Pathau mik va song tong abih gauk!

          Tui adat cambat tanarakun di bangsa Lự, urang kumei meng 13, 14thun njauk nhuộm tagei jhuk saong nhuộm mbiah tal tuk halei truh abih tagei meng padeih. Lingiu di ngak mekre, adat nhuộm tagei jhuk di urang Lự daok hu makna tâm linh. Dalam kadha “Dom bangsa adei sa-ai” harei ini, Hải  Huyền, urang vak di rayo sap ndom VN hu ba kol drei nao tal huyện Tam Đường, tỉnh Lai Châu, tame dom bản di urang Lự piah duah thau ka adat cambat ini tapa kadha vak hadei ini:

Adat di khol dahlak lac urang kamei bangsa  Lự meng 13, 14 thun lac nyom tagei jhuk, mbiah tal tuk metai, tuk halei jaruh  abih tagei meng padeih. (Cười)

          Mik va song tong abih gauk anit ranam! Khol drei bahrau pang ong Lò Văn Ngần, urang bangsa Lự, daok di palei  Hon 2, xã Bản Hon, huyện Tam Đường, tỉnh Lai Châu, ndom ka adat nyom tagei jhuk di bangsa drei. Sahaneng lac thaot binguk urang kamei tagei jnuk “kalao yau bilan thu hadah pandiak” tok hu mboh dalam thơ Hoàng Cầm, atau dalam dom cambuai klao dahlau daih. Min urak ni meyah nao tal Tam Đường, Lai Châu, tame dom palei di urang  Lự, drei hu mboh dom cambuai kalao yau nan. Song dom urang kamei Lự mboh hadah mbaok meta ka bruk gheih siam nan..

Oh thau adat nyom tagei di urang Lự hu meng saman halei mai , min tui muk Tao Thị Én, daok di palei Pa Pe, xã Bình Lư, huyện Tam Đường, tỉnh Lai Châu, urang kamei Lự meng 13 – 14 thun brei nyom tagei. Nan lac bruk njauk ngak di yaok urang kamei dahlau di tuk nao tui pasang. Melam halei jeng yau nan, hadei di tuk lisei ia bloh, urang kamei Lự dok tapen ging pui nyom tagei. Dom mbang nyom abih labaih sa tuk. Amuk  En brei thau,  nan lac sa ilamu siam di urang kamei Lự bo labaih  50 thun tapa  muk oh ka mbang halei klak tapa.

Meng umo 14 thun, dahlak nyom tagei ye.  Lac urang kamei Lự njauk nyom tagei, nyu gam siam, gam pacang halak mbang tagei. Urak ni hulin dok khik bruk bhian randap ni, huak lisei bloh drei tame ging  dok la nyom, nyom bloh nao ndih. Melam halei jeng yau nan. Harei halei oh nyom tagei mboh daok oh hu  .

Tui  ong Lò Văn Sau daok di  xã Bản Hon, huyện Tam Đường, janih phun bo urang  Lự bhian pandar piah nyom tagei lac phun mày tửu,  dok ieu lac phun katal. Tuk duah hu phun nan mai, urang cambu thu, am jeng dhang bloh caik tame dalam nding krem. Tuk thak par tagok, mek candiah gang pakhuak veik habar ka tal thak jhuk nyu gam tame mbaok candiah gang. Tuk nan, urang kamei samar tangin  uak sa tal muội khói tagok tagei, sah nao sah mai habar ka tal muội khói nyu gam tame tagei biak kajap.

Yaok sa melam, ngak sambang. Meyah harei ni nyom,  2- 3 harei hadei nyom veik  nyu oh gam tagei, oh jhuk hadom. Harei halei jeng nyom yau drei carah tagei. Meyah drei oh nyom, yau drei oh carah tagei ye mboh kan daok hu. Nan ye, melam halei jeng nyom nyu.

Tui langyah di saai  Lò Văn Ngần, daok di palei  Hon 2, xã Bản Hon, huyện Tam Đường, adat nyom tagei nyu tabiak meng hatai sahaneng ka bruk gheih mekredi urang Lự: tagei jhuk meng lac tagei siam, urang kamei halei nyom tagei jhuk meng hu rilo urang likei caik hatai anit. 

Dom urang taha dahlau deih ngak yau nan, nan ye njauk ngak tui. Oh nyom jhuk tagei, urang klao haiy,  lac drei lah oh khin ngak, meyah tagei nyu patih hasit ye urang lac drei lah, melam maioh njom tagei. Urang likei chê, oh hu urang halei anit 

Yau nan urang halei oh njom tagei takik hu pasang likei, njauk halei oh?

Bo, njauk yau nan

Oh lac piah ngak brei mekre, adat nyom tagei jnuk di urang Lự dok hu makna  tâm linh. Dahlau deih , urang kamei Lự  tuk nyom tagei ye oh brei kuah patih. Kayua urang kamei nyom tagei, tuk metai meng hu ong muk ong kei taduan mek. Saai Nguyễn Thanh Tùng, Trưởng phòng Văn hóa – Thông tin huyện Tam Đường, tỉnh Lai Châu khan lac: - Dahlau deih dom urang prong thun, tuk metai khin caik tamo thaik thaot di drei. Urang khin lac tuk metai nao daok khik tamo thaik thaok di urang kumei Lự piah trun nan muk kei thau hu drei./.