaneng duah panuac daoh…

Patui bruk ngak di Chau Nưng, adei Chau Say Som Nang, lac taco ong Chau Nưng jeng biak takre bruk daoh ini. Urak ini, adei paik capi hu dom kadah daoh Chằm rieng chà pây, adei daok kham pasram piah ngak hu bruk ong caong khin. Chau Sây Som Nang lac:

“ dahlak biak takre daoh tamia meng tuk daok sit, takre abih lac Cham rieng chà pay. Hu ong tui ilamu ini meng lavik mai. Dahlak khin patui veik ilamu ini, urak ini, dahlak  me-in capi hu 4 ragam. Hadei ini, dahlak kham merat piah hu yau hatai ong caong khin.”

Mboh bruk pato pakai dom rairah piah khik ramik saong patagok ilamu nghe thuat Chằm riêng chà pây – drap ar ilamu phi vật thể negar nan lac bruk njauk brei ngak chip. Meng thun 2014 tal ini, Sở Ilamu, thể thao saong Du lịch tỉnh An Giang hu peih tal pato đàn Chà pây ka dom dam dara Khmer di xã Ô Lâm, huyen Tri Tôn hu dua mbang, yaok mbang labaih 2 bilan. Mbang camereip kayua ong Chau Nưng pato, hu 6 urang nao bac. Mbang ka dua birau tamat blaoh di bilan 1 thun 2017, kayua nghe nhan Chau Hunh pato, hu 10 urang tui bac mek hu tanut glaong, dalam nan hu sa urang kumei. Ong Chau Sóc Phai, urang jakar xa Ô Lâm, tui khik iek tal bac Cham rieng cha pay ndem ka bruk rik daong di ong Chau Nưng, jeng yau bruk tỉnh An Giang hu pato pakai dom urang nan:

“ Bruk khik ramik saong patagok ilamu nghe thuat di bangsa Khmer tuk halei jeng hu urang ngak praong, dom pakat karja sangka, abih di nyu nan lac Cham rieng cha pay. Njauk lac, ong Chau Nung rik tame oh lac takik ka bruk khik ramik saong patagok ilamu nghe thuat meng kan di bangsa, ong caik abih meteh raidiuk di drei ka Chamrieng cha pay. Tapa tal bac cham rieng cha pay bo tinh hu peih pato dalam tukvak tapa, hu jak jeng rilo.”

Meda lac, ong Chau Nưng saong baoh sang di ong jeng yau bhap bini Khmer biak uan tabuan, kayua bruk duh hatai huac lac  Cham rieng cha pay meda lihik nao hu dom pakat karja sangka, peih tal bac, pato ka dom dam dara. Ini lac bruk ngak piah ilamu cham rieng cha bay ini hu khik ramik saong patagok dalam tukvak anak tal./.