Bắc Sơn lac xã bhum ceik di huyện Thuận Bắc, tỉnh Ninh Thuận – labik hu rilo urang bangsa Chăm, Raglai daok. Dom thun tapa, bruk iek glang, khik caga uraniah hu karja palei saong menuac sia sangka, min uraniah labik ini jeng daok kurang rilo janih meng pandap panda tal me-in sambai. Piah ka dom adei hu pren yam tapa kan kandah, ba drei tame cộng đồng, xã Bắc Sơn hu peih  “Harei roya uraniah” ba bui sambai ka dom adei harei Dunya uraniah. Ong Thuận Sa Pa, Phó chủ tịch Ủy ban bhap bini xã Bắc Sơn, huyện Thuận Bắc, tỉnh Ninh Thuận brei thau: " harei jum pataom ini piah ba bui sambai ka uranaih bnagsa takik..."

 Di xã Xuân Hải, huyện Ninh Hải, tỉnh Ninh Thuận hu rah tabiak Harei pataom iek glang pren yava uraniah, pachreih hu jaik 1.500 uraniah saong saong amaik ame mai pataom mbaok. Tapa nan, dom adei hu iek ruak, brei jru meng dom bác sỹ di sang iek ruak huyện, tỉnh.  Sa-ai Nguyễn Kim Oanh daok di palei Phước Nhơn 3, xã Xuân Hải, huyện Ninh Hải, tỉnh Ninh Thuận khan lac: Dua anek amaik dahlak bika bui sambai tuk hu karja sangka daong iek prein yawa oh lac sanmg dahlak bo abih uranaih dalm palei..."

 Ngan saong kadha: “Ba tabiak ngak Hukum uraniah saong pacang caga taong paoh, xâm hại uraniah”,  dalam Bilan ngak ka uraniah thun ini, UB bhap bini tỉnh Ninh Thuận hu tacei dom puk palei,  đoàn thể xã hội, baoh sang patagok bruk khik caga, iek glang uraniah tapa dom bruk ngak yau pato pakai, peih bruk caluai ia pacang mblung ia, pacang caga bala angaok jalan mbak, pacang caga taong paoh, xâm hại uraniah; paglaong akaok sahneng di urang jakar chuyên trách, baoh sang ka pacang caga xâm hại tình dục uraniah; patagok pasang iek di bhap bini ka dom sarak pambuak tal uraniah… Ong Nguyễn Văn Bình, Phó Giám đốc Sở Lao động, Thương binh saong Xã hội tỉnh Ninh Thuận brei thau:

“Anak tal, Sở daok peih ngak danak dak Khik caga uraniah tukvak 2016 -2010, pacang caga bala ka uraniah, patrun patakik bruk uraniah tabiak ngak bruk aval …Dom puk palei patagok pathau khan, jak ba, abih di nyu nan lac bhum urang bangsa  takik njauk peih bruk me-in sambai ka dom kamuan, paglaong akaok sahneng ka dom amaik ame.”

Tapa nan, Sở Lao động - Thương binh saong Xã hội tỉnh Ninh Thuận hu kaoh tabiak meng Qũy Bảo trợ uraniah alin brei  3.000 pok pandap saong jien bac ka anek saih kan kathaot kham merat bac da-a naih joi, yaok pok yaom 1 triệu đồng. Adei Dương Thị Vân, bangsa Chăm, anek saih tal 4, Sang bac Tiểu học Phước Nhơn, huyện Ninh Hải, tỉnh Ninh Thuận lac:" Dahlak biak bui sambai, dahlak kham bac da-a naih joi..."

Piah paglaong akaok sahneng ka bruk khik caga uranaih, dom đơn vị, sang bac dalam tỉnh Ninh Thuận hu peih ngak rilo bruk ngoại khóa piah pathau khan, pato pasram ilamu khik caga ka uraniah daok dalam saong lingiu sang bac.

Bruk iek glang uraniah sang kan kandah, uraniah urang bangsa takik hu jeng bruk ngak gam gam di dom puk palei, ban ngành  saong menuac sia dalam tỉnh Ninh Thuận. Ini jeng lac bruk ngak siam, daong pabak bui sambai ka dom adei dalam tuk pa-uan Harei dunya uraniah bak anit ranam./.