Tui paka 458 Bộ luật dân sự, ngan saong sang danaok taneh riya njauk tut angan quyền ngak po ye harak alin, brei hu hiệu lực meng di tuk tut angan. Pandap alin hadiah lac drap ar hu hiệu lực meng di tuk urang hu alin, brei, hu taduan mek pandap.

Ngan saong drap ar njauk tut angan quyền ngak po yau radaih patuh, ôtô... yeì quyền drap ar di urang hu alin brei hu meng di tuk tut angan bloh quyền ngak po. Tuk nan, urang alin, brei, oh hu quyền ndok veik.

  Meyah urang hu alin brei oh ka tut angan quyền ngak po ye urang alin, brei, jeng hu quyền ndok veik. Meyah pandap alin lac jien, meh pariak, điện thoại atau dom drap ar karei oh njauk tut angan quyền ngak po ye urang hu alin brei lac po di pandap nan meng di tuk taduan mek saong urang alin brei oh hu quyền ndok veik.

  Lingiu di nan, Bộ luật dân sự jeng hu tacei lac, urang alin, brei, meda pandar urang hu alin njauk ngak 1 atau rilo bruk dahlau atau hadei di tuk alin, brei

Tui nan, meyah urang hu alin oh ngak dom bruk bo urang alin brei pandar ngak ye urang ini hu quyền ndok veik drap ar saong ndok bayar khat lahik.Meyah njauk ngak dom bruk hadei di tuk alin, brei, bo gah hu alin, brei, oh ngak ye gah alin, brei, hu quyền ndok veik drap ar saong ndok bayar khat lahik.

  Luật sư Nguyễn Ngọc Hùng (Đoàn luật sư TP Hà Nội) brei thau, brei brei atau alin hadiah lac bruk halan hatian. Meyah dom gah hu sanya gauk lac bruk alin pandap piah pacang dom bruk ngak suan adat hukum ye bruk alin, brei nan meda njauk vô hiệu atau njauk tah klaak. Tui nan, dom gah njauk bayar ka gauk dom hagait hu taduan mek.

Min meyah tuk alin pandap, dua gah oh ndok hagait, bo tok lac alin gauk kayua hu hatai anit ranam gauk, ye gah alin oh hu hagait piah ndok veik, saong urang taduan mek pandap jeng oh njauk bayar veik jien. Kayua yau nan ye, meyah dom đại gia tuk ranam dom kumei dara siam binai, takai atah bo brei ka dom kumei nan rilo tỉ đồng min oh hu gam tui điều kiện hagait, ye tuk abih ranam gauk, oh hu quyền ndok veik. Daok meyah đại gia nan pagam pambak tame bruk nan piah khan brei rilo menuac thau piah đe dọa, vu khống piah ngak melau mbaok meta urang kumei nan, ye bruk ini meda njauk truy cứu trách nhiệm hình sự ka  tội vu khống./.